ا

رفع

هذه قصه لوحده اعرفها شخصيا وحكتني بنفسها كانت تقرب لجدتي الله يرحمها
هي عجوز الله يرحمها وكل ماجات تزور جدتي اسمعها تحكي قصتها وتبين انها راضيه بقضاء الله اللي كتبه لها
تزوجت وهي صغيره كعادة اهل زمان يزوجوا بناتهم واولادهم صغار اول مايبلغوا
بعد زواجها بكم شهر بدأت الاسئله المشهوره حملتي والا لسه العيب منك والا من زوجك وعلى هالحال
طبعا العيب كان في زوجها عقيم بس هي حبته وماتبغى تتركه وبدأوا اهلها يزنو عليها تتطلق منه وتتزوج غيره حتى يجيها اطفال وسند وهي تقول اذا ماجوني من زوجي ماابغاهم مرت الايام والسنين وهم على نفس الموال وهي ياجبل مايهزك ريح تقول مااتخلى عن زوجي عشان اطفال واهلها يقولو لو انت اللي مريضه كان تزوج عليك ولاترد على كلامهم
كبرت الزوجه وماتو ابوها وامها واخوانها واخواتها كل واحد تزوج وانشغلو بحياتهم وبقيت هي وزوجها وطلبت يستقدم لها خدامه لانها خلاص تعبت ماعاد فيها حيل شغل وتنظيف واستقدموا خدامه اندنوسيه ايام ماكن الاستقدام سهل وسريع وجاتها خدامه لسه بنت ماتزوجت وصغيره وسبحان من سخر هالخدامه للزوجه وزوجها صارت تناديها ماما وتخدمها كأنها بنتها من لحمها ودمها وقالت انا ماعاد بارجع بلدي باجلس معاكم وفعلا كل سنتين يجددو لها بدون لاتسافر جلست عندهم تقريبا عشر سنوات وتوفى الزوج وقامت في العزا كأن المتوفي ابوها ولاكأنها خدامه حتى لهجتها تغيرت صارت سعوديه اصل وفصل بس الشكل اندنوسيه وبعد وفاة الزوج صارت قايمه بالعجوز تخدمها وتطبخ لها وتروح السوق تقضي لها ومرضت العجوز وتنومت في المستشفى ورافقت معاها ماسابتها لحظه ولما توفت كانت اكثر وحده بكت عليها وتعبت من بعدها وهي بس حزينه على وفاة العجوز ولما جو اخوان العجوز قالو خلاص لو ماتبغي تسافري بلدك خليك عندنا قالت لا انا كنت هنا مع ماما وبابا الان هم الاثنين ماتو خلاص بارجع بلدي ليه اجلس هنا
فسبحان من سخر هالشغاله من اخر الدنيا للعجوز هي وزوجها الله يرحمهم ويغفر لهم

ههههههه رحمت الديد اللي يتدودل

😂🙈