قصه من تأليفي لعيونكم يابنات.

بعد كلام أم تابط ماعاد تحملت جلست أعاقب نفسي طول الليل على
تقصيري بحقكم دايم أطل وأطلع وماشارك بس أشوف أخباركم
من بعيد لبعيد.
وقعدت أفكر شلون أرضيها وأرضيكم وأعصر في مخي واعصر
لين طلعت معي هالسالفه.
والله ثم والله من تأليفي
<<خلاص مصدقينك يانزار القباني
تراها فصحى
<< تتطورت عقبكم


الأم تصحي ولدها للمدرسه:
ياوليدي قم لايروح أبوك ويخليك
تسقط بكره وهالشي مايرضــــيك
وأبوك يمسطك ويستـــــأثم فـــيك
ألحق تراه ضرب البوري يناديـك
الولد:
يمــه أتركـــين شوي ربــي يخــليـــك
ولا بغيب وبكره مالك الا الي يرضيك
الأب جاء غاضبآ:
قم قامت عظامـينك والله لأوريـك
يا...يا...يا...علمني شسوي فــيك
أطب بطنك ولا أطحن في كلاويك
الأم تتوسل:
تكفى خله .تعــبان جعــلي مابكيـــك
حرارته مرتفعه. ماتفـهم وش فيــك
بوديه المستشفى اليوم وبتصل فيك
الأب:
هاه..أجل خليه ومع السواق وديه
وأذالزم الأمر علمـــــــيني وأجيه
لاتتركينه والله الله أعتــني فيــــه
الوالد يديور منصرفآ.الأم:
أبشر بس أنت رح لدوامك وخليه
الولد وهو يضحك:
صــدق أنه مخــفه.وقلبه مهفــه
كلمــــــه تـلفـــه.ونظــره تزفـــه
الأم:
أخمد لايجـيك. وبالعقـال يربـيـك
الوالد رجع خمسة آلاف ريوس:
وش تقول يالخايس. هذا وأنا عليك حايس
ويضربه بعنف والأم تبكي:
حرام عليك خله تكفــى
أنا عليك وعليه ماقوى
الأب وهو في قمة غضبه:
أنقلعي لايجيك شي مايرضيك
وأدوسك أنتي وولدك وأحوسك
ماخربه الا دلالك. وحبك وطولة بالك .وتسترك وأهمالك.
الأم منحرجه:
التي تشوفه سوه. هذا ولدك توه.
علـــى الدنيـــا صــغــير
وأنت في البـيت الأمــير
وحنا عندك مثل الحمير



عاد ماتزعلون تقولون الأمهات حمير هذي مجرد
سالفه .