هلا و غلا
والحمدلله اني ربيت و افتكيت ....و ارتحت ...
نبدأ قصه ولادتي ..الاربعاء..9..8..2006
يوم الاحد كان عندي موعد عند الدكتوره علشان اطمن على البيبي و هذا كانالاحد.... 6..8..2006
قالتلي كل شي تمام و بعد ما شافت المشيمه قالتلي عندج تكلس بالمشيمه
((يعني ان المشيمه عجزت و ما قامت اتغذي البيبي عدل ))
الدكتوره قالت تابعي تحركات البيبي اذا اقل عن 10 حركات لازماتصل فيها عشان تعطيني طلق صناعي اربي لاني و اذا ترييت موعدي راح يتعب الجنين خلال الولاده و يقل دقات قلبه ..وانا كنت 38اسبوع ....
طلعت من المستشفى و انا متضايقه واايد ...و طبعا رجعت البيت و سالت بنات حواء و ما قصروو معاي
عطوني معلومات عن تكلس المشيمه ...
بعدين قررت ارووح لدكتوره ثانيه عشان اطمن اكثر وانا طلعت من عند الدكتوره الثانيه و انا معصبه
لانها قالتلي عادي المشيمه تتكلس و عادي ز اي شي اسالها اتقولي عادي ....
رحت البيت و قبل ما انام صليت استخاره عشان كلام اي دكتوره صح و شو اسوي ....
حلمت اني مربيه و كل اللي حواليني مستانسين بولادتي ..و ارتحت بالحلم لاني بعد ما سمعت الخبر
تمييت متضايقه و اصييح ...
خايفه من الطلق الصناعي ....و خايفه على البيبي ...:(
وفي اليوم الثاني بدون ما احس او افكر قعدت اسويلي جدول نفاس و رتبت اغراضي للمستشفى
و شنطتي لعجمان ......و بعد كل هذا الساعه 1 الظهر اتصلت بدكتورتي في مستشفى النور...
و قلتلها ان حركات الجنين اقل من 7 او 8 حركات ....قالتلي تعالي عشان اعطيج الطلق ..قلتلها الحين ما اقدر لان ريلي يرجع الساعه4 من الدوام ...قالتلي خلاص الساعه 6 اتكونين بالمستشفى ...
اتصلت بريلي و قلته عن كلام الدكتوره قالي خلاص العصر بوديج ...توكلت على الله و سويت غدا
و رتبت البيت و عدلت اغراضي ..والعصر رحت المستشفى ..حطولي تخطيط و يت الدكتوره و عطتني
طلق صناعي و بعد ساعتين قالتلي ما عندج تقلصات روحي امشي و اذا ياج طلق ارجعي ..
رحنا مشينا و انا احس بتقلصات خفيفه و انا مش متاكده منها ...
رحعت البيت و الساعه 1 بالليل بدات التقلصات و ريلي نايم وكل شوي اتزيد .. اتصلت بخواتي
وبس هم يعرفون عن السالفه و الوالده مب موجوده رايحه تركيا مع الوالد
لانها ما تتوقع اربي الحين و موعدي25..8..2006........................
و سويتلي ماي زعتر و شربته و ماي زمزم قاريه عليه من قبل ...ومشيت شوي
و بعدين رحت سبحت بماي حار لان التقلصات اتعورني و اتزيد قعدت نص ساعه و طلعت و قومت ابو الشباب
و جهزته للمهمه الكبيره ..خخخخخخخخ:hahaha:
وديت عمر بيت ام ريلي و الساعه 3.15 وصلت المستشفى..
والتقلصات الله يعيني عليها ...بين كل تقلص و الثاني نص الدقيقه و التقلص يطول دقيقتين ..
وبعد كم ساعه من الدراما الهنديه مع ابو الشباب على الساعه 7.30
ربيت و جبت احلى بنوته فديتها انا ..صغيره و كانت 2.700 بس الحمدلله على كل حال..
و ابو الشباب رقد معي بالمستشفى و اليوم الثاني رحت عجمان .....
الحمدلله رب العالمين
و عقبال باقي بنات حواء...
..*.+لمووويه+.*.. @lmoooyh
محررة برونزية
الله يحفظها لكم يارب
عقبالنا