ســــجى الليل :

السلام عليكم ... ازيكم اولا لميا علشان ما قدرش على زعلها ... ميمسي ميرسي يا حبيبتي ...دا انتي الل باين عليكي ست بيت ومهندسة اكل درجه اولى ... عروس ما شاء الله عليكي القصص اللي بتقوليهالنا حلوه جدا انا جسمي كله اتنفض وانا بقرأها كمليلنا لو ما فيش تعب عليكي وبالنسبه لحفظ القرآن انا الفكره دي بتيجي على بالي دايما بس اطبقها وارجع اتشغل في الحياة اليوميه ربنا يغفر لنا ويهدينا ... وعلى طول ضميري بيأنبني ويفضل صوت الايه الكريمه "اللهكم التكاثر حتى زرتم المقابر ..." يتردد في ودني ... واقول لنفسي عملتي ايه لربنا شاغله يومك في اولادك وبيتك وربنا خلقك علشان تعبديه ... الواحد بجد محتاج يعمل اكثر واكثر ارضاءا لله وحبا في الله ... يومياتي النهارده كانت فاشله الى حد ما نظرا لأني ما نمتش امبارح سوى ساعتين تقريبا فصاحيه موش داريانه بروحي ولا مركزه في حاجه ... والسبب كان سجى هانم بنتي الصغيره ... المهم عملت افطار الصبح طبعا وكان عباره عن طعميه جاهزه ومتبل حمص جاهز بردك وفول انا بعمله الدقه بتاعته اللي هيا توم وملح وفلفل اخضر بدقوهم واضيف لمون واحط جزء منهم على الفول وهوا سخن وأقلبه واخلطه معاه واهرس الفول شويه بالمعلقه وانزل الفول في الطبق وبعدين احط شوية بقدونس مفروم وزيت زيتون على الدقه اللي عملتها واقلبها بالمعلقه كويس علشان تتخلط ووتجانس ولو سيبتيها شويه يبقى اطعم واحطها على وش الفول ... بيبقى الطعم حلو اوي ... بعدين جنب ده بجيب خس وجرجير وشبت وبقدونس مغسولين وسبق نقعهم في ميه وشوية خل ابيض اقطعهم على كبير واحطهم في طبق واقطع طماطم (الطماطمايه اقطعها اربعه او اتنين بالطول وبعدين كل ربع اقطعه بالعرض) شرايح كبيره بردك وخيار شرحوه وفجل وفلفل رومي وجبنه بيضا مكعبات الخبطهم ولو تحبي ممكن تحطي من الدقه عليهم شويه ... بيبقى طبق جانبي مفيد جدا ... عملت الغدا بسله فروزن بدون لحمه على شوربة لحمه مفرزناها بردك وجنبيها كفته كور ورز حبه وحبه وعلى الوش لوز محمر وطبق سلطه خضرا من نفس مكونات طبق الخضار بتاع الفطار اصلي بعمل الطبق ده بكميه كبيره بدون الطماطم واقسمه جزء للفطار وجزء للغدا وعند الاستعمال بضيف الطماطم والملح المون وطبعا تشطيب المطبخ ده اساسي وقسمت على الولاد كل واحد يروق اوضته ويشتركوا في الليفنج وبالليل نزلنا اشترينا شوية حاجات من السوبر ماركت للبيت ورجعت وبس

السلام عليكم ... ازيكم اولا لميا علشان ما قدرش على زعلها ... ميمسي ميرسي يا حبيبتي ...دا انتي...