موضوع جميل

عندي قصه واقعيه وهي انه واحد شاب سعودي ماحصل وظيفه مع انه جامعي وقرر يشتغل سايق تاكسي اجره طبعا هذي القصه على ايام التكاسي قبل كريم واوبرا
المهم انه اول كم شهر من اخذ التكسي يدور الشوارع ماحد يركب معه الا قليل ويكونون اجانب او رجال سعوديين لانه سعودي والحريم مايركبون معه لسوالف سواقيين التكاسي وقتها
قرر يسوي نفسه من جنسيه ثانيه هندي او بنغالي اشترى الملابس واستعد وطلع يدور وصار يركبون معه ودخل مبالغ وماكتشفوه لانه مايتكلم الا نادر ومتفق مع اصدقاءه انه اذا اتصلوا عليه يصرفهم بجمله
ومره من المرات ركب معه رجال وعايلته سعوديين راجعيين من المطار وهذا السعودي كشفه من لهجته اضن لانه مو ضابط اللهجه قاله انت سعودي قال ايه وقاله انه السبب اللي خلاه يسوي كذا انه اذا شافوه سعودي مايركبون معه وهو محتاج للفلوس وانه فئه منهم عمت ع الباقي اللي يطلبون الرزق

في قصه سمعتها علي لسان اخت صديقتي والله اعلم هي صح او لا كان في رجال ضرير مايشوف بس وارث حلال من اهله وتزوج وحده ماكانت مقتنعه فيه بس اخذته عشان فلوسه وبس ومع الوقت صارت تخونه وهو مايدري لانه مايشوف أساسا وجاه واحد من أصحابه قال له يافلان انت صديقي وسمعتك تهمني تري زوجتك تسوي كذا وكذا وهو قال له انا ماشفت عليها أي شي ولا اقدر اصدقك والا اكذبك بس اذا هي فعلا تخوني الله يأخذ حقي منها ويفضحها علي الملا وسكت الرجال وهو دمعته بعينه ماكلمت أسبوع الا الحرمه ماسكينها الهيئه مع رجال من جنسيه عربيه وصارت فضيحتها علي كل لسان وزوجها طلقها وانقطت بالسجن

لا اله الا انت سبحانك اني كنت من الظالمين

عندي قصة جميلة صارت لاختي بس افضى اكتبها موضوعك جميل ياصاحبة الموضوع