فلانة بنت فلان :

الصراحه حطمتوني يابنات حواء الحين هذه ردود؟؟؟؟؟ بتحلفون لي ان كلكن ياللي رديتن ماتتكلمن مع اخو زوجكن؟؟؟؟ اخت زعفرانه انتي بروحج قلتي انها ساكنه ببيتهم يعني اكيد اتشوفه مثل اخوها...وريلها بعد ماقصر خلاها تعتمد عليهم...لاتتهمون البنت بقلة الادب وغيره هي انوضعت في وضع وتأقلمت عليه...وانتي اسلوبج اساسا استفزازي من البداية ومادري وين العقل فيه؟؟؟؟؟؟؟ لانج انتي اللي بديتي ...وهي بتتحسبها غيره منها عشان جي بتحسس منج...خاصة ان زوجج الحبيب مسوي نفسه مايخصه...ومتأكده انه قالهم هذه حرمتي اللي وصتني..وشوفي منظرج قدامهم اذا ماكرهوج... شوفي ببيت اهل زوجي عادي عندهم هالوضع اللي ضايقج...بس لاني خليت زوجي اللي يتكلم وسويت نفسي بعيده عن الموضوع..محد قدر يتكلم...مع ان عمتي وعيالها يتضايقون مني اذا جيت واضطروا يسيرون المجلس..اتم عمتي اتقولي هذيل حسبة اخوانج مافيها شي...؟؟؟ اتخيلي برمضان جيت افطر عندهم قالتلي بخلي وحده من البنات تفطر معاج بالمطبخ؟؟؟ ليش شغاله؟؟ بس عشان لايفطرون عيالها بالمجلس بس زوجي الحمدلله هو اللي شل الفطور للمجلس وتمت ماده البوز وتبت افطر عندهم الا مع باقي سلفاتي.. بس مثل ماقلتلج يمكن انا قدرت اسوي حدود بس سلفاتي الباقيات ماقدرنوهن معرسات قبلي...وعاشن نفس الوضع اللي يمر علي انه عادي تقعدين معاهم وغيره...وغير هذا رجالهم عودوهم.. الصراحه يتصلن اذا يبن شي من زوجي عادي عندي...يطلبن يوديهن العيادة او المستشفى..عادي.. ليش اكبر سالفه من لاشي... المهم انا محترمه نفسي ومايخصني بازواجهم ولا الباقين...وزوجي الحمدلله فهمته وسوا حدود بينه وبينهن...واذا بيطلع وحده منهن لازم وحده من خواته تقعد جدام او واحد من عيالهن...بس مايطلع بروحه معاهن...صدقيني هن بدن اشوي اشوي يستحن منه لانهن حسن انه يبتعد..ويضحكن ويقولن اكيد شغلتيه عنا بالزواج:)...وماحطن شي بخاطرهن... مب انتي الله يهديج مسويه معركه ومد بوز ومسجات والخيبه...لو ريلج اتعرف على وحده شو بتسوين عيل؟؟؟؟؟ وثانيا اسلوبج هذا بيطفش ريلج هو صح الحين فرحان انه قاعد يحرق دمج...بس صدقيني فتره ويمل..مافي ريال يحب كثر الشكوى على اهله..كل اشوي هذا زعلان...هذا ماد بوزه... انتي راجعي اللي سويتيه بمنطق..واسمعي مني مثل اختج واكبر عنج..وجربت العيشه مع اخوان الزوج..فحسيت انج قسيتي على سلفتج ويبنات حوا...الله يخليكن امور السلفات والعمات يبيلها سياسة وطولة بال والاهم ان الوحده ماتتدخل بنفسها...اذا في مشكلة خلي الزوج العزيز اللي يدخل...تتحسبن انه اذا شافت قوية عين يفرح؟؟؟ بالبداية يمكن كنوع من الهبل...بس بعدين بيبدى يحقرج ويوقف بصف اهله فبسكن تصفيق على الغلط...هي ماتزوجت داشه على معارك..هي اكيد تبى بيتها مستقر ...فلاتخربونه بهالاسلوب

الصراحه حطمتوني يابنات حواء الحين هذه ردود؟؟؟؟؟ بتحلفون لي ان كلكن ياللي رديتن ماتتكلمن مع اخو...