قصت خالتي مع زوجها والصبر الصبر

اخواتي انا حابه اقولكم قصه في صبر المراه
والدتي الله يحفظها عندها اربع اخوات وكلهم يتامى حتى امي ماتت امهاتهم واهم في عمر الخمس ولاربع سنوات ووالدهم بعد وامي ربتهم لانها اكبرهم وماعندهم اخوان سوى عم وماشاء الله تزوجوا كلهم وتوفقوا في زواجهم الا خالتي اصغرهم الله يكون في عونها تزوجت ولد عمها وطلقها وبعدها تزوجت رجل ثاني ولقت منه ولد وبعدها طلقها وتزوجت الثالث واخذت ولدها معها وعاشت عيشه كان الله في عونها اهي تشتكي لي انا اكثر وحده راحت مع زوجها وكان لما يرجع من عشا في جمعه مع اخوانه كان يجي يقول لها لفي اغراضك وروحي عند اختك اللي هي امي وكانت تستغرب رحنا العشا ومافي شي بيننا وش اللي قلب الرجال وبعدها يسكت أه على زوجها
وتمر الايام والكلام اللي يجرح جرح كان يقول اخذتك لما اشبعوا منك الرجاجيل ورموكي مااخذكي غيري وتسكت لانها تقول وين اروح كان بخيل بخيل بخيل لدرجة انه يخليها تقطع البصله اربع اجزاء وتطبخها لعيالهم ماتعرف لاملابس ولاعطور ولاشي ولا السوق من الاساس كان يترك عياله بدون حفاضات او يشتريه ويخبيها معه وقت مايطلعون عند ناس يعطيها وحده بس وبدأ يسوي له محلات وعمارات وهي ماتشوف ولاريال تقول اول مولود لها منه بنتها كانت عند امي ولدت عندها ولا شافت وجهه الين سنه وبعدها جاء ولا حتى جاب ريال او لبس او اكل وحملت بولدها الثاني وماجاء الين كمل الولد سنتين تقريبا ولما جاء توقعون ايش جاب لعياله حبتين بسكوت شاي كان البسكوت شكله زمان غير والله تحلف امي بس هو بعدين قالت بروح معه ملزوم يصرف علي وعلى عياله وزوجك وش خصه فينا مسكين تقصد ابوي وفعلا راحت ومثل ماقلت لكم تعذبت عذاب لما تجيها الولاده يوديها المستشفى ويخليها ويروح الين تتصل عليه كان مايجيها الا بعد يومين او ثلاثه ويوديها البيت ويقول قومي كنسي البيت ورتبيه الحيت بجينا ناس ولا اكل ولاشي اهي تقوم تصلحله اواللي يجيها من الجيران
كان يلعنها ويلعن ابوها ويقول شوفي لك مكان انتي وولدك تنطقون فيه شوفي اي وحده من اخواتك وروحي عندها باللي مايحفظك بس علشان يحرق قلبها ولا اهوا مايقدر يستغني عنها لانه صبوره وشاف على يدها الخيرات اذا تعبت مايوديها مستشفى نهائيا يخليها ويروح عمله كلها علشان
مايخصمو ن عليه ريال ولما جاتها عين يتشمت فيها ويقول لها يامجنونه لا حول ولا قوة الا بالله ياكيف قدرت على كل هذا كانت تبي تنتحر في يوم وترمي نفسها مع السطح من كثر مايعذبها ولا تشتكي لاحد بس ساكته الين كبر بنتها وتزوجت وكانت تروح تجلس عندها وكنت اشوفها هناك وتحكيلي ولا تبي اي احد يعرف اهي ساكنه بمنطقه واحنا بمنطقه بس بنتها سكنت في نفس المنطقه اللي احنا عايشين فيها تقول مره دخلت عشا عند ناس وكانت دموعها على خده منه طول الطريق ماسكت عنها وكل من شافها يسأل اش فيك يافلانه وتتعذر تقول ولدي تعبان
من قسوته اعوذ بالله لما مرض ولدها ولده اهو جلست تبكي عنده الين وافق يوديه مستشفى وفي وسط الطريق سكت الولد من البكاء وجلس يناظر في الشارع ويضحك كان عمره ست او سبع شهور حلفت يمين انها رجعها من وسط الشارع قال انتي كذابه انتي وولدكي مافيه شي ورجعها البيت ودخل غرفته وسكر عليه وخلاها والحين عنده املاك وخيرات ولازال بخيل بخيل واهي عايشه معه لسا بس الحمد لله كبروا عيالها وعوضوها وخاصه البنات
آآآآآآآآآآآآآآآآآآآآآآآه ياني لما اشوفها احن عليها الله يكون في عوننا يالحريم آسفه اطلت عليكم جدا بس حبيت اقولكم القصه حتى تعرفوا ان كثير يعانون مع ازواجهم واللي يشوف بلاوي الناس تهون عليه بلاويه
اتمنى اشوف ردودكم وآراكم
دعواتكم لي بتيسير اموري