لميا

ما شاء الله يا جميل على سرعه التنفيذ عايزين الصور كمان

عطر
خلاص يا عطر حقك عليا متعمليش رز حبه وحبه ده طلع ليه اعداء كتييير
هايا انا ليا ميول صعيدى لكن للاسف مفيش عرق صعيدى خالص
ميمسى
تصدقى انا ماما لوكسلت وعملت رز ابيض بدل الحبه وحبه ممكن منكلش
بس بصراحه الرز الابيض صحيا احسن
والله يا عطر انت الجو عندك ملائم جدا للرجيم رز ابيض وسمك3 ايام فى الاسبوع مثلا
ناقصك بس تنامى بدرى عشان متجعيش بالليل لان السهر فعلا بيجوع وبيحتاج طاقه
انا جوزى مش بياكل سمك خالص
انبارح مكنش موجود عملت لنفسى وليمه بحريه
ههههههههه
عملت سمك وسبيط بانيه ورز بالبصل والصويا صوص
وشوربه سى فود بيضا بطريقه رانيا ربنا يبارك لها كانت تحفه تحفه تحفه
وجمبرى مسلوق
وهصت باه لوحدى ههههه

رانيا وميمسى متزهقوش منى
بالنسبه للحمامات بجد اخر سؤال بتغسلوها يوميا بايه ؟؟مش المنظف
بتطلعو سفنجه يوميا ليه ولا ايه؟؟؟ عشان افهم بس
رونى
صباح الخير يا قمر

مادو شكرا يا قمر بس فعلا حلو والعيال حبوه

انتى فين الاصل من الصعيد يلا يمكن نكون قرايب

ازيكوا يا ستات عاملين إيه
ما شاء الله انا شايفة أنواع الهمة والنشاط
نفسي أتعدي منكم وابقى زيكم
لكن انا قعدت مع نفسي وحاولت أعمل جدول لنفسي ألتزم بيه علشان حياتي تبقى منظمة واعرف اشوف شغل البيت اللي مبيخلصش أبدا
لقيت الموضوع مش نافع
لأني باقضي كل يوم في الشغل 9 ساعات
ونص ساعة رايح الصبح ونص ساعة راجع بعد الضهر آدي 10 ساعات
وكمان 8 ساعات نوم (إلا النوم معرفش آجي عليه أبدا ولا أنقص منه ولا دقيقة وإلا اليوم يبقى كحلي)
كده بقوا 18 ساعة
يعني اليوم فاضل فيه 6 ساعات
منهم وقوف في المطبخ لتحضير الغدا (ده لوحده بياخد وقت قد كده)
للأسف الشديد مش عارفة يبقى كده فاضل كام ساعة بالتحديد
هالحق أقعد مع جوزي امتى ولا أنضف الحمام والمطبخ ولا أروق الشقة ولا أعمل إيه بالظبط
وانا بصراحة بادي الأولوية لجوزي
ما اقدرش اسيبه يقعد لوحده كل يوم وانا مشغولة في التنضيف
بس طبعا مش دايما باقدر أعمل كده
والويك اند مش دايما باقضيه في التنضيف وتجهيز أكل الأسبوع والكلام ده
لأن احنا الاتنين مشغولين طول الأسبوع وعندنا أهل لازم نزورهم في الأجازة ولا إيه
انا حاسة اني مربوطة في ساقية
لو فيه حد منكم بيشتغل يا ريت يقولي بيعمل إيه بالظبط علشان اليوم يبقى صح

صباح الخير ازيكم كلكم بدون اسماء عشان الزهايمر موجود بس عايزه اقول لمادو متزعليش الرز حبه وحبه ده جميل وماما بتعمله كتير وانا بحبه اوي وهعمله النهارده وكمان انتي سالتيني ايه سبب التغير ده بصراحه المنتدي ده فرق معايا كتير وخصوصا تجمعكم حاولت اغير منكم واتعلم سؤال كمان عايزه طريقه لبسبوسه حلوة لاني عمري مانجحت في عمايلها وكمان فيه حد هنا من المنصوره يابنات

السلام عليكم ورحمة الله وبركاته
مادو انا فعلا حافظه النبأ لكن قلت يبقى مراجعه ليه للجزء التلاتين وفعلا كنت ناويه احفظ جديد خلاص
احفظ معاكى كمان وبعدين حرام عليكى حلويات دمياط لوحدك قلنا ماشى طيب اعزمى عليا بوليمة
المأكولات البحريه أنا كمان جوزى كان من أعداء السمك لكن الحمد لله بقى مدمن حاليا فخليكى
حمشه ولازم تعودى جوزك على السمك بالنسبه لتنظيف الحمام لازم يوميا عشان نقتل البكتيريا
وعامله له اسفنجه مخصوص وحطاها تحت الحوض فى مكان خفى
رانيا شوفتى وجودك كله خير ازاى وانا كمان فكرة التسميع حا تكون معايا صعبه لكن حا احاول

كوكى حمد الله على سلامتك كنتى غايبه عننا فين
رونى وهايا ولميا صباح الفل
سها انتى لو نظمتى وقتك حا يكون كل شىء سهل انتى فعلا لو خصصتى كل يوم للبيت عشر دقائق
للترتيب حا يبقى بيتك منظم على طول وممكن تعملى اكل ليومين واليوم ال ما فيش فيه اكل
تعملى شغله عميقه فى البيت غسل حمام مسح ارضيه والويك اند لازم فعلا يحترم
لنا كلنا لازم يكون كسر للروتين عشان نقدر نبدأ اسبوع جديد بنفسيه جديده
بالنسبه للمطبخ لو كل يوم مريتى عليه بالبخاخ فيرى وماء وملح ليمون مش حا يكون فى دهون نهائى
وحا ياخد منك دقيقتين غسل الاطباق اول باول فبيتك حا يكون دايما منظم ومرتب وطبيعى حا ينطبع
على نفسيتك لان النظام بيكون مريح للاعصاب جربى وطمنينا
يومياتى ترتيب غرف النوم ووضع الفرش فى الشمس وكنسها
وعملت تنظيف عميق للصالهتنظيف سجاد ومسح ارضيه وجدران بالبخاخ
وعملت غدا مكرونه وبطاطس محمره ولحمه شوحتها مع توم وقرنفل وحبهان التوم يصفر بس ووضعت عليها ثلاث
اكواب ماء وسويتها فى حلة الضغط وبعد السوا حاولى يكون لها صوص ووضعت عليها ملح وفلفل والبطاطس المحمره
بتشرب الصوص وبيكون طعمها مختلف وباقى لى المطبخ قلت آخد هدنه معاكو واقوم اكمل
مبسوط منى يا مادو حكيت قصة حياتى كلها
مادو ما قلتليش رايك ايه فى الرابط بتاع الريجيم انا جوزى عجبه لكن نفسيته تعبت جدا من ثلاثين جرام من اللحوم
قالى استحاله انفذها سلام ورجعه لكو