انا مش فاكرة خالص انى استخدمته فى الغسيل بس حبيبه مصممه ههه
انا جربت الخل والليمون وملح الليمون------- والبيكربوناته جربته فى حاجات تانيه كتيييير وكان حلو فعلا


والله عارفه المعلومه دى ومع ذلك مصمه لانه بيدى لمعان فظيع وبقالى اكتر من 3 سنين بستخدمه معملش حاجه بس منظففات الحمام مثلا زى الفلاش لو طرتشت بس بتعمل تاكل للاستنلس
وكمان انا بمسح بالكلور مرة بالاسبوع بالكتير وممكن اجرب ملح الليمون بالاريال المرة الجايه

ايه الحكايه يا لميا اعمل عيش فينو وبيتزا تعملى ورايا وتصوريه كمان بتغيظينى ولا ايه؟
واستخدم ملح الليمون بالاريال فى الحمام تعمليه انت كمان وفى موضوع مستقل
توارد خواطر ده ولا ايه ههههههه ولا انتى كنت عارفاه
بس انا برده اللى شجعتك واستاهل دعوة حلوة ههه اوعى تدعى عليه هههه انا بهزر معاكى يا قمر
بس هقولك حاجه بالنسبه للفينو اهم حاجه التسويه الصح وكنت بسالكم عشان تساعدونى افهم الفرن بتاعى
وكان خفيف وهش جدا بس لو تقل كده يبقى النار عكس عندى يعنى كانت عاليه ابقى هدى عن كده شويه وان شاء الله يطلع حلو وخليه يتخمر براحته وفى طريقه كمان بس عايزة دعوة المرة دى عشان الفينو ميفردش
ويبقى خفيف تسيبيه يخمر برحت وعشان ميلزقش استخدمى ورق المونيوم فى الصينيه واتنيه بحجم الرغيف عشان ميلزقوش انا كنت مصوراه هحاول انزل الصور اما كمان يا جميل ودى طريقه اسامه السيد
قولى لى كنتى عملاه على حرارة اد ايه ومده اد ايه؟

يا رب يا ماما زوزو
بس بقيتى بطولى بالغياب قوى مينفعش كده
بالنسبه للمخبوزات انا بفرح جدا لما اعمل عيش بالذات معرفش ليه
يمكن عشان من لايملك خبزة لا يملك قراره!!! ههههه
والناس كلها بتتباهه بعمل الحلويات وانا بحاول ابقى زيهم عشان محدش يتريق هههه
وعشان المناسبات لكن بجد مليش فيها بس فعلا بطر اكلها كتير اليومين دول عشان التجارب بتاعتى

سمسمه
بس ايه سر التغير المفاجى ده فى المطبخ عايزة اعرف السر
ام عمر وميمسى
الملوخيه على طريقه عروس ربنا يسعدها يا رب
بخرطها عادى واحطها اكياس بالكميه الطلوبه وعليهم شويه شوربه يادوب يلمو الملوخيه فى بعضها وان شاء الله تبقى حلوة معاكم

عروس
الرابط الاول جميل جدا
ويا ريت كل واحد فينا ينظر لنفسه ويعرف لبسه مناسب لدينه ولا لا
بس كان نفسى اطبعه فى ورقه واعلقه فى الشارع مش فى المنتدى هههه لان معظمنا والحمد لله ملتزم
والاسلام لم يفرض علينا زى موحد
اهم حاجه ان اى واحده تكون ماشيه فى الشارع ولو لو حدها تبقى حاسه انها مرتاحه مش عماله تشد فى جيب ولا بلوزة ولا مخنوقه من ضيق الملابس
وان لو رجل حتى ولو كان مش محترم بصلها هينكسف يطول فى النظر من احترام الانسانه فى لبسها ومشيتها ونظرتها
الخلاصه يعنى اللبس الاسلامى اللى كلنا عارفين وصفه
وليه امثله كتير وكل واحده تلبس اللى يناسبها وتحترم نفسها بيه
والرابط التانى يكمل الرابط الاول
وجميل جدا يا قمر
ربنا يبارك فيكى وفى اسرتك

يومياتى عشان خاطرك يا ميمسى هههه
عملت مكرونه بالصلصه وزودت عليها صويا صوص ادتها لون وطعم مختلف
وجربت الهمبورجر هو طلع مش طعم الهمبرجر بس اطعم بجد
تسلمى يا عروس
وعملت صلطه خضرا بالمايونيز ما هى سها مش هنا بقى
وكانت لايقه مع الاكل وحلوة وعملت بطاطس كروكيت بس معجبتنيش بصراحه
معرفش من الطريقه ولا انا مش بحبها اصلا
هى البطاطس بتبقى هشه كده ولا جامده

استخدمت حله الضغط اخيييرا يا عروس
وعملت فيها فول بطريقه شيماء ربنا يصبحها بالخير
قلت عشان مزعلش لو باظ ههههه
والحمد لله طلع جميل
البيت بقى كسل شويه

لميا تسلم ايدك على طريقه حفظ الخضراوات
بس بجد طعمها بيقى حلو ولا بيتغير شويه؟؟

صباح الخير يا بنات
مادو ولميا وعروس وماما زوزو وميمسى وهايا وامانى وعطر ونيرفانا وسمسمة
اخباركم ايه
تسلم ايديكى يا لميا
مادو جزاك الله خيرا على المعلومات الجميلة والمفيدة
ياريت تقوليلى مقادير الهمبرجر

صباحكو عسل ان شاء الله ....
مادو وروني ازيكو وكلكوا عاملين ايه ...معلش ما دخلتش اليومين اللي فاتوا مشغوله في امتحانات الميد تيرم بتاعت الولاد ...
المهم طالما ان كله بيدخل ويدي تمام على اللي عمله فانا حقول اللي عملته امبارح بدون اي ضغط او اجبار ... ترويق للشقه ... وعملت الجرانيت بتاع طاولات المطبخ نقعتهم بالخل ودعكتهم بالسلك وبقم بيبرقو ...
عملت كبده بقطعها تر****ت وبعدين بالطول لغاية لما يبقى شكلها عامل زي عيدان الكبريت بس اتخن شويه واجيب بصلايتين كبار اقطعهم مكعبات صغيره وفي طاسة تيفال احطهم مع شوية زبده وزيت ذره لغاية ما يصفروا ويبتدوا يتحمروا اقوم شايلاهم في طبق وجايبه الكبده حطاها مكانهم ومزوده زبده شويه وكمان شوية زيت زتون وافضل اقلب فيها على نار فوق المتوسطه واحط نص البهارات بتاعتي من فلفل ابيض لاسود لبهار لحب هان مطحون ذرة جوزة الطيب مطحونه لومي مطحون حبه صغننه ولما تنشف ميتها ويفضل حبه صغيرين واحس انها استوت اقوم ضايفه البصل اللي عملته واقلب واحط باقي البهارات والملح ... وعملت جنبيها فرنش فرايز ... وبصله متقطعه بالليمون والملح وسلطة مايونيز مع طحينه مع زبادي وتبلتهم بالملح واليمون طبعا ورشة بابريكا خفيفه للتزيين....وكمان زيتون اخضر جنبيه انا اللي مخللاه عليه لمون وفلفل احمر مفروم .. وبس
النهارده الست اللي بتروقلي الشقه حتجيني وبتجيلي كمان التلات والخميس ... هكمل النهارده موضوع ترتيب الدولايب وحكاية الشتوي ... وحعمل النهارده كفته وجنبيها شويه حبشتكنات والكفته النص كيلو بضيفلها 2 م ك كاتشاب و 3 م ك زبادي بس تبقى فاتحاه ومصفيه الميه اللي فيه وفلفل ابيض واسود وحب هان وبهار وشوية كمون وذرة جوزة الطيب واخلطها واعملها كور واحطها زي ما هيا في صنيه تيفال بدون لا زيت ولا اي حاجه مع شوية مايه وورق غار على نار هاديه ولما تنشف الميه ويفضل حبه صغيرين بقفل النار وعند الاكل احمرهم تحت الشوايه ... على فكره انا الكفته بفرزنها جاهزه بمعنى اني موش بجيبها لحمه مفرومه ساده لأ ... بيبقى متضاف عليها ومفروم معاها البقدونس والبصل والتوم ضرس كبير كده ورشة ملح ... الاريح ليكي انك تغسيلي شوية بقدونس واتقشري كام بصلايه وفص توم وتديهم للجزار يفرمهم مع اللحمه ...
مع اجمل تحياتي ليكم كووووووووووووووووووولكم