اكملكم الليله الاحداث الي غيرت كلشي

كملي

كملي متابعه

كملي ننتظرك

طبعا انا كنت جاهله ب امور الطلاق
يعني الاسترجاع او كيف احسب ان لازم عشان يرجعني يكون اهلي عندهم علم

تواصلت مع محاميه وقلت لها كل شي وقالت لي ان صور المحادثات مو اثبات عشان ترفعين قضية تخبيب مفروض اني قبل اصور المحادثه رحت وحذفت الاسم من الاسما وبعدها خليت فوق رقم بس وصورت المحادثه

المهم جلست كم يوم وانا كاتمه الموضوع بيني وبين نفسي الين ارسلت له رساله كتبتها لي المحاميه عشان يحس علئ غلطه شوي الي هي بيني وبينك عيالك فكر بيهم وهم امانه سواء عندي او عندك ومن هاذا الكلام واذا للحين علئ رايك خلص اوراقي وحسبي الله ونعم الوكيل علئ من كان السبب
ارسلتها م رد

وعطاني حظر

لما شفت الحظر قلت انا اوريك

ثاني يوم اتصلت ب امه وقلت لها شلونك ي ام فلان قالت الحمدلله ام فلان غريبه وش فيه
قلت ليش م قال لكم ولدكم انه طلقني😂

قالت وشو طلقك طلقك قلت ايوالله طلقني قالت لاوالله اني مدري عنه ومن سافر مكلمنا كيف طلقك
قلت اتصل بي قال انتي طالق
قالت يويلي الطويله كيف طلقك منصدمه قلت الحين اعلمك كيف وارسل المحادثه ل اخته الي بجمبها عمتي وقلت هاذا هو السبب تشوفون ولدكم

ومن ضمن المحادثه بها طلق امك بعد

قام صوتها يتراعد قالت اص احذفي المحادثات لو يدرون اخوانه ذبحوه هو والرجل الي يراسله
وصارت مشاكل انا ودي اعلم اخوه يتفاهم معه
بدون م ندخل هاذا الرجال وقامت تدعي ع الرجال
قلت هاذي نهايتها ي عمه ع صبري السنين عليه وضابه عيالي ولاودي مشاكل ولاابي اشتتهم ب الاخير يسوي فيني كذا والله لو درو اخواني بلموضوع ي عمه
ان مايرجعوني له ل الدفنه وعيالي يرمونهم عليك قالت لاتتكلمين ولاتقولين لهم شي

قالت ماعليك كلنا معك وحقك بتاخذينه وايشي تبغينه اتصلي بي

ثالث يوم اتصلت عليها >>مابي السالفه تبرد

قالت مايرد علينا بلمره مقفل جواله عنا

بعدها بفتره اتصلت علي وقالت ان اخوه اتصل عليه وقال له انت صدق طلقت الحرمه قال لا انا مًطلقتها كذب >>انكررر



بعدها جا وقت الراتب انتظرت لين ثاني يوم
ماافي تحويله

رحت ارسلت له من جوال امي >>(مااقدرت اسكت )

ارسلت مدامها وصلت لهاذا الحد ارسل مصروف لعيالك وارسلي ورقة طلاقي وعطيته بعدها حظر.


وبعدها اتصلت ب امه قلت هاه وين المصروف اشوف مافي اي تحويله وانتي عارفه ماقلت لاهلي ولاابي اطلب منهم فلوس

قالت وش انتي مرسله له قلت هو قال لكم قالت ايوالله ارسل لاخته وقال لها تشوفين وش مرسله لي وقالت له اخته ماعليك منها بس جاهله وهدت الموضوع قلت لاوالله اني صادقه

قالت حنا نبي نهدي الامور ومصروفكم بيجيكم لاتخافين

قلت يعني تواصل معكم قالت اي
قال لااخوه امن كلمه قالتها لي كرهتها وفر قلبي عنها و قايل اخوه لو مرتي تقولها لي اني غير اطلقها ب الثلاث

قلت يسلام وش الكلمه الي ماجيت اقولها غير بعد ه السنين

السبب واضح والكلمه هاذي من خويه هو الي قايل له يقول كذ

هدتني وقالت هدي الامور وكلنا معك واكيد غير يجي ونقدر نتصرف معاه حنا نخاف يقطع الجيه بلمره لان حتئ الاتصال ميرد علينا ..

المهم وحسيت براحه شوي اني قلت لهله ي تنحل ي تنبر ع قول الشيطان >>