السلاااااام عليكم جميعااا مالي في المقدمات مره ولا اجيد كتابتهااا .....
قصه ولادتي بحملي الثاني وانا الحين حامل ادعو لي ان الله يسرهااا بعد ماجاني رعب فضيع من الولاده بسبب تلك الولاده .....
هذا ياطويلات العمر انا جبت طفلي الاول قيصري في الشمال عاد مستشفيات الشمال مجزره بما تعنيه الكلمه من معني كتبولي قيصري عشان ولدي الاول كان كبير وعدت ذي الولاده زي اي عمليه قيصريه والحمد الله وبعدها بسنتين حملت بالثاني وكنت استني بس اولد وكنت اراجع عند دكتوره بمستشفي الملك فهد وقالتلي انت عادي تقدرين تولدين طبيعي انا توكلت ع اللله سبحانه وكنت زي اي وحده تستني تولد ع احر من الجمر جا الشهر التاسع وانا خلاص روحي طلعت ابي بس اولد المهم مالكم بالطويله ... كنت كل ليله اقول لخالتي الله يحفظها خلاص اليوم بولد وتجيني مغوص وشد بس من انام واصحي الا مافيني الا العافيه ذيك اللليله جاني مغص ماهو بالعاده شد علي شوي مع دفع وكان يجيني كل 10 دقيقه عجزت اتحمله رحت صحيت ابوالشباب وقلتله مقدر اتحمل بروح المشفي وياقلبي وانا اقلقهم ذيك الليله وهي تقوم خالتي معي وعلي عيونها النوم متوقعه انهم يدخلوها معي جينا الطواري ودخلت وبدااا الكشف طبعااا في هذا الوقت خالتي وابو الشباب برااا ماخلوهم يدخلوه كشفت عالدكتوره وقالت 2 مفتوح معك انا مدري من الخوف مدري من ايش برد الطلق عندي احسه ماعاد
جاني نفس الالم اللي في البيت كان الطلق يجيني كل 10 دقايق وكانو حاطين لي تخطيط البيبي والطلق والقلب المهم جتني الدكتوره بعدها بساعتين وقالت مفتوح 4 طبعااا بس انا لمن كانت تجيني الطلقه يضيق التنفس عندي وقلبي يزيد بالخفقان اتعب حيل ابلش بالنفس بس
لمن كشفت الدكتوره وقالت انتي 4 بس خلاص ياحساس قلبك تعب ولازم نحاول نولدك عشان انتي ماتتعبي هم شايفين انو قلبي مايتحمل ياحليلي صغيرهههه>>>ايه حيييييل
جتني الاخصائيه وقالت الحين بنعطيك ابره ظهر وطلق صناعي ومراح تحسي بالالم اناتردد ت من كثر ماسمعت عن ابره الظهر وخبرت الاخصائيه انو مره خايفه منها قالت ماعليك الا العافيه بس انتي تعبتي حيييل لازم نولدك بسرعه اوك وافقت وطقوني الابره وجبت طبيعي ولاحسيت باي شي وللله الحمد وطرت من الفرحه واعجبتني الابره حييييييييل وكملو الخياطه وكل شي اوك وشفت نايف حبيبي جاي سليم وطرت فيه وحطوني بغرفه الافاقه عشان اصحصح شوي ,,,,,,,
ووقع مالم يكن بالحسبااااااااااااااااااااااااااااااااااااااااااان ,,,,,
جاني طلق مره ثانيه بس ايش الم ايش تعب مع ضيق تنفس بس بصراحه ماقدر اوصفه الالم
انا اقول للممرضه تقولي عااادي اختي مغص ولاده يجي بعد الولاده قلتلها مو مغص انا اعرف المغص زين ذي مثل الولاده اللم تعبت اقولهاااا وهي تسكتني انا وقتهاااا ماقدرت اتكلم ماقدر انربط الساني ورقبتي مالت ع الجه اليمني ماقدر التفت جتني خالتي مبسوطهبولادتي وانا اتكلم بالشاره معهاااا وهي ماتفهم علي تباركلي ياقلبي وتقولي احساس وش فيك طالعيلي انا كنت مقدر مدري وش جاااني صرت ابكي دمووووع بس من شده الالم والشد اللي برقبتي يالله تطلع معي كلمه خاله انا بموووووووووووووووت
وهي تنخرع ياااقلبي وتروح تركض تفزع الممرضات وتقربلي وتقولي كيفك الحين زانا ماغير اقولها انا بموووت وكل شوي يزيد الالم وبطني تنتفخ كل شوي وهي تجي دكتوره تهاوش خالتي وش فيك ازعجتينا ذا مغص ولاده وسحبتها خالتي مع يدها قالت انتي بس تعال شوفي وجهاااا
وجتني الدكتوره وهي تنخرع وتجي تفحص مره ثانيه ياويلي فحص وانا تو مخيطه بس ماحسيت من وجع المغص ووبعد ماكشفت قالت وش فيها مافي بيبي ثاني ولاشي وهي تجي تسولف معي تقولي وش فيك ياحساس وين اللي يوجعك اتكلمي انا اللي اقدر اسويه ابكي بس وربي من داخل اني جالسه اتشهد واحسب اذنوبي وش سويت وش اللي ماسويته لانو من جد جاني الموت بالغرفه وطلع وهي تتتجمع الدكاتره ماضل دكتور ولا دكتوره بالمشفي الا وجي جت وحده سعوديه عندها حاله طارئهالله ارسلها سبحانه مرت الغرفه وشافت الزحمه ودخلت وش فيه تسال وهي تجيها خالتي تركض البنت بتموت مايدرونون وش فيهااااا ارسلت الممرضات يجيبو السونار وجلست تشوف بالسونار وش فيه وهي تشهق انا خلاااااااااااااااااااااااااااااص تشهدت وخالتي ياعمري تصيح قالت ياخاله هذي عمليتها الاولي مفتوحه وحنا خيطنهاااا وصار نزيف داخلي وهي تصرخ وتجمع الممرضات يجهزون غرفه العمليات تقول قدامي لخالتي حنا بنسوي اللي علينا والباقي ع رب العالمين وهي تنهار خالتي واشوفها قدامي طاحت ع كرسي تبكي المهم راحو وختبصوووو اللي يسحب السرير والل حط البنج ونبضات القلب وحطو الكمام علي وانا بعدهااااا مدري انا وين ,,,
صحيت فجاءه كذا الا خالتي تقراء علي وزوجي بجنبي وقولهم ابي مويه وتشوفي الممرضات تركض ركض ...
وحطوني بغرفه الافاااقه وعندي اكثر من ممرضه ودقت امي ع زوجي تساله صحت وانا اكلمها يابعد راااااااااااااسي هي ميته من البكاااااء وشوي ياخذ ابوي السماااعه ويبكي ياجعل يومي قبل يومهم ولا شوفهم يبكون انا مره اسولف ومره اغيب وااقول لامي وشفيك اناااااا امابي شي جالسه حتي اسالي خالتي ...:44:
وعدت ع خير وبعدهااا اليوم الثاني مشيت عشان العمليه والحمد الله كل شي تمام بعد رحمه رب العالمين فيني كل ماتذكر ولادتي وربي يضيق صدري ضيقه موطبيعه الحين خايفه من ولادتي الله يسرهااااا باذنه تعالي
احساس حلوه @ahsas_hloh
عضوة نشيطة
يلزم عليك تسجيل الدخول أولًا لكتابة تعليق.
زمـ الصمت ـان
•
الله يكتبلك الولادة السهله الميسره وانصحك يا اختي كثري من الاستغفار وتصدقي كل يوم بنية انه ربي يقومك بالسلامة ويسهل ولادتك وان شاء الله راح تتسهل
يالله ,,
الحمدلله على سلامتك ياشيخه وربي يسهلك ولادتك,,
ولاتعبين نفسيتك وبعدين تتوسسين ,,
خليها على الله ,,
والله يرزقك بر عيالك ويعوضونك عن التعب اللي شفتيه
الحمدلله على سلامتك ياشيخه وربي يسهلك ولادتك,,
ولاتعبين نفسيتك وبعدين تتوسسين ,,
خليها على الله ,,
والله يرزقك بر عيالك ويعوضونك عن التعب اللي شفتيه
الحمدالله على سلامتك والله يسهل لك ولادتك الثانية يارب ويجعلها مثل شربت الماء
ويقر عينك بشوفة ضناك يارب ويخليك لعيالك يارب ولأهلك
دعواتك لي بولادة سهله ميسرة
ويقر عينك بشوفة ضناك يارب ويخليك لعيالك يارب ولأهلك
دعواتك لي بولادة سهله ميسرة
الصفحة الأخيرة