امل 12345 :

الله المستعان ... ياما حكتهالنا جدتي الله يرحمها وامي هذي اللي فيها البنت اليتيمة الضعيفة تربت هي واخوها عند جدتهم ،،، طريطبه واخيها ،، في قصير منقصر ليت من يالاهم في ليلة شتوية

الله المستعان ... ياما حكتهالنا جدتي الله يرحمها وامي هذي اللي فيها البنت اليتيمة الضعيفة ...

بنت جدتى :

والله معرفها بس بحثتلك ولقيت القصه هذي ان شاء الله تكون هي كان فيه سبع بنات راحو للسدره يلقطون ( النبق )يوم وصلو للسدره ولاهي عاليه مره قامن قالو ارقي ي ام العبيه قالت اخاف تنشق عبيتي وتفضحني امي قالو ارقي ي ام جليل قالت اخاف ينشق جليلي وتفضحني امي قالو ارقي ي ام بنيطيل قالت اخاف ينشق بنيطيلي وتفضحني امي قالو ارقي ي ام نعيلات قالت اخاف تنشق نعيلاتي وتفضحني امي قالو ارقي ي ام ثويب قالت اخاف ينشق ثويبي وتفضحني امي قالو ارقي ي ام شيله قالت اخاف تنشق شيلتي وتفضحني امي قالو ارقي ي ام شريشحات( يتيمه ) ورقت وقامت تبطط ( تطيح ) عليهم عبري حطوها بشناطهن وشنطتها حطو فيها كناس ( وصخ ) نزلت و قالت ليش ما حطيتو لي قالت ابرقا اجيب لي وقالو ما علينا منتس ابنروح و رقت تبطط لروحها و نشبت بالسدره و مروها الخلوه على حمير قالت تكفون حولووني قالو جنا عجالا بجالا على حميراتنا نتجالا ورانا مسحب رجلينه على الشجر راحو و خلوها جوها البدو على بعارينهم قالت تكفون حولووني قالو جنا عجالا بجالا على بعيراتنا نتجالا ورانا مسحب رجلينه على الشجر وراحو و خلوها و جاها مسحب رجلينه على الشجر قال اباكلتس قالت جدي افتح افمك ابطب فيه و قطعت لها شجره كبيره فيها شوك و نطلتها بحلقه و مات و جوها البدو على بعارينهم قالت تكفون حولووني قالو حنا عجالا بجالا على بعيراتنا نتجالا ورانا مسحب رجلينه على الشجر قالت ذبحته و فرحو يوم لقوه ميت عندها و نزلوها و قالت ودوني جدتي بالديره و لبسوها ثوب و شيله و نعال و بنطلون و لبسوها عبات و دوها لجدتها عطوها مضير و تمر وسمن و ثياب وطقو الباب على جدتها قالت جدتها من قالو لتس بنت ضايعه قالت ايه ايه و تفتح لهم ويعطونها الاغراض و و تفرح و ترقد وهي ماسكتها و بعدين يوم جا الصبح تظهر تلعب قالت اذا قالو البنات منهو منه قالت بس معليكم و قامو البنات يلاحقونا و يصادقونها يوم شافو ملا بسها الجديده و معها تمر في مخباتها قالو وينهو منه قالتت ما عليكم

والله معرفها بس بحثتلك ولقيت القصه هذي ان شاء الله تكون هي كان فيه سبع بنات راحو للسدره يلقطون (...

ركايز :

لااله الا الله وانا اقراء القصص حسيت بهدوء القسم وكأننا جالسين بحوش او فوق سطح على بساط وكل وحده تقول قصتها بالدور المهم جااا دوري عندي قصص واقعيه كثيره لكن اقربها هذي القصه حصلت لاخت جارتي قبل سنه هي موظفه وعندها ٣اطفال وكانت بالدوام وزوجها بالبيت مع الاولاد خلاهم نايمين وطلع يصلي الظهر بالمسجد وبفترة وجوده بالمسجد سبحان الله احترق البيت وماتو الاطفال كلهم الله يجبر قلوبهم ياارب ادعو لهم ......... والقصه الثانيه قريبه لي متزوجه لها ٢٠ سنه ماخلفت واتفقت هي وزوجها على الطلاق وكل واحد يشوف نصيبه طلقها وتزوج على طول وجابت زوجته ٣اطفال ماشاءالله وتزوجت هي وجابت بنت تقول بالليل جاني اتصال من رقم رديت عليه الا صوت رجال طلع زوجها الاول يبارك لها بالمولوده تقول على قد فرحتي ببنتي الا ان مكالمته اثرت في نفسيتي ذيك الليله. وبعدها جابت ولد يعني بعد زواج ٢٠سنه ربي رزقها بنت وولد الحمدلله

لااله الا الله وانا اقراء القصص حسيت بهدوء القسم وكأننا جالسين بحوش او فوق سطح على بساط وكل...

عجوز مالها ضروس :

وحده حامل في تاسع جاها المخاض وزوجها مو موجود بالبيت وعندها ولد عمره 12 سنه ولدها وقف تاكسي لامه قاله وصلها ع المستشفى وكانت الام تعبانه في حاله ولاده والتاكسي تحول لذئب خذها في صحراء واغتصبها وماتت و الطفل دفنه في صحراء هو أمه ويوم جاء زوجها يدورها من المستشفى قالوا ما حد وصلنا بذا الاسم ظلو يبحثوا عنها لين لقوها مقتوله في صحراء مدفون معها طفلها ...

وحده حامل في تاسع جاها المخاض وزوجها مو موجود بالبيت وعندها ولد عمره 12 سنه ولدها وقف تاكسي لامه...