صباح / مساء العسل على الناس اللي احلى من العسل
هذا سلمكن الله يوم كنت بزره وصغنونه وصغيوره وحلوه واموره
كنا نحب نام عند جدتي الله يرحمها نروح انا وبنات خالتي ونام عندها (( صغار ماندري هههههههههههه ))
وتعرفون حكاية النوم والماء
وتقولنا نامو والا نقول
جده جده جده
نبغا مويه نبغا مويه نبغا مويه
والا تقول نامو وتجيكم الغزاله وتسقيك ..الله يرحمها .. ترا جدتي مو الغزاله
وننام واحنا متأكدين ان الغزاله راح تجي وتسقينا
وتمضي الايام واتزوج واجيب عيال
ويكبرون شوي واجي لموال النوم والماء
ترا كل يوم الله يحفظهم
00 الحمام 00 اكرمم الله00 والماء
الحمام مااقدر اقول شي يروحون
والماء الله يحفظهم حجه علشان ماينمون
قلت يابنت سوي زي جدتك الله يرحمها
كان اقولهم بكل ثقه نامو واتجيكم الغزاله وتسقيكم
وما احس الا تنهال علي وابلا من الكلمات التي تضرب بي يمينا ويسارا
الوسطاني قال
الغزاله حيوانه كيف تدخل والباب مقفل >>>>>يعني الحين انا جبت طاري انسان ولا حيوان انا عارفه انها حيوان
والصغيرون فر مخه وقال
حيوان وش كبره امدينه (( يعني يمديه )) يدخل من تحت الباب ولا يكسر الجدار ويدخل
لا والداااااااااااااااهيه الكبيييييييييييييير
كيف تشيل المويه وهي ماتقدر تمسكها ولا تحطهافمها ييييييييييييع
مسكييييييييييييين تعذب وهو يفكر كيف تشيله الما
يعني لو شربو مويه كان افضل لي من استنتاجاتهم
بس ايش السبب يعني احنا وحنا صغار دلوخ ماحد يقول شي الا نصدقه
ولا نحترم الكبير واي شي يقوله هو الصح ونصدقه وحنا مغمضين
ولا كان مجتمعنا نضيف مافيه كذب ولا حسد ولا غيره
وعيالنا فاهمين وخيالهم واااااسع
ولا قليلين ادب وما يحترمون اللي اكبر منهم
ولا ماعندهم ثقه فينا وما يصدقون كل شي نقوله
ولا مجتمعه كثر فيه الكذب وما صارو يصدقون كل شي
طب الله يلعن ابليسهم الاجانب عندهم هذا مدري وش اسمه اللي يجر العربه ويوزع الهدايا وهو الظاهر يجرها بغزلان هذا اللي يجييهم في اعياد الميلاد حقتهم
ومصدقين عيالهم وينامون واهلهم يجيبون الهدايا ويحطونها عند الشجره وعلى باله هو جايبها له
طيب العرب دائما هم السباقون في اي شي
يعني مادرو الاجانب ان اجدادنا كانت عندهم غزاله متكفله تسقي عيالهم وهم نايمين
وين لجنة الثراث عنا وين الجنادريه
لا ويقولون علمو اولادكم الموروث الشعبي
طب العيال ماهم مصدقين اش نسوي لهم الا غصب يصدقوووووووووووون <<<<<<<<خليني اقفل على الموضوع لايوصل الخبر لجمعية حقوق الكبار وياخذون عيالي ويأدبونهم
ولا يدري كوفي عنان ويبلشناوالدعوه وشهي
غزال ماشي على هونه
شايل معه ماء
بس عيالي مايبونه
دعوه للضحك ليس الا
دمتم بحفظ الله