قصيميه تشعر للمطر .. ادخلي وسعي صدرك

شكلها فرحااااانه بالمطر و جادت قريحتها بالقصيده التاليه


(عنيزه تلثق وغاديتن لقسه وكلشن رابص عندنا وأنا متعنقطه بفروتي من الذراقه ومارغتن الفكس والهواء يشخفن مع كل محل وصايرتن مثل الحولقه أصوي صوي وشاقصتن بمكاني ماغير أقحن زنجبيل وأكل كريريث)

س / عرف ما تحته خط وضعه في جمله مفيده إذا أمكن



التعريف


1. عنيزه تلثق = كل شئ بالمدينة مغرّق بالماء ( لو تسقط بملابسك ببركة ماء وتخرج أقول عنك طلعت علي من البركة وانت تلثق ) ( تلثق يعني تخرخر ماء)

2. وغاديتن لقسه = صايره غير مرتبه ( لقسه يعني محيوسه)

3. وكلشن رابص = كل شيء متشبع بالماء

4. متعنقطه = متمسكة ومتلحفه

5. الذراقه = الخوف

6. ومارغتن = داهنه الجسم . يمرغ = يدهن بكثرة

7. يشخفن = ينفخ

8. (الحولقه) الكلمة خظأ مطبعي هي الحوقله = فرخ العصفور

9. أصوي = أصفر

10. وشاقصتن = ثابته

11. كريريث = الكرّاث اللي أوراقه قصيره ورفيعه مشهور بعنيزة فقط وهو طعم جدا ..

يا حبي لها كلامها يجنن اثركم يا اهل القصيم تتكلمون فرنسي:22:

اقول ممكن وحده من بنات المنتدى القصمان تقولنا قصيده باللغه الفرنسيه القصمنجيه بمناسبه ارتفاع الأسعار
يعني عشان المسئولين يفهمون وضعنا:hahaha:

ترى امزح


و الموضوع المسدوح فوق ملطوووووووووووووش