اشكر كل من ارسل لي علي الخاص

وجعل مايوريكم الي شفناه

وجعل كل محرومه من عيالها ان الله يبرد علي قلبها

بنات

والي كل ام

وزوجه تبي الطلاق فكري باطفالك اولا


فهم بلسم لجراحك

وانت مهما حصل لك لاتفكرين بطلاق علشان ما يتيتمون

انا صحيح كتبت قصتي بس اختصرت الكثير وكتبت المهم

لاني ابي اكتبه بسرعه وراء بعض

ماكتبت انواع العذاب الي شفته من العقربه

بقولكم بعض وانتبهي انتبتهي ايتها الام الي تبين الطلاق

الحمد الله كانت امي انسانه فاهمه للحياة

فهي من كنت بخامس ابتدائي

وهي معلمتني عن الدورة الشهريه ومعطتني فوط صحيه لذلك اليوم

ولا لوماعرف وش بسوي !!!

المهم جتني الدوره وانا في اول متوسط عند جدتي عطله نص السنه

وصراحه خفت ودق قلبي

بس قلت هذي الي قالت لي امي

بس المشكله ماكان عندي فوط صحيه بحكم انها في بيت لبوي

وش سويت



استحي اني اقول لجدتي تعرفون

المهم لقيت بامبرز حق ولد عمتي

قصيتها واستعملتها شفتوا شلون الفتاه الصغيرة
اذا انحرمت من امها وش يصير من مواقف

المهم العقربه شافت الفوط وانا توني ماخذتها من امي بحكم انها

تفتش غرفتنا دائما وانا في المدرسه
خاصه اذا قابلنا امي عند جدتي

ولقت الفوط ماخذتها لالالا

بس قالت لابوي

وعقب ماجيت من المدرسه ابوي سوي تحقيق

ليه وما ليه وانت وامك تعلمك علي سوالف الكبار

وكلام كثير وكله من امرته هي الي تقوله كذا


وعطاني كف جامد حتي اني اذني ماسمعت منها كذا ساعه

والله اني قلت زين ما ضربني في الخيزران

وكان يمشيها هي وبناتها و

احنا كاتا منبوذين ومحرومين من كلش

وتراه ابوي ماعمره مد ريال لنا

الاهما الفسحه 2ريالين

اناواختي2 واختي الثالثه 2

والله يحرم النار من ارجيلات امي

ويخليها لانا كانت تصرف لنا ريالات

100 وتقول تفسحو منها

وكنت احطها تحت فرشه الغرفه علشان التفتيش

وتري ابوي معاشه 50 الف قبل مايتقاعد من كم سنه

والله اختصرت الم ومشاكل

الناس كل خميس وجمعه يجتمعون واحنا ننحبس في البيت

بس كنت اسوي لاخواتي جو ونلعب انا الام وهن بنات

ولا نسوي حفله ونستانس شفتوا كيف ندور الفرحه احنا الثلاث

مرة كان اربعاء

وشريت كيكه وعصيرات وحلاو وانا نازله من الباص

البقاله بينا وبينها 4بيوت

واخشه قلت في المغرب لاراحت الحيزبونه لاهلها

وطلعت وافاجا خواتي بالاغراض بس تدرون وش صار








مامداهم يطلعون 10دقايق الاهم راجعين


اثرهم مروا البقاله تشتري لبناتها

وهندي البقاله قالهم بصادق نيه اني مريت

وش جانا من الضرب بالخيزران والهواش من ابوي

وبدال ما اونس خواتي بحفله

تونسنا بضرب

وامي يحياتي كانت تخاف علينا

ولايجيها نوم

واحنا عند ابوي

تقول اخاف عليكم من بنات السوء في المدرسه والقصص

الي نسمعها

وكانت دايم توصي المشرفه علنا

ودايما المشرفه اذا شافتني مع بنت مش ولابد

تناديني وتقول لاتمشين مع فلانه تري امك موصيتني عليك

وكنت اطفش من ذا المراقبه في المدرسه بس الحين ماقول الا الله يجزاها خير

وكنت مرات وقت الامتحانات البنات يطلعون للمجمعات بعضهن بدون علم اهلهن

وكنت ودي اروح اشوف ذا المجمعات المحرومه منها


لان كل ممنوع مرغوب


واتفقنا ان نطلع في يوم كانت علينا ماده نروح ونرجع للمرسه بعد ساعتين لان فيه فترة ثانيه ونركب الباص وكانا من اليوم في المدرسه
ولمن امتحنا الفتره الاول فتحوا البوابات

بس جاني خوف وفيه شي يقول لالالا تروحين

وتذكرت امي الغاليه فيتلك الحظه وهي تامني امانه يابنتي

لاتسمعين كلام البنات وتسوين شي غلط

سبحان الله تذكرتها وقلت للبنات خلاص مابي اروح

وسبحان الله الي حفظني


لانهم طلعوا ويوم جوا مسكتهم مدرسه شافتهن نازلين من تاكسي

وسوت لهم تعهد واليوم الثاني كل وحده امها معها

تخيلوا اني رحت معهم ودقوا علي بيت اهلي وش بيصير

والله بيفصلي من المدرسه

بس كله من فضل ربي ودعاء امي

حتي صديقاتي ماكنت اعطيهن رقم البيت ممنوع

والله لواكتب من اليوم لين بكرة اني ما خلص من القصص الي كانت يسونها

بس ماقول الا الحمد لله والفضل له

صبرنا ونلنا

والله يصبركل محرومه

ويجمعها مع فلذات اكبادها

قطعتي قلبي



الله لايسامح ابوك وزوجته


ويخلي زوجك وزوج امك ياااارب



خواتك من ابوك كيف علاقتك معاهم؟؟

علاقتي معهم رسميه

مع اني اذا نجحوا من 3ثانوي عطيت كل وحده500بظرف






ويوم تزوجت الكبيرة عطيناها طقم الماس

واحاول دايم اني ابادر لهن بزين بس هم

رسمي سلام واذا جيتهم سولفوا وبس

حتي جوالي مايعرفونه

ولااعرف ارقامهم

وبنتي تستحي منهم

لانهم ماعودوها انها سولف معهن ولاخذوا رقمها يوم طلعت لها جوال

ومع اني اشوفهم يركضون لغيري

بس انا اسوي الخير لله

حتي مره ابوي علي سوايها

اجيها في المناسبات

واعطيها كل فترة كسوة

يعني هديه

اذا موعشانها علشان ابوي

وخواتي يمكن يتغيروا

واوصلها علشان ابوي

والله مايضيع اجر الاحسان


وهي لها الله هوالي يحاسبها

صدق مابعد الضيق الا الفرج سبحانك ياربي ماارحمك الله يجزاك خير على القصه العظيمه