سلالالالالام على كل الحلوات
نبراس ماعليش ابدخل عرض لأن شكلك مطوله ..
مشاركات البنات الله يسلمهم ويحفظ لهم الأجر ذكرتني بذاك الموقف اللي قبل 5سنوات اول ماجبت بكريتي .. وفيها طرف ومواعظ لازم نأخذها بالحسبان ...انا اول بوادر ولادتي جاني دم شوي وانتم بكرامه ...وكان باليوم المحدد للولادة شفتوا الصدف .. ترى موشرط باليوم المحدد للولادة تولد الوحدة فيه... فيه ناس تولد قبله وفيه ناس يعدون ويدخلووووووون العاششششششششر "حشا نياق " الله يستر ماودي اتشمت ...
المهم رحت للمستشفى بعد شور مستشارتي وهي اختي الكبيرة ووصيتها ماتقول لأمي خايفه عليها ضغط وسكر ولا أزيدكم من الشعر بيت .. انا القعده .. اللي حبي رعدة ....ههههه ...رحت للمستشفى قالو لي فاتح الرحم 2 سم .و لازم تنومين عندنا لأنا خايفين الدم يزيد معك .. المهم دخلت الساعة 9 صباحا من يوم الجمعة يالله من فضلك .. وقعدة للساعة 4 العصر في غرفة التنويم بعدها نقلوني للكشك ...بعدها بدا الإستهبال وانهبلت من اصوات الحريم .. قلت ياويييل قلبي هذا شي ماجاني لما هالحين ... .. وبد الطلق يتسارع .. سبحان الله البنت طلقها بطيئ .. عكس الولد يكون طلقه حاااار ومافيه تفاهم ... وسبحان الله كانت ولادتي بساعة الإستجابه ,, وربط لساني على الدعاء,, والقراءة ,, وكنت كل ماجاني الطلق احاول مااطّلع صوت .. هذة وصية من المستشارة .. وبالصدفة كانت وحدة بجنبي تولد وكانت هكا الآدميه تصيح بشكل غير طبيعي ...وتقول يايمممممممممممممممممممممممماه ...ياويييييييييييييييييييييييي يليي
قلت ياويلي انا هذا شي ماحسيت فيه لما هالحين .... وش جابني للموقف ذا ياليتني مااعرست وش حااادني ..,, ييييييييييييييييوه يايممممممممممممممممماه الحقيني .. هذي اللي بجنبي الله يهاديها صارت لي فلم رعب ذيك الليله ,,المهم جتني السسسسستره وكشفت علي قالت ماااااااااااشاء الله ..قلت وش فيه قالت .. رحم انت مفتوح .....8سم ... ماشاء الله انت نفر كويس فيه صبر واجد ,,, قلت واللي جنبي .. قالت هذا نفر كربان بس يصيح وهو مفتوح رحم 4سم بس ... قلت ياخراشششششي وانا منهبله انتظر المرحله اللي وصلت لها ...المهم كلها عشر دقايق وحسيت اني ابي اتبرز ...وانتم بكرامه قلت لها انا يبغى حمام قالت لاياماما هذا ولادة ,, المهم جت الطبيبه وتيسر امر ذيك الولادة ولله الحمد والمنّه ... اما خويتي ..تصدقون تعسرّت ولادتها بشكل فضيع لأن ماعاد معها حيل تدفع الطفل وتدخل الطبيب وولدت بعدي بساعتين وان احسبها تولد قبلي بساعتين ...وفي وقت لاحق اقول قصة ولادتي الثانيه اللي تمت بعد 12 شهر بس من الأولى ,,

نسايم خير ههههههههههههههههههه ضحكتين والله كنتس الراوي اللي اسمه الشرهاان اقووول لاتطنزين على المعوشرااات تراي منهن بس ماقلتي لنا وش جبتي بهالولاده؟

هاااي والدات واخيرا رضى عني الموقع
موراضي يفتح من البارح مع اني ظليت ساعه وانا اكتب باقي القصة
دقيقة وانسخها لكم

قوة بنات
تاخرت عليكم صح
زوجي طق الباب وفتح له الولد اللي كنا نتكلم عن ولادته وطلعت اتمشى لاني عقبالكم في الشهر التاسع حملي الثلث
المهم لانطول الهرج
رحنا المستشفى ودخلت وكشفت علي الدكتورة وكنت خايفة وشادة نفسي من الخوف وتالمت كثير من الكشف (الا يدها ثقيييييييييله)
وقلت لي لسا5 سم وصعدوني فوق والمصيبة اني دخلت وكانت فيه 3حريم وحدة تصرخ وتتوسل والممرضات يسكتوها بس خلاص مافي كلام
وحدة ساكتة ماتقول حتى الآه
وحدة ياويلي من هالوحدة
راح لها الدكتور لأن شكلها والله اعلم ماراح يطلع من راسه وتصرخ سووا لي عمليه يادكتور
مابيطلع من راسه يادكتور
فرد عليها الدكتور قائلا
(ايه فيه ايه يطلع من راسه يطلع من رجليه انتي مالكيش دعوه)
تصوروا حالي من الخوف
كيف مالها دعوة وهو بيطلع من قلبها
جاني الدكتور متنرفز والعرق ابتدى يبان في وجهه وكل منخار في ابليس وخفت حيييييييييييل
وقال لي السلام عليكم وابتدى يبتسم ازيك عامله ايه(يعني وحدة تطلق وتسمع هالصراخ تعمل ايه)طبعا قلتها من داخل قلبي
قال لي ممكن يعني يبغى يكشف سمحت له وتالمت كثير لدرجة مسكت يده وبعدين ذكرت الحلال والحرام وشلت يدي ههههههههه وهي في حالة روحها لا وقاعد يكشف عليها ماخافت الا من مسكة يده وقال لي 4سم وانقهر لانه نقص سم مع انها جات الساعه2 الظهربس قال لي الدكتور ماتخافيش ارخي نفسك واحس اني ارتحت كثير وكل مرة ارخي نفسي للكشف واحس يخف الالم مع كل كشف سبحان الله
وابتديت انام واذا جا الالم اصحى بعدين حطوا لي اكسجين لانه نقص عندي ولاجاني الطلق من شدتهاشيل اي شئ على وجهي واتضايق اكثر وارجع الاكسجين وهكذا لين الساعة 5 العصر وانفتح عندي 7 سم وجاوا وقالوا لازم الماي نفتحه لش وينزل علشان تولدي
وفتحوه وبعد ساعة رجعوا وقالوا لي فيه بول لازم ينزل البول عشان ورفضت ويتدخلون 3 ممرضات وكل وحده في جهه وكل ماجاوا يدخلون لي مادري وشو اغلبهم لين غلبوني بعدين جات ممرضة طيبة وحنونة وحاسة فيني ترى يرفقون باللي ماتسوي ازعاج اكثر عطتني ابرة ومحمي للطلق وقالت لي يالله حبيبتي نوم غمضت فتحت مافي نوم وبعدين ماحسيت بشي جات الساعة 7 الاربع وعلى طوووول جلست واصرخ سستر وجات تركض وعلى طول ودوني غرفة الولادة وقمي من هالسرير وقعدي في هالسرير ما اقدر يشلوني كلهم ويحطوني في السرير الثاني نزلي تحت اشوي... ماقدر معشدة الطلق وابتدى الدفع الشديد الجاد وسحبوني يالله سوي دفع
اتصدقون ابتديت انفعل معاكم وقمت احط حرف على حرف وامسح والجنين قام يتحرك حيل الظاهر انه تحمس عشان يطلع ههههههههه
وقمت ادفع واثناء الدفع غفلوني وشقوني شق واخيرا طلع لي صوت بس اي صوت
لانهم ماخدروا المنطقة
وطلع الولد وهو ازرق وماصاح الا والحبل السري ملتف على رقبته لاحته لوح على بطني وراحت تركض وجا الدكتور وشاله وضل يضرب فيه وصفع فيه لين قال وااه بس وحده وسكت وانا في حالة هيستريه من خوفي على الولد والحمدلله
وبعدين اطالع افخوذي تتوقعون شنو شفت
شفت شعر ولدي مقصص محل الجراحه اللي سووها لي كان شقوا راس وليدي
ونزلوا المشيمة وخلوني من الساعة 7 وربع ليييين 9 لاسووا لي خياطة ولا شي ورحت في النوم انا والولدوجلست اطلب ربي ان شاء الله ميسوون لي خياطة وفكرت انحاش مفيه عباية هههههههه صراحة
وجا الدكتور وعمل لي خياطة حطوا لي بنج بالرشاش من فوق وما وصل لتحت وفي كل غزة ابرة طلعت روحي ولاقلت لهم مابردوا قلبي وقاموا يغنون ويقهروني
تخيلوا بعد ما ولدت وجيت اروح غرفة التنويم عطوني الولد على طووووووول وقالوا لي ولد ها ولد شوف هذا ولد وافتحت الحفاظ عشان اتاكد ومادري ايش ادري انه ولد خلاص
وبعدين يوم ثاني العصر جاوا الاهل لزيارتي وقالوا لي انو زوجي قام يبكي خايف علي واستانست وناسة
وتوته توته خلصت الحدوته
والله سهله والله يسهل علي يارب ويبلغني اشوف الثلث لان الثني سقطته
وبسسسسسسسسسسسسسسسسسسسسس عاد ماشبعتوا
ولا هي حلاوة عقبال ما اوضع بالسلامة واكتب لكم القصة الثانيةيااااااااااااااااااااااااااااارب

على فكرة قريبا يكمل ولدي السنة الخمسة في21|4
الله يعين