قصتي يوم اروح لرياض ذيك السنه وازور حديقة الحونات

انا مرتاً من المرات رحت لرياض مهب عاده بس عندي موعد لرجيلتي المنكسره نسيت اقولكم اني زالقةٍ بالحوش من لقافتي قمت اعاون حصيصه هي عيت بس انا من قرادتي لزمت مهب علشان خاطر حصيصه لا عشان اتميلح عند ابودحيم تراي مازلت في ريعان شبابي (امحق من رياعان شباب خخخخخخخخ)الله لايوريكم وشلون صرت يوم زلقت دميجتي بالارض وكراعينى متسندات على الجدار تقل عسبان نخل يابس :D
ومعي اختي ام صالح مرافقتن يقاله انه تدل وهي ماعنده سالفه ماغير تدوربي بهاالاسياب حقات المستشفى لمين صكن راسي :confused: المهم يوم طلعت من الدختور وفك الجبس يالله من فضلك سيف غديت سذا خفيفه ودي اطير
يوم طلعنا من المستشفى التفتت على اخيتي وقالت لي ماودك ياوخيتي ياام ادحيم نروح لحديقة الدبش ايه اللي تسمونه حديقة الحونات
قلت هاه مامثله ياام صويلح ادام مامعنا هاالشايب خلينا نستانس وش ورنا انا ماعمري رحت للمراجيح وحديقة الدبش وش دراه ابودحيم ابنـــفه عن روحي
التفتت علي ام صويلح قالتلي بشرط ماتروحين سذا لازم انس تزينين مثلي اخاف تفشلينن
قلت امري لله بس اهم شي اروح للحديقة الدبش مليت من مناظر تيوس ومعزى ابودحيم خلوني اشوف اللي ماعمري شفته ولاارمقتــه عيني
ورحت وتكشخت وتحمرت وتبودرت تعطرت بعطر ابوحيه ونكشت جدايلى اللى تقل اسلاك شائكه .. ولبس كرتتى الجنز .. تعرفون بكشخ مثل الناس
:( وقطعت حلف ابودحيم اني ماافك جدايلي براء البيت يغار علي :D بس لضروره احكام
واطق هاك اللثمه وادعج عيونى كحل واحط كيلو مكياج ... ابصير مزيونه وبرجع شباب 40 سنه ...


ومير انصى الحديقه وادخل به عشان ابتفرج على الناس وعلى الحيوانات .. عاد الجو هاك اليوم كاااان يهبـــــــــــــــــل برد ومطر وعجاج وحر واول مافصخت عباتى ومير تكش الجدايل وتوصل اذانى من الحر والعج
وتشمر الكرته ويبين سروالى خط الديره
ومير ارجع البس عباتى قلت اخاف يشتبهون بى ويقولون ذى جايتن تفجر الحديقه ...
:cool:
المهم قمت ودرت على الحديقه .. ومير يلفت نظرى القفص اللى بوه اسود .. صايرين ياويلى تقل فيران .. وهلكانين ماعندهم لا ماء ولا اكل ... مالهم حظ ولالوانهم عند ابودحيم سان تلقونهم فيله
نكمــــــــل بعـــدي والله

ويوم التفت يسار والقى هاك اللبوه المنسدحه وحوالينه 7 قرود قاعدين يهمزونه .. ومير استغرب :confused: قلت ماخبرت القرود ينفعون حق المساج ... وارفع راسى فوق والقى لوحه مكتوبن عليه بالخط العريض ( لبوه امريكيه ) ....ومير يرتفع ضغطى الف q) اهبى ياذا الامريكان حتى حيواناتهم مدللينهمq)
... وياحيل الله الاسود حقين افريقا تاركينهم بدون اكل وماء:(
ادرى قرقت وفضخت روسكم .. لكن مايستفاد من الحتسى :-

1- ماودى ارجع لديرتي وانا ماشفت حديقة الحونات عشان انغر ام سليم وام علي راعية الكليجا عشانه عيت تعطين طريقة الكليجا هب ماانحسه من عجوز :mad:
2-عشان اعلمكم ان رجلي منكسره وابيكم تحمدون لي بالسلامه
3- وان الواحد مايخاوي احد داشر مثل اخيتي ام صويلح خلتن اقطع حلف رجيلي وافك جدايلي اللي ماعمري فكيته الاعند ابوصويلح واروح للحديقه وان ماودي ميــــــر حلقن على اذني ان طبيت الرياض نوبتن ثانيه
خلاصت قصتي مع اوخيتي ام صالح اللي تحب القرصان مالح وياالله وداعتكم ربى وبحفظ الكرييييييييم وشيكرا شيكرا
منقول

الحمد لله على السلامه
ههههههههههههههههههههههههههههه;) :) :21: :42:

:26: :27:

الحمدلله على سلامتس
وماتشوفين شر



وبطلي ياوخيتي مراويح من دون علم ابو دحيم
والجدايل ضفريها وحطي عليه حنا وزيت ولفيه في ذيك الشيله وادعيلي




:24: :26: :27:

تسلمون يابنياتي اشو يوم جيتن وشفتن سالفتي :27: