ثقي بنفسك ومميزاتك ولو كنتي بيضاء قال الزوج يازين السمراء والحين الموضه السمار شوفي مكياج المذيعات

اول شي انتي مافيك ثقه بنفسك
ثاني شي زوجك لاعاد تحسسينه انك مو حلوه سوي العكس انا جميله انا ابهرت الحريم بالعرس انا انا
ثالث شي ركزتي على اللون بس وين شعرك ملامحك اعيونك خشمك ابتسامتك صوتك طولك جسمك كل جسم يناسبه لبس معين امرك غريب
مشكلة انعدام الثقه والله يوم اهمل نفسي وحده تروع ويوم اهتم ملكة جمال
اذا كان على البشره ياشيخه روحي جلديه جلساااات ليزر تصير عندك نظاره
وفيه حلسات كثيره البشره
ماعندك فلوس الطخي كريم ليل نهار اعرف وحده ماينزل المريم اساس من وجهها حتى وهي والده حتى لو طالعه من الحمام متحممه عندها عقدة مثلك
وحلتها
بنسبة لعدم توحد اللون اسمعي مني هذا خوى ارحاااااام اخذي لهوم الخوى لمدة شهر شهرين وان تحسنتي اخذيه بس على الدوره وفيه عشبه تصفي وتفتح اسمها الرزنه روحي حريم ويفيدونك
ومن اليوم ورايح اهتمي بشكلك حطي يوميا ملعقة زبادي على ربع ملعقه عسل ربع ساعه يوميا وشوفي بشرتك وادعيلي الله يسعدك وفرج همي وهمك
وبالنسبة لتتبع الزوج لصور والجمال والله اغلبهم كذا لو عنده ملكة جمال ريحي ولاتحطمي نفسك قريباتي ثنتين ملكات جمال ازواجهم يغازلون ويتابعون صور حريم ها وش رايك ريحي بالك واحتوي زوجك والله يخلي كريمات الاساس رغم ان البشره مو مقياس قوي للجمال فيه سمر جميلات

اذا انتي كارهه نفسك ورافضتها
كيف تبين زوجك يحبك ويتقبلك؟!

بالعكس مملوحه وسمرا احلى بكثير من بيضا ومن دون ملامح
والحمدلله ان مافيك اعاقه او عاهه هذي اكبر نعمه لكن فعلا انتي مشكلتك مو بسمارك مشكلتك بالعقده اللي كبرت معك وحطمتك وصرتي تفهمي كل شي عكس ماهو لو عندك ثقه بنفسك كان ولا احد تجراء عليك ولا كلمه هزتك وكان ماحورتي نظرات الناس لك وكلامهم وفهمتيه غلط
اتمنى انك تحبين نفسك مثل ما انتي وشيلي فكرت انك سمرا من راسك وصدقيني زوجك راح يحبك كل ماحبيتي نفسك وكفايه انك مميزه عن اللي حولك


وبعدين يوم تقولين ماتحطين حنا عشان سمرا خير عندنا بنات سود مو سمر ويكشخون ويتحنون وعادي جدا وانا من خلال كلامك استشفيت انك مثل لوني لكن بما انك بمجتمع كلهم بيض فاتقولين على نفسك سمرا وانا عكسك اعتبر بيضا لان مجتمعنا اغلبهم نقول عليهم سمر بس الوانهم داكنه
وبالاخير هذي خلقة ربي والحمدلله على نعمة العافيه اشكري الله عليها بعد ماتعبت صرت اشوف كل شي يهون قدام ان الوحده تكون بكامل صحتها وقادره تهتم بنفسها وبيتها واولادها لا هم لا وساوس لاضيقه الحمدلله على كل حال

البنات ماقصرو
لاكن الان قدامك تحدي لنفسك يثبت اذا انتي انسانه فاهمه او لا
بلاش نتكلم في الماضي امي عقدتني وامي قالت لي
كلنا كنّا نمشي على كلام امهاتنا بكثير أشياء والحمدلله يوم فهمنا صرنا نعرف لنفسنا والي يناسبنا
التحدي ياعزيزتي انك تقلبين السالفه عليه وعلى أمه اذا فعلا ضايقك كلامه
احنى لما نشوف شخص سمين واحد يتكلم عليه
فيه ناس تحاول بكل قوتها تنحف وتعدل نفسها عشان تكسر كل كلام الناس السيئ وتخليهم غصب يغيرون رأيهم وفي ناس تاكل بعمرها وتزيد سمنه من الضيقه
ف انتي تحددين انتي مع اي فئة حاليا
ادخلي الانستغرام واكتبي موديل اجانب سمراوات
وشوفي الجمال الرباني
واظن تعرفين افضل عارضة أزياء بشرتها سمراء
الي عليك الان تشتغلين على نفسك ب الصامت
والحياة الي تحاولين تتركينها بسبب قلة وعي وتفكير منك
تحاربين عشانها وعشان تثبتين لنفسك انك قادره لما تطحين بسبب موقف توقفين مره ثانيه
لان الحياة طويله واذا طحنا ب الاول وما وقفنا ماراح نقدر
أبدي شيلي ملابسك كلها وارميها وأشتري القصير للبيت والالوان الفاتحة والجذابه
اشتري صنفرات وكريمات وإظائات جسم وبشره عشان تبين لمعة جسمك
وأشتري روائح جسم عود مسك زهور فرنسي
كل مره جسمك له ريحه
واشتري بودرة جسم
لما تتحممين صنفري جسمك كامل
بعدها حطي زيت اويل البرتقالي بعدها مسك ابيض من عبدالصمد بعدها عطر فرنسي
وللتغيير مسك عود وبعدها عطر ريحته على عود واذا جف جسمك حطي بودرة جسم
وشعرك مره كيرلي مره ستريت مره ارفعيه
الملابس اشتري الناعمه ستان حرير دانتيل تناسبك جدا وجربي اللون الابيض والوردي الفاتح والالوان هذي المنطقيه الفاتحة راح يطلعك رووووووعه
اقري كتب اقري كثير القرأه تريح
اشتغلي على نفسك لاتنتظرين من احد كلمه حلوه اغلب الناس اذا شاف الشين والعيب فيك تكلم
واذا شافك قويه وجميله يسكت قليل من يمدح
انتي لاتكونين الشخصيه الي كل شخص يخذ الي يبي منها كوني قويه الوقت هذا مو مهم البشره ولا غيره الناس تعجب ب ألقوه والسمراوات في العالم شخصيات مشهوره جدا واولهم أوبرا ماقالت الناس ماعجبهم لوني او شكلي بنت نفسها بنفسها
احنى مجتمع نحاول ننغلق على نفسنا في اقرب فرصه يلاقيها العدو اصحي لنفسك ....