وب اعتقاد امي واخواني اني انا الي قايله لزوجي خلني عند اهلي انام ع كيفي واتدلع ع كيفي واني عديمة المسئوليه وانا كل يوم اترجاه يجي ياخذني كل يوم رسايل ومكالمات وازعجه ولافي فايده

عيالي كثر الافلام الي يشوفونها قدامهم صارت زي العقد بيهم كل كم يوم فلم يهجم علي واحد من اخواني ويضربني ضرب عشان بس امي تحرشهم علي اني اقل ادبي معها ب الكلام وانا فعلا كنت م اتحمل منها يعني تجيني تصارخ علي واحس اني خلاص زي المجنونه طفح الكيل عندي كرهتها بذيك الايام لدرجة كنت ادعي عليها بذات لما كانت تحرش اخوي وتقول له هاذي ميصلح الا ناخذ عيالها نوديهم ل ام زوجها وهي نربطها بجنازير ونحطها ب المخزن

عشان ايشششش لين مره من المرات كانت بعد علي الدوره وكنت منهاره نفسيا وبعد تعبانه قبل بيوم ماخذه ابرة تطعيم كرونا وجا اخوي قال قومي خذي لعيالك واحشريهم عندك قلت الحين قال اقول قومي قلت يلله بعد شوي وجا وشالني من شعري وجرني وقال لما اقولك تقومين تقومين بسرعه قلت له خلني انا تعبانه وعلي الدوره قال التعب هاذا دايم مهو شي جديد ويشد شعري بقوه وانفض يده واروح اركض لزوجته واقول لها ويلحقني ويمسكني قدام زوجته ويرضخني وعياله يشوفون بعد يصارخون ويجي واحد من اخواني ويفكني من ايديه الله يجعله للجنه قال من سمحلك تمد يدك عليها هاذي انسانه تسوي فيها كذا وامي واقفه وتقول تستاهل من طولة لسانها الافضل تودونها مستشفئ المجانين نرتاح منها

طبعا نرجع للزوج المصون الي مايدري عن هاذي الاحداث لين جا وقبل لايجي بيوم قال بحول لك مبلغ تزينين نفسك فيه لي قلت اوك حولي حق بروتين خخخخ عشان الكشه الي مالها علم ب المشط وجلسة ليزر عشان جسمي يزين
وحواجب وملابس وووو

المهم واروح للمشغل واتزين وارجع للبيت وكل اهلي متجمعين لمن شافو شعري استلموني طقطقه ان تتزينين ع الفاضي وان مايشوفك شي ولو يبيك زوجك مخلاك كل هلمده

واخذني معه الحمدلله وسافرنا بعدها قام يحلف ان بيسافر وتكون اخر سنه له شغل وان خلاص اصلن طفش هو

يعني ٦شهور من السنه الاولئ و٦شهور من الثانيه

وكمان بعد يبي يخليني ٦شهور اما زودها بقوووووووه


اعترضت وبكيت وانهرت عنده قال عاد ان مارضيتي نفس الحاله روحي للمحكمه حسبي الله

قلت يلله دام اخر سنه زودلي المصروف وتوكل ع الله وامري لله

وانكست حليمه لعادتها القديمه خخخخ رجعت للمعاناه وامي من الفرحه قامت تزغرت خخخخ العكس يعني

زادت ضغوطات امي علي بزياده واخواني بعد ورجعت انا لحالتي النفسيه بس هلمره قوت علاقتي بربي وصرت اقول مالي غير اني ادعي والزم سورة البقره

واستمر عليهن والمشاكل مع اهلي تزيد يوم عن يوم حتئ لما اقرا سورة البقره غير تصير مشكله كبيره
كن الشياطين يسلطون اخوي علي
وكذا مره يتهجم علي وانا بغرفتي اقرا ماسكه مصحفي اقرا البقره ويقول اتركي القران وكلميني انا اكلمك ويصارخ علي وعيالي يصارخون يبكون خايفين منه

المهم ومرت ٦شهور بعدها اتصل فيني زوجي قال دريتي قلت ايش قال مددنا هلمره الشغل كمان يعني شغلهم بموسم الشتاء ولمن قرب يخلص الشتاء قال مددناهً كمان موسم الصيف يعني اصير اجيك كل شهر اربع ايام يراسي قلت ايشششش تقول بصراخ قال هه امزح امزح باي باي اكلمك بعدين

ارسلت له قلت تكلم معي زين اكيد م قلت هاذا الكلام الا فعلا انك صادق

طلع صادق😭😭😭 وخويه الزمه بعد

وترا بعد قلت لهلي قلت خلاص بشهر الفلاني يجي ياخذني خلاص قالو حناا بنسكت لين يجي الشهر الي تقولين عنه ونشوف اخرتها معاكم
تخيلو جاني انهيار عصبي
كيف ابي اقول ل اهلي
كيف ابي اصبر بعد
يعني فوق ال٦شهور الي تحملتهن بعد يبي كمان يخليني بعد لين يتم لي سنه عندهم
يراسي وش اسوي واكلم امه بعد واقول لها اخواني معصبين ويبون يحطون عييالي عندك قالت وش نسوي عاد اخوانه كلموه وتهاوش معهم ونفس الحال

واجلس ادعي ع خويه ليل ونهار

المهم بعدها صار يجي اربع ايام تخيلو يقول جهزي حالك بجي اخذك واتزين واكشخ واروح انا وياه ومعنا عيالنا لشقه مفروشه اربع ايام
بس ويرجعني لهلي ويسافر والشهر الي بعده نفس الحاله يجي اربع ايام ويسافر 😂😂😭😭 وانا الغبيه لمن يحطني عند اهلي ادخل الغرفه وانهار ابكي بس ترا اعتبر ه ال اربع ايام هاذي فترة نقاهه اني م اشوف اهلي اخفف شوي ضغط

الين اخواني قامو يهاوشون خييير ياخذك اربع ايام ويرميك وش شايفك ق ح .. ومن هاذا الكلام

لين الجيه الثالثه جهزت له خطه مرتبه ترتيب محترم

طبعا بجياته ال اربع ايام امسك جواله وهو نايم صوب لدردشة خويه اقرا وش يسوون وتحركاتهم
سوالفهم عن الشغل وماالشغل
ومن ضمنهم يشكيله زوجي مني اني ازعجته وماهو عاجبني الوضع ويقول ماعليك منها زوجتك خبله لاترد عليها وقفل جوالك عنها تخيلووو😭

لين اخر مره جا فيها المره الثالثه بيجلس اربع ايام
كانت قبلها مكالمه بيبني وبينه رومنسيه خخخ
قال لي تبين اجيك قلت اي قال ابشري وجا


ومسكت جواله وهو نايم وقريت الا تخيلو وش قريت

خويه معصب عليه

كاتب لخويه بسافر اربع ايام






يشاور خويه انه بيجي لي

وخويه يقول له يمريض رح يوم بس امسطها اربع خيوط وارمها علئ اهلها وارجع سو مثلي

وزوجي يقول لهه لامايكفيني