قصتي مع وسواس الموت وشفاء منه أن شاءالله ..(مشاركه فى مسابقه قصة امل)

السلاام عليكم بنات
كيفك اليوم ان شاء الله بخير وبأتم صحه وعافيه
حبيبااااااتي أنا كنت أشكي من وسواس الموت قبل كم سنه بدأت معي الحاله بالصيف
تعرفون وقت فراغ لادراسه ولا شيء يشغلنا ,كنت توني متخرجه من الثانوي وانا كنت احب المدرسه بالمرره وجمعة البنات فتاثرت لما تخرجت وهدا من الاسباب اللي ساعدت في تفاقم المشكله..
المهم في يوم من الايام تحلمت حلم جنني قمت وأنا مفزوعه وابكي"مضمون الحلم اني قاعدة اصلي وبأموت"هدا بالحلم المهم ومن بعدها تغير حالي ,جاني القولون من كثر التفكير بالموت
صرت انام مع اخواني بفرفتهم,وأجيب معاي أختي افرشلها معاي وهي متضايقه ماتحب تنام الا على سريرها بس أغصبها تقعد لين انام وأدا نمت سحبت نفسها وراحت للغرفه<<<<<كل مايتدكرون اخوواني يضحكون علي يقولون تحلفين علينا أنا ننام كلنا بغرف وحده ولا ينامون الا لما انام انا">>تسلط ..طبعأ المسجل شغال على السديس او الشريم والنور بلا شك مفتوح ..يعني مافيه لهم اي وسيل للراحه....أهم شيء أنا ارتاح "الله يوفقهم أخواني ويريحيهم زي ماريحوني وصبروا علي ,جننتهم هههههه"
كانت امي توها والده وانا طول فتره حملها انتظر هاالمولود بفارغ الصبر لكن قدر الله اني اتعب قبل ولادة امي بشهر حتى لما ولدت اطلع فيها هي واخوي الصغير واقول بيني وبين نفسي ياربي أمي فرحانه بخوي وأنا اللحين بموت واخرب عليها فرحتها ..
بس الله يرضى عليها امي سااعدتني كثثير بمرضي بطريقه غير مباشره ,,يعني كنت لما احكيلها عن الاعراض اللي احس فيها وأبكي كاانت ماتعطي الموضوع أهميه ولا تسأل عشان مااخاف ولا اخد الموضوع بجديه ..
كنت دايم أحس اني مخنوقه ومكتومه ولا أناام..أبوي خاف علي كثير بس ماكنت أقوله شيء عشان مااخوفه ..بس كنت اروح له قبل لا ينام واسولف معاه واقعد اسوي له مساج لجسمه ورجله ينبسط لما اسويها له وكنت أفرح ادا شفت أمي وابوي مبسوطين واحاول ارضيهم وأخدمهم وأقول خليني أموت وهم راضين عني ..على الاقل بريتهم بحيااتي ..
وكل مايموت أحد أقول ياربي أنا بعد بموت زيه ..وأهتم بكلام عن الموت .من كثر ماخاف منه ...بس الحمد لله كل مامرت سنه أحس اني احسن من السنه اللي قبلها وهدا كله بفضل الله ثم بفضل ""القرااان "".....
واللحيييين الحمد لله راحت عني الاعراض بلااا عودة أن شاءالله ..تجيني بعض الاحيان بس ماأهتم لها أحاول أطنش,واقول لحظه وبتعدي .وكل ماأتدكر مرضي أقول كان خيره لي .قربني من الله كثثثير صرت محافظه على الصلاة في وقتها , والسنن الرواتب بعد الصلاوات ,والصياام.صرت مأفكر الا اني كيف ازيد رصيدي من الحسنات عشان لو أخد الله امانته أكون ماني مقصره أن شاء الله بحق الله ولا بحق نفسي,والله يابنات ان العبادات ريحتني كثثثثثثثثثير كان حصن المسلم ملازم لي مع القران ..والله ريحني كثير من الضيقه راحه ماتحصلي عليها مع اي دكتور نفسي او علاج من الصيدليه "وعلى فكره انا مارحت للدكتور نفسي كنت اقول مابينفعني بشيء ..لان اعمارنا بيد الله سبحان وهو المتصرف فيها .. فلازم نلجأ الى الله وحده بالدعاء والصلاه ..
وبأقولكم الاشياء اللي ساعدتني بعد الله بالشفاء...
أولا: القرااااان..الحمدلله القراان كنت لازم احاول أقرا بعد كل صلاه .وكمان احاول اقرا بالليل قبل لا انام جزء يكون غالبا ما سورة البقره ..والمسجل شغال قبل لانام ,يقول أحد الاطباء النفسيين "جائني جميع فئات الناس الاأهل القران لان علاجهم معهم .."
ثانيأ: الصلاة ..صرت احاول اصلي الصلاوات في اوقاتها ولا أاخرها ..واصلي السنن معاها.وأهم شيء بعد الصلوات الخمس صلااة الليل والوتر فيها فضل عظيم سبحان الله.
قريت مره لشيخ من المشايخ يقول :كل شخص متى مااحس بضيقه يقوم يتوضأويصلي "على طوول بلا تردد يقوم ولايفكر بألضيقه ولا بأعراضها بس يقوم يسمي ويتوضأ ويقول الدعاء بعد الوضوء ويصلي ركعتين لله ويحمد انه عايش على الدنيا عنده فرصه يدكر الله فيها ويرفعه بها في الجنه أن شاء الله.>>وهدي نفعتني كثير ..
ثالثا: الدعاء ..والله يابنات ان الدعاء ريحني كثثثير وخفف الكثير من المرض عني ادعي لنفسك واقري كتب الادعيه عن الرسول صلى الله عليه وسلم . ..
رابعا: الصدقه ولو بشيء بسيط .مثلا فرحي الاطفال بحفله بسيطه . خلي معك دائما بالشنطه علك او حلاوة عشان لما تطلعي لمكان وتلاقي اطفال تعطيهم .وهدا الشيء يفرحهم ويأثر أيجابيا على نفسيتك.
خامسأ ..حسني علاقاتك الاجتماعيه مع الاهل والاصدقاء والناس جميعأ..أبعدي عن الوحده ,حاولي انك ماتجلسي لوحدك ابدا .أشغلي نفسك بأي شيء ..سواء بالبيت او بالنت و مافي زي عالم حواء كل شيء فيه بس ادخلي قسم الجمال والاناقه وتجولي والله كأني قاعده بمجلس حريم ...الله يسعدكم ياعالم حوااء ..
سادسا: أنصحكم بقراءة كتاب "لاتحزن: للشيخ عايض القرني .كلمة رووووعه قليله عليه.تأملي في كلاماته وطبقيها على نفسك تخيلي ..لي أنك انتي المقصود بالكلام ..
سابعأ واخيرا: الادكار والرقيه..الصباح والمساء وبعد كل صلاة.ونصحه أبتعدي عن الاغاني ومجالس الغيبه ..
وأوعدكم أن شاءالله اي وحده بتسوي اللي سويته بتتغير حياتها للاحسن وبتشوف الوجه المشرق في حياتها وبتنسى المرض وأعراضه بس انتم أحسنوا الظن بالله وحده,,"
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .

معلييش طولت عليكم ...أختكم
وجه القمـــر