//// السلام عليكم ///
مسائكم صباحكم ورد وياسمين على عيون الحوائيات الحلوات اليوم كتبت لكم قصه مسليه وحلوه ومشوقه
اتمنى تعجبكم وتنال على رضاكم
بسم الله الرحمن الرحيم
الممرضه مبروك مبروك ابومحمد مدام جابت لك بنت حلوه كثير
ابومحمد : وهو فرحان الله يبشرك بالخير خذي هذا حق البشاره احمدك يارب اخيرا كان نفسي في بنت من زمان
ودخل بعد فتره على ام محمد وبارك لها وشال البنت وبوسها وكانت الفرحه بابينه عليه بشكل كبير وبين ماهم يتكلمون دخلت عليهم اخته ام فيصل وباركت لهم الف الف مبروك على البنوته وان شاء الله تتربى في عزكم وتراني حاجزتها لولدي هاوشقلتوا ام محمد تضحك الله يحينا من الحين حجزتيها ابو محمد وهويضحك والله يوخيتي يعتمد على ولدك اهم شيء يكون راعي طاعه ويصلي ويخاف الله اهم شيء وجلسوا يضحكون وكانهم
وسالت العمه وشسميتوها بسم الله عليها
الام سمينها ورد
العمه : ماشاء الله ياحلو هالاسم يناسبها الله يحفظها
ويخليها لكم
ومرت الايام وكبروا صارعمر فيصل 7سنوات
وعمر ورد : 6سنوات
وكانوا يلعبون مع بعض وكان فيصل ظهر ورد الي تستند عليه محد يقدر يضربها اويهاوشها وهو موجود
يدافع عنها ولواحد من اهله شروا له لعبه يلزم عليهم
يشترون لورد حتى لما نجحوا في المدرسه وسووله حفله
كانوا بيحطون صورته لكنه اصرانهم يحطون صورتها بعد وان الحفله تكون لهم اثنينهم ومرت الايام وكبرت ورد وصارت تتغطى عنه لكنها كانت تعرف اخباره
من اخته دانه وامه الي هي عمتها ودخلت ورد الجامعه
وفي اخر سنه بعد التخرج
********
ورد : الوهلا دانه كيف حالك
********
دانه : هلاوالله كيف حالك انتي
************
ورد: اقولك تراك اليوم معزومه عندي ياحلوه انتي وكل الشله منيره وحصه وسارا بعد
************
دانه : ووووووو روعه كل الشله ليش وش عندك مع وجهك
*************
ورد : الله يسامحك بس يالله اليوم انا فرحانه وماني متهاوشه معك يادبه اقولك لاتتاخرين وانتي جايه لاتنسين تجيبن لي هديه موب تسوين روحك ماتدرين
ترى اهم شيء الهديه
**********
دانه : ايوا قولي كذا عشان كذا انتي عازمتنا عشانك ناجحه الحين عرفت يالله مبروك ولاتخافين وانا جايه
بمر على بو ريالين وشتريلك هديه
************
ورد : ابوريالين انا ورد على سن ورمح تجيبن لي من بوريالين صدق انك بخيله بس يالله معليش بتواضع وبتنازل واقبلها موب عشانك عشانك من ريحت الحبايب
طبعا اقصد عمتي الله يحفظها
*********
دانه : عمتك ايوايو معليش صدقتك ياشيخه قولي عشان ولد عمتك ممكن اصدقك
ورد: حرام عليك وانتي كذا دايم سيئت الظن الله يسامحك يالله يالله لاتطولين بروح استعد اشوفك
اليوم ان شاء الله لاتتاخرين ياويلك ان تاخرتي
********
دانه : لالا ماني متاخره بس ترى انا اليوم بجيكم ضيفه
موب تكرفيني شيلي وحطي يكفي اني بجيبلك هديه
********
ورد : الله واكبر على الهديه كلها من بو ريالين على قولتك وبتذليني فيها بعد يالله باي اشوفك على خير
بعد المغرب
تجمعوا ورد وصديقاتها ودانه كلهم وسوا حفله روعه
مسابقات وحركات وضحكوا ولعبوا وكانت حفله تهبل
وجابوا لها هدايا روعه ودانا جابت لها ساعه ماركه
فخمه وعطر من نينا رتشي وقلفتها تغليفه روعه ودب وحركات وداربينهم هذا الحوار ووورد تفتح الهدايا
ورد : وووووبنات هداياكم روعه تهبل ماقصرتوا
وانتي يدانه كل هالزين من بوريالين ههههههههه
سارا : وشو وش سالفت ابوريالين علمينا
ورد : تقولي بجيب له هديه تافه وجابت لي كل هذا مشكوره يادندون نردها لك بالافراح ياحلوه
دانه : خلاص احنى فيها ولايهمك الاسبوع الجاي انا عازمتكم على حفلتي حفلت نجاحي وترى كلكم معزومين لاتنسون
ورد : ايوا عشان كذا
دانه : لاوبعد ازيدكم من الشعر بيت امي وابوي معزومين وبناخذ راحتنا على الاخربسويلكم حفله
ماعمركم شفتوا زيها بتدوخون من الوناسه
سلموا على بعض واتفقوا ان موعدهم الاسبوع الجاي
في بيت دانه وفي بيت ورد داربينهم الحوار التالي
الام : ها يبنتي عساكم انبسطتوا انتي وصديقاتك
ورد : يويامي الله يخليك لي والله انبسطنا ولعبنا واكلنا والبوفيه يومه كلهم انهبلوا عليه يوم قلت لهم اني انا وامي مسوينه ماصدقوا قالوا كانه جاهز
الام : الحمد لله
ورد : لاوالهدايه يمه لو تشوفينها تهبل شوفي هذا من
سار وهذا من حصه وهذا من منيره وهذا عاد من دندون
الام : ماشاء الله عليك بالعافيه يابنتي ان شاء الله تتهني فيهم
ورد : بس يامي المشكله ان دندون حفلتها الاسبوع الجاي وشفتي هي وشو جابت لي ولازم اجيب لها
هديه حلوه وفخمه
الام : طيب بسيطه قولي لبوك وهو تعرفينه مراح يقصر
دق دق دقت ورد الباب على غرفت ابوها
ورد : ادخل يبه
الاب : وهويقراء الجريده تعالي يابنتي ادخلي حياك
ورد : كيف حالك ياحبيبي معليش اطلب منك طلب صغنطوط مره
الاب : اطلبي الله يستر بس على هونك علي توني متخسر في الحفله حقتك شي وشويات
ورد: الاسبوع الجاي حفلت دانه بنت عمتي وانتي طبعا ماترضى بنتك حبيبتك تروح ويدها فاضيه
الاب : لا معقوله ولايهمك كم تبين ميه ميتين
ورد : وشو يابوي اقولك دانه بنت عمتي تقول ميه
ميتين تدري وشو جابت لي هي ساعه بالفين وعطر ماركه وانا اجيب لها هديه بسيطه
الاب : يابنتي كل واحد يمد رجله على قد لحافه
هم تجار وخيرهم ماشاء الله عليهم بس احنا على قدنا
ورد : طيب عشاني يابوي مد لحاف شوي خله
الف
الاب : اقولك ماعندي الا800 ريال دبري حالك عاد
ورد : طيب خلاص بمشيها هالمره مشكوريابوي وقبلته على راسه
وفي يوم الحفله لبست ورد فستانها الاحمر وسوت شعرها كيرلي ومكياج هادي وجزمه والشنطه فخمه
وطلعت لامها
الام : بسم الله عليك وش هالزين والله انك ورد الورود
الله يحفظك قمر
ورد : طبعا من يشهد للعروسه والقرد في عين امه
الام : وه بس متى اشوفك عروس
ورد وهي تلبس عبايتها ان شاء الله قريب بس الحين انا بروح تاخرت عليهم يالله يامي بروح
انتهى الجزء الاول ياترى ايش بيصير بالحفله مين بتشوف ورد وهل بتنبسط اوبيصير شيء كل هذا بتعرفونه في الجزء الثاني والحين شدوا حيلكم بالردود
عشان اكتب الجزء الثاني بكره
تاليف 000000000الماهرات
*** الجزء الثاني ***
وراحت ورد الحفله هي وصديقاتها وكانوا كثير مبسوطين ووعدتهم دانه انها بتسوي لهم بعد العشاء مسابقات وجوائز حلوه وفعلا بعد ماتعشوا وحلوا بالكيك
جت دانه وجابت الجوائز وطلبت من ورد تساعدها وزعت عليهم البطايق واحتاجت مقص ودورته في الصندوق مالقته طلبت من ورد انها تجيبه من غرفة فيصل لانها نسته على التسريحه
ورد : يؤ يؤ انتي من صدقك واذا جاء وانا في الغرفه وشاسوي ساعتها لالامستحيل
***************
دانه : يابنت الحلال لاتخافين مراح يجي هو معزوم في البحر مع ربعه ومراح يجي انااكدت عليه روحي يالله
جيبه من عند الباب وتعالي عشان انا اجهز للمسابقه
**************
ورد : امري لله الله يستر شكلك بتجيبن فيني العيد يالله انا طالعه
*******************
وطلعت ورد الدور الثاني وفتحت الباب واخذت المقص من على التسريحه لكنها جلست تتفرج في الغرفه تشوف
المكتب والسرير والاغراض تتاملهم وهي تتفرج
صار شيء ماكانت حاسبه حسابه سمعت صوت واحد يتكلم بالموبايل وعرفت انه فيصل
ورد حطت يدها على خدها : وقالت يؤيؤ ياربي هذا
شكله فيصل وشو اسوي وين اروح اقفل الباب فشيله
بيقول شتسوي هذي في غرفتي اواطلع اخاف اطلع في وجهه ياربي وين اروح مافي الااني ادخل بدولاب
***************
فيصل وهويكلم في الجوال : هلا مشاري وينك لالاهذا موكلام كيف تخلوني اروح واضرب مشوارللبحر وماتجون وينكم ياخي جلست ساعه انتظركم واتصل
ماتردون
اف لا سلامات وعسى ماتعورتوا اشوى الحمد لله
لالا والله مافيني ارجع مره ثانيه بخذ شور وارقد
يالله سلام وعليكم
***************
ورد : ياربي وش هاليوم ليش طاوعتها والله بس اشوفك يادانه اوريك وشو اسوي مصيبه لو فتح الدولاب
****************
فيصل : الو دانه ترى انا في غرفتي توني جيت
*************
دانه : وليش تجي انا ماقلت لك صديقاتي عندي وبناخذ راحتنا
*********************
طيب ومين ماسكك خذي راحتك انا اصلا بخذ شور وبنام مراح اطلع من الغرفه
**************
دانه : طيب ماشفت ورد فوق
**************
فيصل ورد وشجاب ورد هنا لاماشفتها ؟
***************
سكرت دانه وقالت مدري وين راحت ورد بروح فوق اشوفها عن اذنكم
*******************
سارا : ايو الله روحي بسرعه تلاقينها مسكينه
مندسه بحد هالغرف يو م درت انه طلع
*****************
وطلعت دانه الدورالثاني ودورتها في الغرف كلها مالقتها ودخلت على فيصل والباب كان مسكر
***************
دانه : افتح يافيصل انا دانه افتح بكلمك
**************
فتح فيصل الباب وقال لها وشتبين كنت بدخل اسوي شور
*********************
دانه : ياخي اصبر شوي ماشفت ورد دورتها في البيت كله مالقيتها مدري وين راحت
***************
فيصل : طيب يمكن انها راحت بيتهم
*************
دانه : ماشاء الله على ذكائك كيف تروح وهي ماخذت عبايتها وشنطتها وانا قلت لها جيبي المقص من هنا من التسريحه وراحت وماجت
***************
وبين ماهم يتكلمون فتحت ورد باب الدولاب وطاحت
مغمى عليها صرخت دانه وجت مسرعه هي وفيصل
*****************
دانه : ورد ورد حبيبتي وشفيك ياربيه شكلها يوم سمعت صوتك خافت وتخبت
**************
فيصل : يالله وصارلها خلينا نوديها المستشفى بسرعه
لاتكون انكتمت في الدولاب
******************
دانه : انت مجنون والله لودرى خالي ابوها ياويلنا كلنا
لاتخاف مافيها الاالعافيه هي مصارلها ربع ساعه
من طلعت فوق بس هي اغمى عليها من الخوف منك
****************
فيصل : طيب وشو نسوي نخليها كذا لايصير فيها شيء
**************
دانه : يابن الحلال اقولك لاتخاف بس خلنا نوديها غرفتي بسرعه قبل لاتجي امي اوابوي ويشوفونها هنا
يالله انا وانت نمسكها ونقومها
****************
فيصل : اقول ابعدي بس كيف نمسكها وهي مغمى عليها
انا بشيلها بسرعه وبوديها وفعلا شالها وحطها على سريردانه
ياترى هل قدرت دانه تخلي ورد تقوم وشصار لورد
ومين شافهم هذا كله بتعرفونه في الجزء الثالث
والحين وشرايكم وروني الردود الحلوه عشان اكملها مع العلم ان الجزء الثالث اكثر تشويق
00000000000000الماهرات
الماهرات @almahrat
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
ماشاء الله ابدااع يالغلا...
*صاحبة السمو*