قصتي مع سلفتي

اهلين بنوتات ومتزوجات كيفكم والله مالي غيركم آفضفض له عن الي في قلبي
بدخل في الموضوع على طول
الله يسلمكم زوجة اخو زوجي على مااعتقد تسمونها(سلفتي)
اهي متزوجه قبلي يعني كانت من قبل سوالف مع زوجي كل يوم بحكم انه معاها بنفس البيت لأنها ساكنه في بيت اهل زوجي
المهم بعد ماتزوجت وطبعا آنه سكنت في شقه لحالي كل مره لين نروح بيت اهل زوجي تقعد تسولف طول الوقت مع زوجي ولما آنه افتح معاها موضوع تكمل السالفه وتشبك زوجي معانا طبعا آنه انقهرت المفروض تخلي في حدود بينها وبينه
إذا قبل مايتزوج كيفها ماهمتني بس آنه اللحين موجوده المفروض تحترم وجودي وزوجي لما آكلمه يقول لي احنا متعودين من قبل على الوضع انها مثل خواتي ماقدر اللحين آسكتها وآحقرها مره وحده
المهم آنه طنشتها وتميت لما آروح واهي تسولف مع زوجي آسوي نفسي مو منتبهه وآلهي بأي شي ثاني
حتى زوجي لاحظ هالشي واهو في طبع يحب يشوفني غيرانه فتم مايسولف معاها وايد فأكتشفت انه يبي يقهرني لاغير
المهم بعد فتره كنت في النفاس وكانو اهل زوجي جاييني زياره واهي ماجت معاهم آنه قلت ابركها من ساعه
المهم زوجي اتصل فيني قلت له اهلك عندي بعدين آكلمك
إلا لما اطلعو من بيتنا اخوي جا يقول لي جفت زوجك عند باب المستشفى في السياره ولما سأله مع من جاي قال جايب مرة اخوي لأن ولدهم مريض
آنه هني مت من القهر واتصلت فيه وماتم شي ماقلت له تم يقول لي يعني شنو تبين آقول حق اخوي اتصل فيني وقال لي ولدي مريض وآنه بعيد ماعندي سياره اخذهم المستشفى وآنه بارجع آخذهم
قلت له على الاقل خبرتني بمسج قال لي قلت لما ارجع باخبرك
المهم لما اجا قلت له جان بعد قعدت معاك قدام في السياره هاذي قوية عين إلا يقول اي هي قعدت معاي قدام
بنات آنه هني من القهر شنو قلة الحيا ذي هاذي مو متربيه عادي عندها تجلس جنب الرجال
المهم سكرت آنه السالفه لأني ماكنت ابي ىنزل من مستواي وآتهاوش معاها
إلا بعد فتره يعني تقريبا اسبوع زوجي جايني يقول ترى اهي اتصلت وآنه مارديت عليها وبعدها طرشت مسج قلت له وش تبي يقول تبي رقم كهربائي
المهم آنه مت من القهر قمت وطرشت لها مسج من تلفوني أن مايعرف رقم كهربائي
إلا قليلة الادب ردة اتصلت على تلفون زوجي مع ان حركتي مفهومه ان آنه رديت عليها من تلفوني عشان ماتتصل حق زوجي
إلا متصله وتمت تقوله مسامحه ازعجتك وكنت ابي كهربائي يمد لي سلك للإنترنت وزوجي في الدوام
(يعني بذمتكم هاذي شي مهم) وتمت تشرحله انها راحت تبي ترهن الذهب والمحل مسكر ومادري ايش آنه عرفت ان حركتها الي ماتستحي مقصوده لي
قام زوجي واتصل في امه وقال لها قولي لها لاتتصل ولا تطرش مسجات عندها زوجها واهلها آنه مالي شغل
آنه طبعا كنت زعلانه جان تطرش حق زوجي مسج في الليل آسفه إذا ضايقتك
طبعا زوجي المصون ما اجا قال لي إلا اليوم الثاني بعد لاني دريت بالصدفه لما كنت آشوف تلفونه وقلت له ليه ماقلت لي قال آنه ماابي المشاكل مللتوني
كان آقول له طرش لها مسج قول لها لاتتصلين
قال ماعرف وش آكتب كتبي انتي
قمت وكتبت لها ان رجاءا لاتتصلين ولاتطرشين مسجات عندك زوجك واهلك وىنه مو محرم لك فعيب الي يصير لأن زوجتي ماقط مره تجرأت وأتصلت لزوجك
المهم إلا ردت بمسج على تلفوني (مشكوره انتي وزوجك مايسوى علي احتاجيت لكم )
قمت طرشت لها(لو آنه مكانك وكنت محتاجه شي من زوجك باخبر امه تقول له او باخبرك انتي ماباتصل في الرجال دايركت ولو احتاجيت آروح المستشفى باقعد ورى مابركب قدام مع الرجال لأن عيب)
ردت(اجل ليش تطرشين مسجات من تلفون زوجك على انه اهو الي مطرشها)
رديت عليها(زوجي اهو المطرش المسج مو آنه)
ردت( ولو ان الاسلوب مو اسلوبه والكلام مو كلامه بس باحاول آصدق)
يابنات آنه هني مت من القهر
رديت عليها(على العموم كنت ابي آذكرك شنو الشي الصح وشنو الشي الغلط مو عيب إذا الانسان نبهوه على غلطه)
ردت( موانتي الي تعلميني العيب)
المهم وانتهت المسجات وزوجي كلم اخته الكبيره قال له قولي لها لاتتصل مانبي مشاكل مللتنا
بعددها بيوم زوجي كان بالشغل اتصل فيني إلا يقول لي امي وايد تعبانه (اهي معاها الضيجه ضيق تنفس ماادري وش تسمونه) ويقول انه يحس انها تعبت بسبب السالفه الي صارت
قمت آنه قلت خل آقصر الشر وطرشت لسلفتي مسج(ماكنت آتمنى ان الامور توصل لهدرجه بس لو انتي كنتي مكاني ماراح ترضيين بلي صار )
وطرشت لزوجي المسج عشان يشوفه إلا طرش لي(زين سويتي كسرتي عينها مع انها ماتستاهل كلام طيب منك)
إلا اهي ردت علي(رجاءا خليك في حالك وآنه في حالي )
وبس انتهت السالفه
وتمينا بعدها بفتره نروح بيت اهل زوجي لما تجوفنا تروح غرفتها آنه قلت احسن كفت شرها
لكن امس لما رحنا بيت اهله اخوه كان موجود واهو ولاعمره شاف ولدي يعني اول مره
لما دخل طالعني بنظرات حقيره وتخيلو جلس سولف مع زوجي ولا التفت على ولدي يعني عمه ولا مره شافه صدق مايستحي وآنه الي زوجي كل يوم يلعب مع ولدهم ولايتركه
بنات من القهر وزوجي يقول خل يولون عنك خل نصير احنا الاحسن


المهم آنه مت من القهر يعني اهي الغلطانه بلي سوته
بنات آنه غلطانه لما طرشت لها هالمسجات عن الي سوته
وهل الي كانت تسويه عادي مع اني آجوفه عيييييييييييييب وقلة حيا
ارجوكم ردو علي كل وحده تقول وجهة نضرها