مش لقيت الموبيل

الحمد لله زقه تحت النيش وطلعنه بالعافيه


عطر

يلا فيدنى بالفينو

طريقه سهله واكيده نفسى ينجح معى
ياما تقيل

نى


مكبوس

روشانا وعطر

ربنا يبارك فيكم يا بنات ويبارك فى اولادكم يا رب

شكرا لاهتمامك
انا بقول خير الامور الوسط وهخليه بين ال200 والعالى خالص
نقول 250
وعلى فكرة يا انجى انا كنت دهناة ولفيته بفوطه بعد ما خرج علطول
بس شكل بوتاجازى هادى بزياده ممكن يكون الموديل مختلف
روشانا انا عملته يبقى هكله يعنى هكله هههههه
ان شاالله مع الشاى زى البقسماط
لميا العجينه حلوة انا دايما مشكلتى فى السوا

السلام عليكم ورحمة الله وبركاته
مادو جزاك الله خيرا انا عارفه انك حا تسالى عنى بس كان ابنى عنده امتحان فالوقت كله كان معاه
بالنسبه للعيش اى معجنات اعجنيها بزبادى بتكون طريه واخبزى على حراره عاليه وادهنى الوجه
ممكن زبده وحليب لو مش حابه بيض انا جربت المعجنات بزبادى ممتازه حليب فقط بتكون ناشفه
ولازم تغطيه فور خروجه من الفرن وتكونى فاتحه الشوايه كمان لسرعة احمرار الوجه
انا لسه ما قرتش رابط شيماء وحبيبه حا ارجع لهم
روشانا طريقة الصلصال حلوه وصحيه خلو بالكو يا جماعه من اى منتجات صينى سواء العاب
او اغذيه لان قريت فى الجريده ان الشعب الصينى نفسه مقاطع منتجاته
لان المواد الغذائيه كلها داخل فيها مادة الميلامين وهى ماده سامه
والعاب الاطفال من بلاستيك ردىء جدا فخطر على صحة الاطفال لان الجلد بيمتصه
فتقريبا مش حا نشترى لعب لان كله صينى
حبيبه جزاك الله خيرا على الافكار الجميله وفعلا الصيام فرصه هذه الايام لان اليوم قصير
بالنسبه لسؤالك طبيعى الزوجه المصريه عامة بيتها واولادها اهم شىء
وانا رايى فى هذه النقطه ان فعلا البيت والاولاد اولا لكن لازم ما ننساش نفسنا
انا شخصيا لازم يكون لى وقت لنفسى حتى لو بسيط لانه فعلا بيخلينى قادره اكمل واستمر
سواء المشى او هوايه او برنامج بتحبى تتابعيه خلطه تعمليها لشعرك بشرتك
التوازن مطلوب البيت والاولاد والزوج ولازم انا كمان حتى لو وقت بسيط لان ده ال بيدى دفعه للاستمراريه
اليوم كان فى برنامج فى قناة الرساله عن تربية الطفل
خلاصة الحلقه ان يكون فى وقت بسيط للطفل على الكمبيوتر او البلاى ستيشن لانه بيضر بمخ الطفل
ثانيا اختيار قنوات معينه للاطفال الطفل يتابعها وتعويد الطفل على انه يقيم البرنامج بحيث
يكون عنده القدره على متابعة المفيد وعدم الاهتمام بما هو غير مفيد
واهم شىء النشاط الحركى انه يكون فى البيت مكان مخصص للطفل لممارسة النشاط الحركى
نط او جرى لانه بيفرق فى نفسية الطفل وصحته
واخر نقطه كانت على الخدم والحمد لله المشكله دى مش منتشره عندنا ان الطفل يستمد كل ثقافته
من الخدم ويكون معاها طول اليوم تاكل وتلبس دور الخدم للتنظيف فقط وليس للاهتمام باى شىء يخص الطفل
يومياتى كان عندى تنظيف شامل وعميق قسمت البيت على يومين وعملت محشى وكيكة جزر
وخيط مفرش من بواقى قماش لانى اشتريت مكنة خياطه بما انى مش بعرف اخيط لكن شغاله فى عمل مفارش
لانها سهله وبقصر بنطلونات لو حد عاوز انا فى الخدمه حا اقرى رابط شيماء وارجع لكو

شيماء ومادو جزاكم الله خيرا
ملف أكثر من رائع وفيه الخلاصه لحياه سعيده
ياريت يا جماعه تحملوه فعلا لازم نقراه باستمرار لانه بيدى للحياه شكل جديد
حبيبه الرابط جميل ايه الروقان ده رومنسايه وافكار رايقه اكيد كلنا محتاجنها
انا لسه ما كملتش لانه طويل لكن ملف رائع
بالنسبه يا جماعه لعلاج الالتهابات ممنوع تماما وضع اى مطهر فى الماء والجلوس فيه
خطر جدا انا من اول ولاده وانا الدكتور محذرنى لانه بينقل امراض ومشاكله خطيره
التشطيف الخارجى فقط اصح كمان من الدش المهبلى
مى انا بستعمل الملح يوميا للتشطيف ومرتاحه عليه جدا لكن خوفتينى منه
فياريت يا جماعه لو حد عنده تاكيد للمعلومه دى يقول لنا

عروس

لا يا عروس الا الصين مقدرش:eek::(
انبارح لسه جايبه مجمووووعه العاب ينى طبعا كل واحده ليها فكرة اجمل من التانيه وتخيلى الواحده بكام؟
باتنين جنيه اما بلاستيك او مطاط انا هبحث فى الموضوع ده واتاكد وربنا يستر
ممكن تكون اشاعات ايه اللى هيخليهم يتخدمو مواد رديئيه دة بلاستيك
حاجه تضايق بجد
وشكرا على باقى المعلومات الحلوة زيك

بالنسبه لعلاج الالتهابات يا جماعه
مساله انك تقعدى فى طبق دقيقه دى اعتقد انها زى التشطيف الخارجى
لكن الدش المهبلى هو اللى خطر لانك بتدخلى مواد لداخل الرحم اعتقد كدة
والله اعلم