مادو

الله يسلمك

بالنسبة للمعجنات المفروض ماتقعدش كتير فى الفرن لانها اكيد هاتنشف

وكمان مدة التخمير ماتزيدش عن ساعة
يعنى بمجرد ما ترتفع تبتدى تشتغلى بيها
دى انا لاحظتها معايا من كتر تجاربى لما بسبها تخمر زيادة بتبقى مش حلوه وماتستويش كويس وتبقى مكتومة شوية وعايزة وقت زيادة فى الفرن عشان تستوى

بالنسبة للفينو انتى افردية ولفية رول وحطية فى القالب وغطية وسيبية شوية يرتفع مش كتير
وبعدين تكون مسخنة الفرن على الاخر وتحطية 10 دقايق او اقل لو ما احمرش الوش افتحى علية الشواية ااقل من دقيقة اول ما يحمر الوش خرجية وغطية بفوطة

شوفى انا بقالى كتير بعمل معجنات فى البيت وبرضه مش دايما تظبط معايا
الحرارة ومدة التخمير بتفرق جامد

مادو

جيتي لي في ملعبي انت عارفه انا تخصص عيش فينو

بصي اللي نشفه كدا الوقت لانه مبياخدش غير 10 دقائق

و لما بتحبيه وشه احمر او دهبي بتدهنيه بيض مضروب بلبن

دا غير انك كان ممكن تفتحي نار الشوايه عشان يحمر بسرعه

بس الطريقه مفيهاش مشكله

و انا كنت بعمله في اليونيفرسال في حراره 200 برضه

و مكانش بياخد وقت خالص

لانه زي ما بتقولي بيكون هش جدااا عشان الزبده

تاني حاجه

اول ما يطلع تلفيه في فوطه و تقفلي عليه وهو سخن ملهلب

عشان مينشفش

لان اللي نشفه كدا هو انك سبتيه بره لحد ما برد


و اي اساله انا حاضره

مادو

فيه كمان حاجة زى الدقيق كده اسمها محسن خبز يضاف للدقيق العادى فى اى معجنات

يقال انه بيساعد المعجنات تفضل طرية فترة بعد الخبز
ممكن تجربيه هاتلاقية موجود فى محلات تجهيز التورت فى مدينة نصر وفى العتبة

باقي البنات ازيكوا كلكوا و صباح الخير عليكوا يا قمرات

مادو

لو مش هاتكلى اللى انتى عملتية وحرام ترمية طبعا

اما تقطعية شرايح زى التوست وتدهنية زبدة وتوم وموتزريلا وتحطية تحت الشواية زى الجارليك بريد

او تقطعية شرايح برضه وتحمصية فى الفرن وندقيه ويبقى بقسمات لقلى البانية
او يتحمص ويتكسر وتحطية بجانب الشوربات بصل كريمة فراخ عدس.....