ياي قصتك مره تونس سولفي كل يوم وش يصيروباذن الله تكون نهايه بزواج وسعاده .............بس نصيحه خليك ثقيله ومتمسكه بدينك

اصبح عليك وعلى الجميع لكن انا مع اللي قالت لك لا تفكري في الموضوع كثيرلانك مهما حاولتي ما تبيني ما راح تقدرين عشان كذا خلي الموضوع عادي وكان ما في شي وهو اذا يحبك يعرف طريق اهلك واتمنى لك مستقبل سعيد مع النصيب اللي كاتبه لك ربك وحبيت اقول لك اني قبل ما اتزوج كنت اتمنى ارتبط بشخص عندنا في الحي وهي كانت امنية قلبية فقط لا غير لان المجتمع عندنا في السعودية يعزل البنات عن الاولاد وكنت ادعي دائما انه يكون من نصيبي لكن الحمد لله الله ما استجاب دعائي ورزقني بانسان افضل منه من جميع النواحي

هاهاهاهااها التفااااااااااااااااااااااااااصيل اضحكتني والله :)

حبيتك تصدقين :)!!!

والله انا درست في جامعة مختلطة ,, وهالحركااااااات داااايم تصير,, فضول الرجل للانثى قوووي
خصوصا اذا شافها هاديه يصير يحب يكتشفها اكثر


لاتحطي في بالك
وديري بالك الف مرة لانه يعرف اهلك :) ولو يبيك والدك موجود

اتمنالك الخير

والله البناات صاادقيين بكل كلمه قالوها

يعني انتي من جدك يطالعك ويوقف ويشوفك ويستحي منك وكل ذا السوالف احسه نصاب لو انه صاج كان يا واخطبك

صح كلامي والا لآ .. وبعديــن اهو يوم اعرفك قام يتلقف ويشوف لا يهمك .. ودايمن حركات الريايل تجذي يحبون التلقف

وبصراحه انا الشكيت مدري احسه احيانا صادق واحسه لآ فـاانتبهي منه واثقلي لان الرجال مايحب البنت الـمرجوجه

وبس

السلام عليكم

اولا حبييت اشكركم كلكم على ردودكم...والله صدق ماندمت اني شاركت في هالمنتدى ونزلت موضوعي ^^

كل ردودكم قريتها فوق المرتين..وكل كلامكن صح...

انا والله من اليوم بديت امشي على رايكن ونسيت نفسي كل شي..يعني كل ماذكر مواقفه احاول اشغل نفسي بالشغل عشان انسى

اخاف اتعلق وبعدين انصدم نفس ماقلتوا =(


...........................................................


حبيت اقول بعض التفاصيل الصغيره والمواقف اللي ذكرتها..ممكن تتوضح لكم الصوره اكثر ^^


في مره الصبح ..كنت توني واصله الشغل...التقيت معاه عند الباب..طبعا طنشت..قلت ان شاء الله حد ايي معانا عساس كنت متاخره وابا حد يركب معانا اللفت..لاني مابركب اذا كنت انا معاه بس..فهمتوا عليه ^^

المهم يا واحد اجنبي..وفتح اللفت...ركب الاجنبي...عقب كان هو بيركب وعطاني ظهره..عرف اني مابركب..وكان اللفت بعيد..فكان يمشي..المهم يت بنت بسرعهوكان هو بدخل قبلها..طنشها شفته ماوقفلها بس هي سبقته ودخلت اللفت (البنت دفشه شوي بيني وبينكم ههههه)...عاد انا شفتها قلت بركب خلاص..وهو كان مستعجل ويمشي بسرعه.بينه وبين اللفت نص متر ..ونا امشي وراه..يعني هو عطاني ظهره..وبيني وبين اللفت 3 امتار تقريبا

المهم هو حس بعدين اني مشيت وبركب..اتخيلوا وقف بعدين نزل راسه عالارض ولف شوي شوي عاليمين..يعني يبا يلمحنى امشي والا لا..انا انصدمت من حركته مع ان خلاص بس خطوه وبكون هو في اللفت..المهم وقف على طرف باب اللفت..ورفع كتفه اليمين عساس يمسكلي باب اللفت ومايسكر..ويالله دخلت اللفت...اول ماصرت عداله بدخل رفع بسرعه راسه وشافني..
انا بصراحه انصدمت من حركته..قلت لربيعتي لانها دايما اتشوفه الصبح عند اللفت وتركب معاه اللفت..قالت لي تدرين ان ولااااا مره قعد ينتظرني وكله هو يركب قبلي اللفت..ولامره عطاني سالفه !!



موقف ثاني..طبعا الدريول يوقف عند الباب بالضبط..المهم هو مره كان وراي ركبت السياره على نهايه الدوام..عقب اشوي المح سيارته عدالنا..عند الاشاره..تم مره يتجدم ومره يتاخر يعني تم حوالينا..لين تقريبا وصلنا منتطقتنا..يعني مسافه 20 دقيقه تقريبا !! (عفكره هو مايعرف اني اعرف سيارته..واصلا سيارته مخفي اسوود مايبين..يعني كان ماخذ راحته!!)


مثلا ربيعتي مره كانت تكلم مسؤول..واتقوله امتى بتعطينا تدريب؟ قالها شوفيكم اليوم متفقين تسالوني؟ قالت ليش منو سال غيري..
قال سالني محمد..(مع انه يابنات توه مخلص امتحانات ماجستير)..يعني ماشاء الله ووااايد مستعجل على التدريب..(عفكره تدرون منو بكون في التدريب ...بنتين ..وحده معرسه ووحده ربيعتي اللي قتلكم عنها..وانا وهو !)


مره بعد ربيعتي حلمت حلم عنا ..وان في الحلم اكون يالسه في تدريب..والمدرسه هاوشتني...فعصب هو..قالي قومي هب لازم تدرسين..اهم شي كرامتج...وخلينا مطوع يفسرها...

واتخيلوا شو المطوع قال..قال هذا في نفس عمرها بالضبط صح؟ قالت ربيعتي هي..قال من الحلم شكله واايد محترم ويحبها..ومايرضى حد يغلط عليها..

ومثلا كل مايا قسمناا اشوفه دايما يبا يلمحنى اذا كنت جالسه او لاا..واذا لمحنى بسرررعه يلف وجهه الجهه الثانيه ..عباله ماشوفه في انعكاس المكتب هههههههههه

والله مرات اضحك على هبالته ههههه...يعني معقوله عقب كل هالمواقف عباله اني ماشوف والا محس...

عنبوو لو بعير حس ههههههههههه

..................................

يا بنات انا ما ابرر مواقفه..بس كنت ابا اخليكم في ادق صوره..يعني تعرفون كل شي...وصدقوني انا بمشي على رااايكم كلكم..بطنش وبنسي نفسي..وبهتم بشغلي..

نفس ماقلتوا هو يعرفني لااا ويعرف بيتنا بعد...هههههه


اختكم