قطوووووه ... تروّع الآمنين..!!!

السلااااااااااااام ...
كيفكم إن شاء الله بخير ..
بقوولكم قصه دارت أحداثها في جامعتنا المصونة وبطل هالقصة كاااااان .....

قـــطــو... ايه قطوووو لا تستغربووون ...

بس لا تسالووني عن وضع القطوو الحين , لأني اعتقد أنه في خبر كان <<< مو متأكده

<<<< اخلصي قوولي القصة
اممممم...

كان ياما كان في صباح هذا اليووم الجميل ونسائم عطره العليل <<< والله منيب سهله
<< على بالها موضووع انشاء
كانت الساعة الثامنة إلا ربع صباحا ... يعني وقت طلعة البنات للقاعات
وخاصه إنه كان أول يووم من الأيام الإمتحاناتيه العنيفه
كنت جالسه أنا وماي فرند = صديقتي =بنووته
في قاعة الإمتحان نذاكر ومعانا تقريبا سبع بنات ..الوضع كان هادئ لآخر درجه الكل يذاكر بصمت
<<< تحب التفصيل
وفجأه سمعنا صراخ مدوووي ..... والصراخ يزيد ... وش صاير .؟؟؟

وما درينا إلا بأول بنت جالسه قدام الباب داخل القاعه طبعا قاامت تصاارخ
وانا على بالي البنت استخفت .. وش فيه ؟؟؟؟ قلت مافيها يابنت اكيد الدعوه خطيره
وطبعا الفعل الوارد في هذه الحالات هو إني طمرت فوووق الكرسي
طمرت = نقزت = قمزت = نطيت
وسط صراخ متوواصل من البنات خارج وداخل القاعة
وقامت وحده من البنات صاحبة المواقف وحلالة المشاكل مسرعه وقفلت باب القاعة وسدته بكرسي
<<< وإلى الحين فوق الكرسي وما تدري وش السالفة
ضحكت البنت وقالت لين انزلي خلاص
قلت لها : مانيب نازله العمر يابنت واحد قوليلي وش السالفة وهل الوضع الآن آمن ..؟؟؟؟
قالت : هذي قطووه دخلت القاعة تسلم علينا وطلعت هههههههههههههههههههه
نزلت وأنا ميتة ضحك ياربي على هالبنات كل هالصراخ عشان قطووو
<<< ايه هين <<< أكثر وحده خايفه
وكل هالوقت والبنات برى يصارخووون ... وبعدين هدئت العاصفه الصراخيه الترويعيه
وعم الهدوء على أرجاء القاعة بل على أرجاء الكلية .... تك تك ..
هذا صووت الباب يفتح... يابنت مافيها وطمرت فووق الكرسي ... بس ماطلعت قطووه
<<< عاد قطووه بتفتح الباب
طلعوا بنتين جاين ميتين من الضحك يقوووولووون : مسيكينه القطوووه ارتاعت من صراخ البنات
وقامت تفحط بينهم
<<< والله ما المسكينه إلا اللي واقفة فوق الكرسي ميتة من الخووف
طيب ياشجاعات قفلوا الباب وسدوووه بكرسي عشان انزل
ههههههههههههه قفلناه يالله انزلي
بس مازال الهدوء مسيطر على الوضع
أقووول يابنات لايكوونوا غيروا قاعة الامتحان.!!؟؟...
الساعة الحين ثمانية ولا حس ولا خبر المفروض الامتحان بدأ
يلااا ماي فرند ننزل شكل الأوضاع مستتبة وبعدين بجيب لي قلم وشلوون أختبر
<< ما تغير عادتها ماعمرها جابت قلم
طلعنا والأسياب فاضية
الأسياب =الممرات
لا يوجد مخلووق أو أي كائن حي على الووجوود
مخلوق = كائن حي = بنات = طالبات = موظفات = زائرات ....إلخ
ياربي وين الناس ؟؟ !! ...

طيب ننزل تحت ونشوف .... يوووم نزلنا وش شفنا ..!!
البنات متجمهرين تحت.. اللي لابسه عبايتها واللي معها جوالها
وواقفة عند الدرج رئيسة القسم وموظفات الأمن
والكل يطالعنا بنظرات استغراب وتعجب ..
وكأننا مخلووقات غريبة ...
مخلوقات غريبة = أشباح = كائنات من الفضاء ... وما إلى ذلك ....
سألتنا الرئيسة وعيونها طايره : أنتم من وين طلعتوا ؟؟؟؟ !!!!!
جاوبتها بكل براءه بنوتيه: من فوق
قالت : طيب وش فيه وش اللي صاير ؟؟؟؟!!!!!....
قلت لها : قطوووه فحطت بالممرات والأسياب وفي وبعض القاعات
قالت: والحريق ؟؟ !!
قلت: أي حريق ؟؟ :(
المسألة كلها قطوووه وبس
وقبل ما اكمل هالجمله لقيت البنات يضحكوون بأصوات عاليه
قطووووه ؟؟ !!
ياربي على هالبنات على طول وبأقل من ربع ساعة طلعوا إشاعة
حريق مره وحده ..!!! :D

امممممم ...
انتهت القصه .. طبعاً بعد ما طلعت رئيسة القسم للمبنى وتأكدت من الوضع
وطلبت من البنات يدخلوون قاعاتهم ونتج عن هذا تأخر الامتحان حووالي ساعه
على بال ما جمعوا البنات وفهموهم إن المسألة لم تتعدى قطوووه
شفتووا هالقطووه وش سوت فينا .. حاست البنات وأخرت الامتحان و روعت الآمنين

<<< بعد هالقصه صارت شخصيه مشهووره


اممممممم ... :27:

واعتقد إني أنا البطلة الثانية في القصة وماي فرند البطلة الثالثة
ورئيسة القسم البطلة الرابعة
وعشان ما تزعلووون.....
<<<< تحب ترضي الجميع
اللي تقرأ هالقصة الحين هي البطلة الخامسة