قصص الولادة

فكرررة رووعة مغربية
وانا معاك

:27:ياليت والله نتمنى انهم مايخيبون ظننا فيهم ويحذفون الموضوع

موضوع حلو وشيق يا مغربيه .... ما اعتقد انه بينحذف :27:

اتمنى انهم يسونه لانج صلجه الحين انا ادور دواره قصص الحمل:27:

الســـلام عـــــلـــــيــكم
قصة ولادة بنت سدير
ــــــــــــــــــــــــــــــــــ
في يوم السبت 16 / 7 الساعه 7 بالليل دخلت مستشفى الحمادي ( موعد انتظار ) رايحه اخذ تقرير طبي عشان المدرسه .. داخله ما وراي من الشيطان طريق وجايتهم وانا متكشخه >>> وراي بعدها زيارة لأهل زوجي توني طالبة ملفي وجيت وجلست بالانتظار ( زوجي نزلني ومشى .. رايح بيصلح السياره تحسبا لحاجتها في الولاده ) وانا توني جالسه ما صحيت إلا وينادون اسمي ( وش السالفه حابيني اليوم نادوني بدري ) .. خبركم مستشفى الحمادي قالب مستشفى حكومي من الزحمممممممممممه الي فيه
واجي ادخل على الدكتوره سهير وقالت كفايه ياحبيبتي طولتي كتيرررر وانا اضحك معاها ماخذه الدعوى مزح .. وقالت نامي ابكشف عليك وبعد الكشف قالت الرحم مفتوح واحد ونص سم وشافت النبض للجنين قالت انو مرتفع لازم نولدك .... يالله اطلعي فوق يعطونك طلق صناعي
انا قلت الحين ؟؟؟؟؟
قالت لا حبيبتي السنه الجايه..... >>> صدقت عاد انا ( مصدومه )
وما دريت إلا وتجرجرني الممرضه للرسبشن اوقع اوراق وانا مدري وش القصه قلت اقووووووول اصبرو الين يجي زوجي وادق عليه وينلخم الرجال قال يالله هذاني جااااااي
ويجيكم ركض ونوقع ونطلع فوق >>> احس اني خروف يوم العيد وبيقصبونه
ويلبسونا ملابس مدري وش تبي وادخل غرفه الولاده على الساعه 8 ونص واعطوني طلق صناعي ( تحميله ) وبدت الحركات تحوس ببطني والى 12 ونص يوم قاست ( اكرررررررره لحظة القياس خاصه اذا صارت يد الممرضه كبيره ) المهم طلع الرحم بس 2 سم وااااااااااء اربع ساعات بس فتح نص سم وهاتك يا تحميله ثانيه واتعصررررررر اكثر والطلق يروح ويجي بس مو منتظم ويوم جت الساعه 4 واقول لزوجي يروح ينام مسكين طول الليل جالس عندي يقرا علي ويسولف ويحاول يضحكني وانا بيني وبينكم ماني مررررركزه معاه ابدااااا ... المهم نزل تحت لغرفني وحاول ينام بس اظنه ما نام إلا ساعتين وجاني على 8 ونص
وجتني دكتوره سهير الساعه 4 ونص تقريبا بعد ما دقوا عليها وقالو لها نبض الجنين مرتفع تعالي وجت عندي وجلست معاي لحد ما ولدت الله يسلمها ما خلتني ولا دقيقه المهم على الساعه 8 كان الرحم ما انفتح إلا 3 سم ويجيني ذاك الأحبااااااااااااااااط شوي واصيح >> الظاهر اني صحت واقول للدكتوره ليش طيب 12 ساعه وما انفتح غير واحد ونص سم ؟؟؟ ( غير الواحد ونص الى قبل ) قالت لا ان شاء الله قربت الولاده
وتجي تعطيني طلق بالمغذي ومن ذيك الساعه معد ادري بالدنياااااااااااااا قامت تلف وتدور ويوم شافت إلا ونبض الجنين وصل 200 ياسااااااااااااااااتر ( بسم الله على وليدي ) وشالت الطلق من المغذي على طول وانا مررررره اتألم واقول لهم يا جماعه ابي مسكن واعطوني 3 مرات خلال الطلق كله ( ترى كثير مره انتبهوا ) وكنت شاده اعصابي وجت الدكتوره وقالت لزوجي قول لها تهدى لا تشد اعصابها وحاول الله يخليه لي ولا يحرمني منه انه يهديني وبالفعل لما هديت سبحان الله قدام عيوني الجهاز نزل النبض من 200 إلى 140 ( الحمد لله ) وبسرررعه انفتح الرحم ووصل إلى 8 سم وكانت الساعه 11 إلا ربع الظهر ويرتفع النبض مره ثانيه لأني كنت باموت من الألم شي غرررررريب وقالت الدكتوره بننتظر نص ساعه اذا ما نزل نبض الجنين بنسوي لها عمليه نطلعه ............... زوجي قال مافيه حل ثاني ؟؟؟
قالت لا ما نقدر ننتظر اكثر نخاف على الجنين يتعب المهم الظاهر ان اصولي ( ولدي ) خاف على امه يسوون لها عمليه والحمد لله ما جت الساعه 11 وربع إلا والرحم انفتح 9 سم وقالت بكمل الباقي بالتوسيع وتقووول بيدها آآآآآآآه وتوسع وتجمعوا كلهم فوق راسي وزوجي راح من ورى الستاره وكل وحده تقول لي كلمه يالله ادفعي يالله ... وانا ماني قاااااااااادره كنت مره تعبانه من زمان ما اكلت وغير كذا طولت بالطلق الصناعي وما قدرت ادفع طاقتي منتهيه مرررررره
وجت د.سهير بكل حيلها وطبت فوق بطني وتقول يالله ساعدينا شوي وانا اقول لها لا خلاص باموت ما اقدر .. وهي تقول لي لا تقدرين يالله لا تقولين كذا وانا امسك يدها باوخرها وتقول سيبي ايدي ( فيني شر حتى وانا اولد ) وجلست افكر شوي واقول في نفسي الحين انا ليش ما ادفع بقووووه واخلص عمري ؟؟؟؟؟؟
واجيكم بذيك القوووووووه وآآآآآآآآه يطلع الحبيييب وانا خلاااااااااااااااااااااااص انتهيت وياخذونه ويحطونه على صدري ويهزونه ( ما صااااااااااح ) ويلقطونه يودونه للدكتور وانا اصرخ عليهم وين وديتوه وش فيه ولدي ؟؟
فيه شي علموني .... ليش ما صاح وكل ما دخلت وحده سألتها لحد ما سمعت صرررررررخته ياحبيييييييله يصيح وملى الدنيا صرااااخ وصياح وشوي جابوه لي منظف وحطوه على صدري دقايق والحمدلله على كل حااااااال

نصاااااايح للحلوات الي مقبلين على الولاده :
1-لا تكثرين من المسكنات لأنها هي الي ضرت ولدي خلته يطلع سكرااااان ما يدري وش الدنيا عشان كذا ما صاح بسرعه
2-الطلق الصناعي ليش متعب لأنه كله بالمستشفى مو مثل الطبيعي تكونين ببيتك وتلهين بنفسك بس اذا قالو لك صناعي تراهم ادرى
3-لما يقولون لك ادفعي ,....ادفعي دفعه وحده وطووووووويله لا تقطعينها لأنك اذا وقفتي بتعيدين من اول وتتعبين اكثر
وصدقيني اول ما تشوفين البيبي بتنسين كللللللل الالم وسبحان الله اللحظه الي بعد طلعت البيبي مباشره تحسين فيها بعااااااااااافيه وفررررررررحه غريبه لدرجة ودك تقومين وتركضين وتبوسين كل اللي بالغرفه

ادري طولت عليكم بس حبيت اقولكم بالتفاصيييييييييل عشان تستفيدون
تمنياتي لكم بولاده ممتعه