على ذمة الراوي
قصة حقيقية صاحبها منوم في
مستشفى المجمعة في السعوديه
دخلنا عليه وكان كل جسمه ورجليه مجبسه
وما تسمع إلا آه وأواه وأي وما أدري وشو
ما غير يون من الوجع اللي فيه
عاد انا قلت يمكن انه مسوي حادث قوي
او انه محترق او او او ... الخ
المهم جت الساعه 4 العصر وبدا وقت الزياره
انا استغربت من شي غريييييييب جداااااااا
كل من جاء يزور هالشخص يطلع من عنده ميت من الضحك
انا جاني الفضول وقلت وش السالفه
وعلى هالحال كل من جاء وسلم عليه
ما تسمع الا ضحكهم من ورا الستاير
انا قلت لازم اعرف وش السالفه
انتهى وقت الزياره .. وانقز له على طول
واتشافا له واقوله الحمد لله على السلامه
عسى ماشر ومن هالكلام
وانا كل همي اعرف ليش يضحكون
المهم قلت له: انا اشوف اللي يجونك ما يرحون من عندك الا وضحكهم واصل اخر المستشفى. ضحك وقال لي: ليـش عاد أنت حاسدنا على الضحكه. قلت له: لا يـا أخوي ماهيب كذا السالفه والله لو عندك مليون كان يمكن أحسدك! بس اضحكوا عادي خذوا راحتكم بس بغيت اعرف السر يعني اذا ما عندك مانع. قال لي: طيـب ولا يهمك.
انت مثل ما تشوفني مكسر ومربط بالشاش
قلت له: هيه والله. الله يشفيك
قال لي: يا طويل العمر انا ساكن في شقه في الدور الثاني وعندي بلكونه ما من زيـنها. واذا نمت فتحت باب البلكونه. وطفيـت النور. وتسدحت على السرير. ويوم نمت على السرير. وغصت في اعماق اعماق نومي. حلمت اني في يوم القيامه. وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار!. المهم الجماعه ينادون بالاسامي. فلان بن فلانه باص النار. فلان بن فلانه باص الجنه. وهكذا. شوي وفلان بن فلانه. هه هذا اسمي وقلبي يـدق ويـدق. رووح باص الجنه. اووووووووووووه الحمد لله ارتحت. ومشيـت ادور على الباص اللي مكتوب عليه الى الجنه. وحصلته ودخلت فيه. مشيـنا بالباص وبعد فترة جاتنا لوحه مكتوب عليها (الجنه 50 كيلو) (النار 100 كيلو) وهذا وحنا مع اللوحات. والله ونتعدى الجنه. قلت يمكن السواق يـعرف مكان لباب ثاني. شوي وشفت النار 15 كيلو. وبعد شوي النار 10 كيلو. وكل شوي نقرب من النار. يا رجال وش السالفه. المشكله الناس ساكتيـن وما حد قلق في الباص الا انا. قلت بدخل عالسواق وشفته معطيني ظهره. إيـه إإإيـه أنت وين رايح؟!. قال لي بدون ما يلتفت: رايح النار يا حبيبي. قلت له: ويـش انا من اهل الجنه. وليـش توديني النار يا وجه النحس!. والتفت لي. طلع هو ابليس. الله يلعنك. انا من اهل الجنه. يا ملعون لا توديني النار. انا من اهل الجنه. والله العظيم اني من اهل الجنه. تو من شوي قايلين اسمي. وقف يا ملعون. وقف يا ملعون. وهذا انا أصورخ. وهو بانواع الضحكات الشريره هاهاهاهاها .. هاهاهاهاها .. هاهاهاهاها .. قلت له: يا ملعون وقف! أبي انزل!. قال: والله الباص هذا مبرمج على انه ما يوقف الا في النار. تبي تنزل أقفز منه. وركضت على الباب وفتحته. وهووووووووووووووب قفزت
ولا وعيت الا أنا في المستشفى
قافز من البلكونه في الحوش
القصة صحيحه
وحصلت لواحد كان منوم في مستشفى المجمعه العام
weitroz @weitroz
عضوة نشيطة
يلزم عليك تسجيل الدخول أولًا لكتابة تعليق.
هههههههههههههههه
الله يا قلبي عليه من حقه يوم يطيح الرجال حسب نفسه انه بيدخل النار
يسلموووووووو يالغلا
الله يا قلبي عليه من حقه يوم يطيح الرجال حسب نفسه انه بيدخل النار
يسلموووووووو يالغلا
الصفحة الأخيرة
الشيطان ليس له سلاح الا الوسوسه
مشكووووره ياطيوبه