حسيت اني قليت ادبي مع امه صوتي كان عالي وانا اتكلم معها

>>
بعدهها حول مصروف بس كان ربع المصروف الي يحوله ف العاده

انتظرت لين بعد عشر ايام بعدها ارسلت ل اخته >>نشششبه

قلت قولي له المصروف خلص والفصل الدراسي الثاني بدا والعيال ماعندهم اغراض مدرسه

قالت طيب

انتظرت يوم

مافي فايده

ثاني يوم

ثالث يوم

بعدها ارسلت له رساله نصيه كتبت المصروف الي ارسلته للعيال خلص وهم بحاجه لمقاضي مدرسه
طنش

قلت هين


مر اول اسبوع دراسي
غبتهم

ارسلو له المدرسه

ارسلت لي اخته تقول خليهم يداومون بكره

كتبت قولي له ماعندهم اغراض

طنشو

وغيبتهم كمان اول يوم من الاسبوع الثاني

ارسلت لي اخته انه معصب ويقول خليهم يداومون

سحبت عليها

ثاني يوم كمان نفس الشي الا ترسل لي رسالة التحويل وكاتبه عليها خليهم يداومون

بعدها خليهم يداومون

مر اول شهر مافي جديد وثاني شهر
بعدها رحت ارسلت لزوجة خويه

كتبت لها ان لمن كان بجمبي وعندي شفته يراسل زوجها وقريت انه يقول له طلقها وهو سمع كلام زوجها وحسبي الله ونعم الوكيل هاذي نهايتها يشتت عيله واني م اخليه من دعاءي

م اطريت ابد المحادثات

وضحت لها ان لمن كان بجمبي قريت وهو يراسل زوجها

ارسلت لي انها موفاضيه جالسه تدرس بنتها وقفلت المحادثه

واستثنيت الكل وخليت بس حرمة خويه وصرت احط عن الظلم والتحسب والتخبيب بين الزوجين احط صور

طيب وشصار بعد

ارسل لي بعدها رساله ان تحسبين م رحت للمحكمه وقالو تعال بعد ماتخلص المده قصده مدة الطلاق ثلاث شهور ولاعاد ترسلين حريم اخوياي لانك فضحتيني عند الناس
موضوعك منتهي عندي

>>قصده رسالتي لزوجة خويه

خلاص حسيت انها قفلت بوجهي بذات لما امه بعد كلمتني وقالت انه يحاول يجيب شغاله وياخذ عيالي عندها وقالت له ارميهم ب الزباله اذا جبتهم لي قفلتها بوجهه

هينا انا قلت خلاص دامها وصلت كذا لازم اخواني يدرون وب الفعل قلت لاخواني وعطيت اخوي المحادثات وقلت له السالفه قالو يوو الله يعينك وهاذا كلب هو وخويه وخلاص لعاد ترجعين له وبنعزك صبرتي انتي بما فيه الكفايه والثاني قال بجيب هاذا الرجال وعطيته اسمه الكامل وقال ماعليك خليه علي وكلامهم ريحني حسيت بقوه بس لمن جا الليل وصرت ب فراشي
ضعفت وندمت اني قلت لهم جلست ابكي وش سويت انا وكيف قلت لهم وخفت خوف موطبيعي انه يقلبون علي وياخذون عيالي مني يودونهم لهله
ارسلت لااخوي الي معه المحادثات قلت لاتسوي شي الين نشوف اخر الشهر وش بيصير قال طيب

بعدها تخيلو الوضع صار هادي وصرت الزم الصلاه الابراهيمه وجا رمضان ذا رمضان الاخير والتهيت ب العباده وتغيرت نفسيتي وقويت وحسيت بتفائل بعد ماوكلت امري لله