قصيدة واحد على خطيبته اللي تركته

هذي قصه واحد راتبه على قد حاله وخطب وحدة حبها وحبتها لمدة ثلاث سنوات وعلى مر هذي السنوات الثلاث جمع فلوسه وراح لها على اساس يخبرها بأن الفلوس جاهزة ويحددون الزواج ويوم جاء لقى الفاجعة الكبرى شافها مع خطيبها الجديد وهي وافقت عليه لأنه غني مرررة (يلعن ابو النذالة) وبعدها رد صاحبنا للبيت مكسور خاطرة وكتب هالقصيدة ويشكي حاله لخويه ابو سعود





اقروا القصيدة وعطونا رايكم فيها


والله الله بالردود السنعة







ثلاث سنين وأنا أخطط لهذا اليوم يا أبو سعود _
تيسر حالي وجاهز أوفي وعدي بوقته _ _
وفجأة جتني تعتذر تقول تأخرت الوعود _
وأنا مستغرب واسمع كأني وعدها خنته _ _
حسبت أنها تمازحني تضيع جفا وصدود _
ضحكت بوجهها من قلب مع أنها بايخة النكته _ _
قالت أرضى بالواقع ماهو المعهود _
تغير كل شي صوبي نصيبي ماأضنه أنته _ _
كنت بيوم محبوبي ولكن ماأضنه يعود _
وصل قبل ماتوصل وأنا ذاك الصبر عفته _ _
لكن تكفى صدقني يشهد ربي المعبود _
ترى ماخنتك بغفلة ولا كلمته وشفته _ _
بصراحة أهلي قالوا لي بأنه ولد أصل وجود _
وجتني أمه بالصورة وبكلمات المدح أخته _ _
سكت وقلت فرصة مادام الجود من الموجود _
وقالوا كل من حولي علامات الرضا سكته _ _
وأنا فكرت دام أمه وأخته ماعليهم زود _
أكيد برضيهم إذا وافقت وأخترته _ _
وأرضي أهلي وأخواني مدام أن الفرح مقصود _
عطيت الناس أنا كلمة معهم وقتي حددته _ _
ولا أقدر أغيرها تراها عند العرب منقود _
أوافق واعتذر باكر وأقول الراي غيرته _ _
تبي تشرحلي المنقود تصدق عاد ياأبو سعود _
تبيني أقتنع وأرضى بحال عمري ماعشته _ _
أنا ماني بقايل عساه يفرش ثراها ورود _
بعد ماحطمت قلبي وطعم الموت جربته _ _
عسى فستانها أشواك في ثوبها عقارب سود _
ونار تحرق الكوشة وتحرق بيتهم حته _ _
موت بليلة الدخلة يبرد حرتي ياكود _
ولا أحس أنه يحضنها ويلامس خد لامسته _ _
علي أهون إذا ماتوا ولا بنفس السرير رقود _
ترى صعبة علي اتخيل اللي ما تخيلته _ _
عسى قاع الثرى يقسى ويتحول صخر جلمود _
حفار القبر يرفض يسوي فوق مقدرته _ _
ترى دفنة عديل الذات تلوع حتى كبد الدود _
ومن خان العهود ومات تعافى حتى مقبرته _ _
عسى ربي يجازيهم بحبل من مسد ممدود _
يعلقهم من أطرافه فوقه نار ومن تحته _ _
أنا لاني حقود وشين ولاني من نسل نمرود _
ومن حط نفسه بوضعي يقول أنا اللي قلته _ _
مادام الفعل له ردة فعل والله أبشري بردود _
بدعي دامني حي وأغرس بالدعاء نبته _ _
أسقيها نزف القلب دمع مارحم الخدود _
تكبر واثمرت ريها من اللي خانني وصنته _ _
وأنا نذر علي أكتب وأفجر هالقصيد رعود _
واسمع كل البشر صوتي عجبته ولا زعلته _ _
وأردد للي سمعني إذا حبيت حط حدود _
أنا حبيت دون حدود وشف اللي تكبدته _ _
ثلاث سنين أنا باقي جت صورة بكل برود _
وخذت مني شقا عمري وحلم قلت حققته _ _
ثلاث سنين وأنا أخطط لهذا اليوم ياأبو سعود _
وتوافق من كلام أخته وصورة أربعة في سته _ _ _




اتمنى تكون عجبتكم


وتقبلوا تحياتي