قصرت مع ولدي وهذي النهايه اعراض توحد

السلام عليكم ورحمة الله

قصتي هي ان قدر الله وولدت طفل بتشوه خلقي بالاقدام اضطرينا بمراحل العلاج تثبيت الاقدام بحديد حتى تتعدل

بهذي المرحله ماكان قدامي الا اني اشغل له التلفزيون عشان يتسلى هالكلام بعمر ٤ شهور الى عمر السنه 💔 كانت نفسيتي تعبانه والموضوع صعب علي وعليه ف كنت اتركه على التفلزيون عشان يوقف صياح

بعمر السنه بدأت تضهر عليه اعراض ويارب اني اكون غلطانه الا وهي الرفرفه باليدين وقت الصياح نوم متقطع اغلب الاحيان يرفض التقليد يطلع اصوات شهقه كثييييير يرد علي احيانن من اول مره واحيانن لا اطول اناديه ما يرد يلعب بالالعاب على شكل ضرب يسررررررررح وما يرضع الا بالغصب ويرفض الاكل ويضرب راسه ورا ويمين ويسار .

بالمقابل يعرف عمامه ويفرح اذا شافهم
يحب بنت اخوي الصغيره ويلمس وجهها
يضحك اذا لاعبناه
يدورني اذا سمع صوتي من بعيد
ارمي عليه الكوره ويردها لي
ياخذ الاشياء بس ما يعطي
يحب الاحضان والقبلات وقت النوم
يسمعني اذا غنيت له ويركز
يخاف على حاله اذا احد قرب لرجوله
يعرف الدكاتره ويصيح اذا شافهم من بعد العمليه



ويمكن يكون كل شي غلط عشان الحديد مثبته وما حبى ولا اكتشف الي حوله زي باقي الاطفال
ماني قادره اروح المستشفى خايفه انصدم واعيش هم فوق هم رجوله وعايشه بقلق وحيره