**** السلام عليكم ****
هذه قصه اتمنى تعجبكم
في الصباح قامت سارا من نومها والبست لبسها حق المدرسه
ونزلت في الدورالارضي لقت امها وابوها وخواتها دانه ونورا
يفطرون جلست معهم وقامت تفطر بسرعه قالت لها امها اشفيك
مستعجله كلي على راحتك توالناس على المدرسه محد لاحقك
سارا 000 ياماما عندي واجب هذا طوله وابي اروح احله في المدرسه
الام 000 وليه ان شاءالله ماحليتيه في البيت
سارا 0000والله ماعرف احله لازم اسال البنات ابيهم يعلموني
الاوين احمد لايكون ماقام من النوم ابيه يوصلني انا مستعجله اه بس متى يخلونا نسوق كان نفتك من ودونا وجيبونا
الاب : اقول قومي بس ولاتكثرين هذره انا بوصلك اليوم المدرسه
احمد في افلونزه ولاهو برايح اليوم
سارا : اجل يالله يابابي عجل علينا تراني متاخره حدي وماني ناقصه تهزيء من ذا المعلمه حقت الانجليزي
الاب : بابي والله هذا من كثر ماتشوفين ذالمسلسلات يالله امشي
قدامي
وفي السيارا جلست سارا يالله يابابا اسرع شوي احسن شيء في احمد ان احنا في دقيقه الاوحنا واصلين
الاب: يالله يالله ياطويلت السان انزلي وفكينا
سارا : الحمد لله اخيرا وصلنا مشكور ياحلا اب في الدنيا
وفي الظهر ارجعت سارا في الباص زي عادتها وهي في الباص
اول ماجلست طيب يانوير ماحجزتيلي مكان اوريك مردوده لك
جالسه حظرتك ورا ذا السواق تقول مديره ولامدرسه وانا ماحجزتيلي اوريك
انوير : والله وش اسوي حجزت لك الي جمبي وجت ذا الدبه الي
جمبي وقعدت اقولها محجوز تقول مافي شيء اسمه محجوز وشو
اسوي شوفي هناك اخر صف فيه مكان
سارا : مسرعه وتجلس اخيرا مابغينا نجلس اعوذ بالله
وقضت الوقت سارا بالسوالف طول الوقت لحد مانزلت وكانت هي من البنات الاخيرات في الباص
نزلت سارا ودخلت البيت وبصوت عالي السلام عليكم سارونا
الحلوا وصلت ودخلت على امها وقبلت راسها وشو الغدا اليوم
تراني ميته من الجوع
الام: طيب يالله غيري ملابسك وتعالي ياحلوه ساعديني انتي وخواتك عشان نحط الغداء عشان مانتاخر على ابوكم
وفي العصر دق التليفون وكالعاده ركضوا نوره وسارا كل وحده
انا انا برد قامت الام وقالت اقول اقلبي وجهك انتي وياها انابرد
تذمروا وقعدوا يتفرجون على التلفزيون وفجائه سكتوا لانهم سمعوا
الملاقيف امهم تقول للي كانت تكلمها
الام: وعساه ولد ناس معروف واهم شيء انه يصلي ويخاف الله
طيب بس خليني اشاورابوها وان شاء الله مايكون الاخير
نوره :سمعتي شكله عريس
سارا : ياليته لي
نورا: يالهبله لاطبعا وشيبون فيك مع وجهك اكيد انه لي
سارا : والله شكله لا لي ولالك شكله لدانه يالله ياخبر بفلوس بكره
بكره يسون عليه تنزيلات
وفعلاكان عريس لدانه الي خلصت من الدراسه وجالسه في البيت صارلها كم سنه وبعد السوال عنه تزوجت دانه:icon28: وجابت بنت
وبعدها بكم شهر انخطبت نوره وتزوجت هي الثانيه ومابقى الاسارا والاولاد وخلصت سارا دراستها وطبعا جلست في البيت
:09: مثل اغلب البنات وكانت سارا تحب بنت اختها بجنون كانها
بنتها لدرجت ان البنت كانت تناديها ماما ومره من المرات كانت
دانه تبي تروح السوق ولان زوجها مشغول راحت مع احمد اخوها وكانت سواقته متهوره وكان مسرع فصارلهم حادث ونقلوا
للمستشفى وكانت حالت دانه جدا خطيره ولما حست انها خلاص
بتموت نادت زوجها وحلفته انها اذا ماتت يتزوج سارا لانها هي
الوحيده الي بتطمن على بنتها معها وكان يبكي ويقولها لاتقولين
كذا انتي بتقومين وبتربينها وبتشوفينها عروس لاكن امرالله ونفذ
وماتت دانه وربت سارا بنتها لحد ماصارعمرها ثلاث سنوات
وشاف زوج دانه ان سارا تعامل بنته كانها امها واكثر وتذكر وصيت زوجته فراح وخطبها من ابوها في البدايه عارضت سارا
وبشده كيف تتزوج زوج اختها كيف تعيش معاه لاكن امها وابوها اقنعوها لانه اذا ماتزوجها بيتزوج غيرها وبياخذ البنت ويمكن تعذبها ولاجل عين تكرم مدينه وافقت سارا مجبره عشان بنت اختها ووافقت على شرط انه يغير البيت الي هم ساكنين فيه وانه
يعطيها مهله شهر او شهرين لحد ماتتعود عليه وتتاقلم مع الوضع
وفي ليلت الزواج دخلت سارا بيتها ومان دخلت الابكت بكاء شديد
ماكان هذا الزواج الي تحلم فيه ولاهذا الزوج الي تتمناه مش لانه
شين لا بس لانه زوج اختها كان الموقف صعب فوق تحمل سارا
فحاول انه يهديها وعشان يطمنها قالها
لاتخافين انا لازلت عند وعدي ولحد ماتتعودين علي وانتي بنفسك
الي تقررين 0000000 شهر شهرين سنه سنتين انا مش مستعجل
كلامه ريحها وخفف شوي من الالم الي تحس فيه
وفي الصبح قامت سارا وجهزت الفطور وجلسوا يفطرون والبنت
معهم وسارا توكلها وتشربها وكان هو مطمن على بنته معها ودعهم وراح للعمل ودخلت سارا المطبخ مع ان البيت فيه خدم وحشم بس سارا اصرت على انها تطبخ الاكل وتسويه بنفسها
وتذكرت ان دانه كانت تقولها انها دايم تتهاوش معاه على الاكل
هو مايحب ياكل من يد الخدم وهي تقول كل هالخدم واطبخ انا
وسوت سارا الاكل الي يحبه لانها كانت تحس بتانيب الضمير تجاهه وكانت تبي تعوضه لانه كان زواج مع ايقاف التنفيذ وعلى
الاكل داربينهم هذا الحوار
خالد : مين طبخ هذا الاكل كله انتي
سارا : ايوا انا كيف عرفت
خالد : عرفت لان الخدامه اكلها تخبيص وهذا شكله يفتح النفس
سارا : مشكور
خالد: بس عاد مايندرا عن الطعم
سارا : يقولون التجربه اكبر برهان
وبعد ماكل
خالد : سارا تسلم ايدك اول مره اذوق اكل بالحلاوه هذي ذكرني
اكلك باكل امي الله يحفظها
سارا : عليك بالعافيه تبي اجيب لك شاهي
خالد والله ياليت بعد الاكله الطيبه هذي ياليت شاهي اذا ماعليك
كلافه
سارا : لا لا مافيه كلافه عن اذنك
وكان خالد لطيف جدا مع سارا يحاول يعودها عليه وكان يمزح
معها ويدلعها كان كل مايجيب لبنته شوكلاته اوشيء يجيب لها
هي بعد وكانت كل ماتقوله وانا بعد جبتلي يقول ايوا ماحتى انتي
زي بنتي طبعا كانت نغزه منه وكانت سارا تهتم فيه وتسوي كل
اشيائه بنفسها ما تخلي احد من الخدم يسوي له شيء وتحس انها
بهذا تخفف من احساسها بذنب تجاهه 0000000000
هذا الجزء الاول
هذي القصه من تاليفي انا اتمنى تعجبكم واشوف ردودكم الحلوه
000000000000الماهرات:26:
الجزء الثاني
*************
وبعد خمس شهور دخل خالد البيت
خالد : سارا ياسارا وين رحتي
سارا :هلا والله هلا وشبلاك عسا ماشر
خالد: ابشرك قدرت اخلص اشغالي واخذت شهر اجازه وفكرت ان احنا
نسافر انا ونتي وشرايك لان اول ماتزوجنا ماسفرنا قلت يعني نغير جو
وشرايك لو نروح ماليزيا او كندا
سارا : الله ياليت انا ودي نسافر عشان نغير جو وعشان شهودا تنبسط وتغيرجو
خالد : شهد وليش ماتحطينها عند امك وتخلين معها الخدامه كلها اسبوعين
سارا : لاحرام عليك يعني احنا ننبسط وهي لا البنت صارت تفهم
خالد : والله امرك عجيب تصدقين الله يرحمها امها كنت كل ماجينا نسافر
اقولها خلنا ناخذها تقول لا مانبي ازعاج وتخليها عندك
سارا : ادري وكنت دايم اقولها حرام عليك بس الله يرحمها ماتسمعني
وعشان كذا ليش مانروح هالمره دبي عشان هي تنبسط وحنا نغير جو والمره الثانيه نروح للي تبي
خالد : خلاص شورك وهدايت الله
وسافروا وكانت سفره روعه من احلى السفرات ورغم انه سافر مع دانه
كثير لاكن هذي اسعد سفره له شهد بنته كانت مبسوطه لاخر درجه وسارا
تحاول تسعدهم بكل الي تقدر عليه
ولما رجعوا من السفر
خالد : سارا انا بروح لامي اسلم عليها تبين حاجه اجيبها معاي
سارا : لاسلامتك سلم عليها ولاتنسى تاخذ هديتها الي جبناها لها
ويليت لواذا ماعندك مانع ودي اروح لنوير صديقتي ازورها من زمان ماشفتها
خالد : طيب يالله البسي وانا استناك في السيارا
وراح خالد لامه وسلم عليها واعطاها الهديه
الام : الله تسلم ايدك يوليدي روعه
خالد : والله هالمره ماهو ذوقي هذا ذوق سارا هي الي نقتها بنفسها وشرتلك
وحده ولامها وحده
الام : فديتها عسى عمرها طويل والله يوليدي ان سارا تسر الخاطر استغفر الله لايعاقبني الله يرحمها دانه ماكانت تسوي زيها
خالد: ايوا ايو
الام وشبلاك يوليدي لاكون ذكرتك فيها انا ترى ماقصدي بس
لاكن خالد قاطعها لا لا يامي والله ان سارا نستني كل شيء بس
الام : بس وشو
خالد : يامي انا تعبان احس ان مالي حظ في شيء تزوجت دانه الله يرحمها
كانت ماتهتم فيني ولافي بيتها ولابنتها حياتها كلها صديقاتها والدوجه بالسوقه من سوق لسوق ماتخلي مناسبه الاتتهاوش معي فيها حياتي كلها
نكد في نكد حتى الخدم ماسلموا منها كانوا والله مايدانونها وسارا عكسها تمام
فرفشيه ومرحه وتهتم فيني وماتخليني اقول اطلب شيء والله انها تجيبه قبل لااطلبه وبنتي شهودا ردت روحها وتهتم فيها كانها امها لاوالله اكثر بعد
حتى الخدم يموتون فيها حتى انتي يامي تموت عليك وتحبك زي امها
الام : اي والله وحتى انا احبها عكس اختها ماكنت تعطيني وجه ولاتزورني الافي السنه حسنه وكانت اذا جت عندي تقول مقصوبه من غير نفس
بس الحمدلله ربي عوضك بسارا زينت البنات والله يوليدي اني يوم شفتها اول مره تحسفت قلت ياخسارا ليتني خطبتها هي ماشاء الله عليها تقول قمر
بس النصيب لاكن الحمد لله هذا انت اخذتها وين المشكله اوانها موب عجبتك
خالد : شلون موب عاجبتني تصدقين يامي اني اول ماشفت سارا يوم الزواج قلت ياليت امي قلت ليش امي ماخطبتها لي من الاول ياليتك يامي
خطبتيها لي من الاول
الام : ياربي والله ماني فاهمه شيء انابصراحه ذكرو لي انه وشفتها مقبوله
وشكلها زين قلت خلاص بس سارا ماشفتها الايوم العرس بس وين المشكله
هذاك تزوجتها والحمد لله وشفيك
خالد : يامي وين سارا ماهي راضيه تقتنع لحد الحين تشوفني زوج اختها
تحس بذنب انها اخذتني من اختها تخيلي احنا اتفقنا شهر شهرين لاكن الحين
صار لنا اكثر من خمس شهور ولافي فايده
الام : معقوله الى الحين انا كنت احسب الامور على مايرام لاجيتوا عندنا
مزح وضحك وش حلاتكم وانا اقول الحمد لله اوليدي مبسوط لاكن ماكنت اتوقع انه كذا
ولايهمك انا بكلمها هذي المسائله ماينسكت عليها انا بتفاهم معها بطريقتي
وفي نفس الوقت كانت سارا عند صديقتها نوير
نوير : ياهلا والله مابقيتي تجين تقول محد اعرس الا انتي مقاطعتنا مغير
ذا التليفون
سارا : والله تعرفين البيت والمسئوليه موب زي اني بنت
نوير : احلا يالمسئوليات المهم سولفي لي قولي لي وشخبارك مبسوطه
سارا : والله ياختي مبسوطه وماني مبسوطه انا جيت اليم ابي افضفض لك
انا لحد الحين الشعور بالذنب اني اخذت زوج دانه بيموتني مع اني بصراحه
بديت احبه واتعلق فيه
نوير: وشوتقولين لحد الحين حرام عليك خلاص دانه الله يرحمها ماتت مع انك كنتي دايم تقولين لي ياليت يجيني واحد زي زوج اختي
سارا : صحيح وهي كانت تقول لي تبينه خذيه لوكنت ادري ان الزواج كذا ماتزوجت كانت تقول كذا بس برضوا الشعور بذنب يموتني
نوير : ماشاء الله عليه وصابر عليك لحد الحين
سارا : والله احسه انه بدء يطفش وكاسر خاطري بس مدري وشو اسوي
والله نه احس انه احسن رجال في العالم ما شفت زيه يحب بيته وبنته واحس
انه يحبني بعد ومامخلي نفسي بشيء بس
نوير: اقول والله ان ماعندك سالفه ترا الرجال ان صبر شهر شهرين خمسه
ماهو بصابر اكثر تعوذي من الشيطان واختك خلاص راحت والي يروح ما
يرجع
ورجعوا البيت ولاحظت سارا ان خالد بدء يتغير مايكلمها الا كلام سطحي
ولايمزح معها زي اول ولحد مادق التليفون كانت ام خالد كلمت سارا وطلبت منها انها تجي عندها في البيت عشان تبيها في موضوع وجت سارا
وداربينهم هذا الحوار
الام : ياهلا والله بزوجت اولدي مشكوره على الهديه تهبل تسلم ايدك
سارا : يو والله الواحد وده يجبلك الدنيا كلها بس الحمد لله انها اعجبتك
الام : طيب بشريني مافيه شيء في الطريق كذا اوكذا والله ودي لوربي يرزقكم ولد واشوفه قبل لاموت
سارا : بسم الله عليك ياخالتي الله لايحرمنا منك ويخليك لنا
الام : يابتي هوصحيح ان خالد ماقال لي شيء بس هو ولدي وانا اعرفه
يابنتي اختك راحت والله يرحمها والحي ابدء من الميت
سارا: بكت بكاء شديد والله يخالتي اني بموت مدري وشو اسوي محتاره يعلم الله اني حبيته وفي نفس الوقت اختي بنت امي وابوي اخذت زوجها
كيف ماقدر احس انها مراح تسامحني
الام : يابنتي وشتقولين اصلاهي الي طلبت منه يتزوجك وحلفته انه مايتزوج غيرك وهو في البدايا وافق بس عشانها لاكن بعدين تعلق فيك
سارا وهي تضحك وتبكي من الفرحه وشوتقولين يخالتي صحيح الي تقولينه
الام : اي واذا منتي مصدقه اسالي خالد هو يقولك
وطبعا سارا زي عادتها رجه انغزت على ام وجها وباست راسها وخدها
وتبوسها وقلبها يرقص من الفرحه وتشكرت منها كثير
وفي السياره كان خالد يسوق وهو مايسولف ولايتكلم
سارا : ليش ماقلت لي ان دانه هي الي طلبت منك انك تتزوجني
خالد : احسبك تدرين وبعدين اش يفرق
سارا مايفرق معك بس يفرق معي مخليني كل هالمده وانا بموت من احساسي
اني ماخذتك منها لوكان قلت لي كان تغير اشياء كثير
خالد : طيب الحين دريتي وشصار بيتغير شيء ياترا اولا
سارا : اكيد افا عليك والله اني احس ان الدنيا ماهي واسعتني واحس ان هم
عني وانزاح
خالد : ياشيخه اخيرا ياليتني قلت لك من عند الباب كان ماصار هذا حالي
اكسر الخاطر زوج وماني زوج
سارا : بس خلاص الحين انت زوجي وابو بنتي وكل شيء في حياتي
وزي ماتعودنا توته توته خلصت الحتوته حلوه ولا فتوته
يالله هالله هالله بالردود تعبت وانا اكتب وشرايكم اعجبتكم واي احسن
كذا بالغه العاميه اوباللغه الفصحه احسن لاتفشلوني انتظركم 000 000000 الماهرات
الماهرات @almahrat
كبيرة محررات
يلزم عليك تسجيل الدخول أولًا لكتابة تعليق.
..كلي حنان..
•
فديتك يعطيك العافيه أيؤه ننتظر اكمالت القصه
كملييييييييييي جزاك الله خير تحمست
لااله الا انت سبحانك اني كنت من الظالمين
استغفر الله العظيم واتوب اليه
لااله الا انت سبحانك اني كنت من الظالمين
استغفر الله العظيم واتوب اليه
الصفحة الأخيرة