قصه وعبره ,,,تعالووو نشوف ونعتبر

هلا كل الغوالى ...بمنتدانا الرائع ....وان شاء الله نفيد ونستفيد من بعض وناخذ من تجارب بعضنا ماهو افضل.... فى قصه واقعيه سمعتها من شخص وأثرت فينى كثيير ...لان فيها عبره للى يعتبر وحبيت اشارككم معى فيها..............................................................................

بداية القصه حسب ماقدرنى الله واتذكرها
........................................................
هاذى قصة بنت يتيمه مع مرت أبوها....زى ماسمعتها انقلها لكم......كانت هاذى البنت من اطيب البنات
وأجملهم ..خلوقه وصبوره فوق ما تتصورو...وكانت مرت أبوها..تتفنن فى تعذيبها...وتحملها فوق طاقتها من اشغال البيت....وهى صابره ومحتسبه ..لا ااااح ولا ااا كله حاضرخالتى وتحت امرك والخاله

والعياذ بالله من نوع الحريم اللى مايخاف فى بنات الزوج من الزوجه الاولى لاخوف من الله ولا حيا من بشر...كانت المسكينه تحملها جلى مواعين الطبخ كلها فرك بيديها ..لان زمان ماكان حتى فى
اسفنج حق الجلى زى الحين...يخبرنى هاذى الشخص وهو كبير بالسن من عمر هاذى البنت الله
يرحمه ...يقول بعينى شفتها وهى تغسل المواعين بدوون صوت ودموعها مثل المطر تغسل معها

ويقول انا كلمت هاذى الحرمه بس ولا يهمها ...قاسيه وقلبها حجر....لما كبرت البنت وسارت بسن
الزواج اتقدمو لها عرسان وولاد ناس طيبين...بس مرت ابوها كانت دووم ترفضهم....بتسألون وين
؟؟ الأب ..الاب من النوع اللى يخضع للزوجه الثانيه لما توريه العين الحمرااااا.... هى تبغيها خدامه
لها تغسل وتمسح عنها..لان زمان ماكان فى خدم زى الحين...المهم البنت وصلت للسن اللى لازم
تتزوج والناس احرجوها ليه ماتزوجين البنت حراام عليك...بس مرت الاب كانت تريد تزوجها شخص
تضمن انها ماتشوف معه السعاده حتى لا تحس بالفرق بين عيشتها ببيت ابوها وبيت زوجها وفعلا
تقدم من فيه هاذى المواصفات وزوجتها واحد معروف بجبروته وقساوته والكل رفض يزوجه وجا ء
على حض المسكينه....نتسائل ؟؟؟ليه تقسى عليها وهى طيبه وما ترفض لها طلب ..كذى لما ربى يعدم الرحمه من قلب الأنسان ويستبدلها بقلة الرحمه والعياذ بالله....فى ناااس تعشق تعذيب البشر..

الله لا يبلانا.....كانت هاذى المسكينه شكوتها لربها ودموعها دووم..كانت دموووعها تنزل بغزاره
غريبه من زود قهرها وحرمانها من الام الحنونه والاب ...المهم تزوجت هاذا الشخص وكمل ما
نقص من فنون التعذيب اللى ربما فاتت على مرت الأب...ولكنها بينها وبين الصبر عشره وتوافق
عجيب ... رزقها الله بلأولاد والبنات الطيبين طلعو عكس ابوهم رحمه بهالصابره.... اما عن مرت

الأب حرمت من الخلفه ..ابد ماجالها عيال بالمره......دارت الأيام ومات ابو البنت وضلت مرت
ابوها بلا عيال أو زوج.....وطبعا تقدم بيها العمر وصابها مايصيب الأنسان..من ارذل العمر
وتدهورت صحتها...ولها اولاد اقارب رفضو ياخذوها عندهم....عرفت بنت زوجها بحالها قالت

هاتوها عندى انا بنتها ..ورح اعاملها زى امى اللى انحرمت منها .....والله طلعتنى العبره سبحان
الله بين القلوب....وفعلا جابتها بيتها وقامت برعايتها احسن من احن بناتها لو هى خلفت...زوجة
الأب سألتها معقول بعد كل العذاب والمر اللى سقيتك اياه بدون ذنب تتحملينى الحين وكانى امك ونا

ابعد مااكون عن الأم ..وبكت زوجة الأب دموووع الندم من عينها دم زى مايقول المثل وندمت
ندم ظل معها لاخر يوم بعمرها............كل اللى الدموع اللى كانت تنزلها البنت من عينها دفعت مرت الأب

ثمنهم دمووع ندم الله يتقبل منها توبتها...المهم قامت..برعايتها لحد ماربى اخذ امانته وتوفت ...
والحرمه هاذى بعدها عايشه....وتعانى مع الزوج ولو ان الأوضاع احسن من اول لان أولادها
بارين فيها ...........ارجووو ماكون ثقلت عليكم ...........بس حبيت .......نستفيد منها جميعنا

واى وحده الله قدر عليها تتزوج من رجل متزوج قبلها وله عيال ومدام هى ارتضت بيه
ضرورى تخاف الله فى اولاد زوجها وتعاملهم معامله طيبه وتحتسب اجرها عند رب العالمين اللذى
لا يضلم من استودعه...... والحياة ...دين وسلف لا بد يرد لنا حتى لو مضى زمن طويل ونسينا ربى
لا ينسى وتحط نفسها ام وشلون تحب يعامل فلذة اكبادها ....اكيد رح تتغير معاملتها.............

طبعا فى كثير زوجات أب طيبات وحنونات .............بس الأغلب هم الصفه الثانيه الله يهداهم

وسلامتكم وسامحووونى اذا ازعجتكم

:( :(