يعطي ك العافيه يالحلوه على الموضوع
اتذكر قصه قالها لنا ابوي الله يحفظه
يقول كان ( فلان ) متزوج بنت من قبيلة ثانية المهم صار بينه وبين زوجته مشكلة ووداها لاهلها وطلقها
زمان كان الناس في الغالب يتعايبون من الطلاق الرجال اللي يطلق زوجته يخجل من الرجال وما عاد حد يزوجه
المهم الرجال بعدما جلس سنه يتلافى يجلس مع الرجال الا نادرا
في يوم راح يخطب واحده من بنات عمه
ورفض وقال له تبي يصير لها مثلما صار لفلانه يقصد اللي طلقها
قال ي عمي لا وأبشر باللي يعزها ويكرمها لكن عمه رفض مره
وراح من بيت لبيت كلما خطب طردوها
قال له ابوه يا ولدي وش رأيك اذا كان طليقتك ما بعد تزوجت نروح نخطبها لك ؟
فكر الولد قال تم يا ابوي خلنا نروح
راح عند أهل طليقته رحبو فيهم وعشوهم
خلال جلستهم كان موجود واحد من اخوانها الصغار طفل ساله (فلانه وينها قال الولد موجودة .... سالو علاشان ما يكون تزوجت ويخطبون وهي قدها متزوجة )
فاتحوهم بعد العشا وقال الأب لأبو البنت فلان ولد طائش وأخطأ يوم طلق زوجته والحين حنا جايين نبي نردها له ونعتذر من اللي صار وحنا طالبينك
ابو البنت استشار بنته ووافقت لكن شرطت عليه شرط انه يعطيها مهر 10 من الإبل وطبعا 10 من الإبل كانت ما هي شويه وكان لها قيمه مثل فله وسياره الحين
يا ابن الحلال تكفى المهر كثير قال لهم ابيه يتأدب وما عاد يطلق
ابو الولد قال له ي ابو فلان والله ولدي فعلا تأدب ما فيه الكفايه واللي لقاه يخليه يتوب ما عاد يتعودها حتى انا غضبت عليه وجماعته
المهم دبر لها مهرها الجديد ورجعها
بعد شهر من زواجه من طليقته جاه عمه ( اللي خطب عنده ورفض ) جاه عنده ببيته وقال يا فلان يا ولدي اذا كان لازلت على قولك الاول تبي فلانه تراها جاتك هديه ما ورآها جزيه
قال ايو الله يا عمي ابيها وانا قبلت وتزوجها وعاشو في امن وسلام ......
واليوم الواحد يطلق زوجته ويروح يخطب وتتفتح له كل الأبواب ثم يطلق ويخطب ويرحبون فيه ويطلق للمره العاشره والامر عادي يزوجونه
البنات وأهلهن اول ما يجيهم الخاطب يسألون انت متزوج ولا مطلق ولا اعزب
ان قال اعزب او مطلق قالو يا مرحبا قبلنا واذا قال متزوج ومحافظ على بيته وأسرته قالو له ما نزوجك
وهم ما يعلمون ان اللي يطلق مره ممكن يطلق مرتين وثلاث وأربع اللي ما قدر زوجته الاولى ما راح يقدر الثانية ولا الثالثه الا من رحم ربي .
بعضكم بتقولون هذي تأيد اللي يعدد ، لا انا ما اقصد هذا المعنى بالضبط ولكن لو عرف اللي يطلق انه بيتعاقب وما حد بيزوجه كان فكر الف مره قبلما يرمي بنت الناس لمجرد خطا بسيط ولا كان شفنا أطفال شبه ايتام ونساء في المحاكم يطالبون بحقوقهن من المطلقين واطفال مشردين وبلاوي ما يعلمها الا الله .

شوفو اشلون كانو زمان يستحون من الطلاق الا في امور كايده ( صعبه ) ولذلك تستمر الحياة والاسرة مجتمعه غير مشتته الا ما ندر
واليوم الطلاق على أتفه الأسباب وعادي ولا يرمش له طرف ولا يهمه شي .. مع ان الزواج رباط مقدس وميثاق غليظ .
والله يسقي ايام الطيبين ..
وسلامة الجميع .....

قصه قديمه قالتها لي امي عن امها اللي حكتها لها.......تقول في واحد عنده بنت مشلوله وامها ماتت .....تزوج بعد فتره حرمه كانت تكره بنته ..في يوم من الايام خلت ابو البنت لين طلع وقامت هي وحرمه ساعدتها وشالو البنت ورموها بعيييد ويوم جا ابوها قالت مدري عنها.....في وسط الليل والظلام قعدت هذي البنت تبكي وحدها وخايفه من السباع فجوها جنيتين ومسكتها كل وحده من يد ووقفوها على ارجولها وطتبت ورجعت بيتها مشي..........كنت منام اذا حكتها امي

تقديس الرجل هذا في الغالب كان سمة لحريم زمان الان فيه تقديس ولكن مو عند الكل وايش مفهوم التقديس عندكم؟؟ اذا كان هو الغاء شخصية المرأه وذوبانها في شخصية زوجها يعني لو قال ارمي نفسك في النار عشاني رمت نفسها هذا الشي نحمد الله انه انتهى لكن احترام الزوجه لزوجها وخدمته بحدود طاقتها وحب وكرامه من نفسها بدون ذل واستصغار هنا نقول حلو الكلام
فيه رجال يستاهلو كل شي تسويه عشانهم وفيه رجال مايستاهلو خاصة اللي يشوف خدمة الزوجه واجبه تخدمه وتعطيه حقوقه بالمقابل هي مالها اي حق ولالها حق ترتاح او تتألم او تتعب مثلها مثل الاله
اتمنى تكوني فمتي كلامي حبيبتي
واختلاف الرأي لايفسد للود قضيه

اختي ام فاطمه محمد نورتي حبيبتي


اختي سلمى سعود عجبتني قصتك مره وفعلا لو هالشي موجود الان صدقيني ماراح نلاقي طلاق بهالعدد المهول لانه الرجل لما يطلق حيعمل حساب انه مافيه احد راح يرضى فيه عكس الان الطلاق عندهم صار اسهل من شربة المويه وعلى اسباب احيانا تكون تاااااافهه لانه متطمن اول مايخطب بيلاقي مين تقبل فيه وبنت بنوت وصغيره كمان
الله يرحم زمان اول ويرحم اهل زمان اول كيف كان فكرهم
نورتي موضوعي يالغلا


اختي هنوف امهاتنا وجداتنا زمان كانو يحكوا لنا قصص ولايهتمو نخاف مانخاف عادي مدري فين الطب النفسي عنهم 😂. والحمدلله كبرنا ونفسيتنا عال العال بالرغم من قصص الرعب اللي قالوها خاصة حكايات قبل النوم😂
نورتي موضوعي حبيبتي

ذكرتيني بحكايه وانا صغيره امي تحكيها لنا
كان في وحده حامل وعلى وجه ولاده المهم زوجها بيسافر وقلها لوجبتي بنت ادفنيها سمعتي وسافر المهم ولدت وجابت بنت بعدين خلتها ولمن قربت جية زوجها من السفر قالت لولدها كبير شويه خد اختك وادفنها المهم اخدها اخوها ولمن جا يدفنها حزن عليها وقال والله ماادفنها اخدها وراح لقريه قريبه منهم واستضافوه وجلس عندهم الي ماكبرت البنت وكانت جميله جدا ولمن كبرت قرر يرجعها خلاص
المهم رجعها بس للجيران وكانها بنتهم وخططوا والاب شاف البنت وحن عليها سبحان الله سار دايما يروح للجيران عشان يشوفها

وبعدين حكوه الحكايه واخدتها عنده وسار يحبها حب
عاد الله اعلم من جد ولا لا الحكايه ههههههههههههه
الحكايه الثانيه للجدتي بس امي الي حكتنا على لسانها تقول ان جدتي كانت حلوه وشعرها طويل وحلوه وكان جدي يغار عليها الله يرحمهم
المهم وكان فيه فرح وقلها لاترقصي ورقصت ولمن رجعت عرف وضربها ضرب
وتاني يوم عشان لايجوها اهلها ويعرفوا بلي سار وقعدت تنظف البيت وخرجت العفش برا عشان لااحد يجيها ويشوف وجهها لان علامات الضرب باينه فيه وبس😍😍😍😍😍