و بمناسبه كلام عروس عن وجود وقت لنفسنا

انا حاسه اننا مش بنهتم بانوثتنا خالص يا بنات

يعني مديين البيت و المطبخ اهتمام رهيييب

انما انوثتنا وجمالنا فلا تعليق

و بجد حاسه اننا شويه شويه هنتحول للنموذج المصري من الستات القديمه

يعني يا بنات امتى اخر مره اشترينا فيها حاجه مشخلعه للبيت؟؟
امتى اخر مره حطينا مكياج لاجوازنا؟؟
امتى اخر مره عملنا حمام كريم للشعر؟؟
امتى اخر مره عملنا صنفره للبشره و الجسم؟؟
امتى اخر مره مهبناش في اجوازنا انا تعباااااااااااااانه؟؟

بجد يا بنات عايزين نشجع بعض على الاهتمام بانوثتنا لان كدا بجد ميرضيش ربنا خاااااااالص

و احنا طبعا الحمد لله دايما متجمعين على ما يرضي ربنا

يبقى الموضوع ده عايزين فيه خطوات فعليه و سريعه

بجد ساعات كتير بحس بالذنب لما جوزي يعد يفتكرني ايام الخطوبه و ايام جوازنا الاولى

يلا عايزه كلام عن الموضوع ده فوراااااااا

بحيث اننا على الاقل يومين في الاسبوع نظبط نفسنا شويه و نعمل اعاده ترميم

عطر ايوه يابنتى كده ادخلى تعليقاتك بتدى جو جميل
اضم صوتى لصوتك فعلا مش عايزين مع الوقت نتقمص الدور ونعيش امهات فقط
عايزين نهتم بانوثتنا شويه لان فعلا فى ناس بيكون سنها صغير لكن تعطيها
ضعف عمرها بصراحه لازم دلع وروشنه عشان نفسنا وعشان قطار العمر
ما يمرش بينا واهنا ناسيين نفسنا واوصيكم واوصى نفسى
لازم اى حاجه لمزاجك مهما كانت بسيطه نعملها لانها بتخلى عندنا قدره على الاستمراريه
بهدوء اعصاب عطر انتى من عشاق القهوه زيى والله نفسى امشى على الكورنيش
ويكون فى مطر كل ما تعملى كده افتكرينى
حبيبه ما نقدرش ننساكى لكن فعلا بكون عايزه اكتب للكل لكن الزهايمر
هو فى حاجه غلط فى نظامنا يعنى السوريات ما شاء الله البيت منظم جدا
مع اطفال كتير وشغل قليل وروقان وتجمع مع الجارات صباحا لشرب القهوه
نفسى نكون كده نظام وروقان فى المزاج
شوفى ياعطر انا بعمل حمام زيت مرتين فى الاسبوع ومعاهم خلطه للبشره
بحيث تكون لحوسه من كله والخلطه انا قلت لكم عنها بس نصيحه جربوها ممتازه
دقيق وحليب بودره وعسل وماء ورد روعه للبشره ربع ساعه وتشطف بماء بارد
باقى البنات منتظرين افكار لروقان المزاج مهما كان بسيط وافكار للانوثه
مادو طمنينا عليكى

عطر قولى لى التقليه عملتيها بتوم ولا بصل لان شكلها حا تطلع حلوه
عطر بجد عايزين موضوع الاهتمام بالانوثه ده تتعهديه انتى عشان كلنا نتحرك
وندخل الموضوع ده ضمن اولوياتنا لان فعلا لما بدخل على منتديات الجمال بحس
ان انا بعيد قوى

عروس حبيبتي

يا حرام صعبتي عليا و انت الكورنيش واحشك كدا
بس وعد كل ما هعمل الحركه الروشه دي هفتكرك و ادعيلك كمان
بس انت كمان متنسينيش عندك عشان انت عارفه هبيييض و اسافر


و بالنسبه لموضوعات الجمال فانا بصراحه كنت متخصصه تجميل قبل الجواز
لدرجه كنت مشرفه قسم العنايه بالبشره في منتدى عروس
و لو رحتوا هناك هتلاقوا مئات الموضوعات ليا هناك
والله كنت بعمل كريم و ببيعه لاصحابي و قرايبي
كان تحفهههههههه و عبقري
و الى الان كل اللي جربوه يقولوا لي فين ايام الروقان و الدلع
ولا وشي كان زمان تحفه صافي و بيلمع دايما
اصلي كنت كل يوم خلطه شكل
و كذلك شعري كان تقيييل و بيلمع
دلوقتي يا دوب شعرتين

ولا المكياج كنت استاذه و بعمل كل اللوك الجديد في الماكياج

قوول للزمان ارجع يا جميل و اروح معاك على شط النيل

نفسي ارجع لنفسي

زهقت من دور الام و ست البيت

نفسي ارجع دلوعه على راي جوزي

بقى بيقوللي حاسس اني نايم جنب واحد صاحبي ههههههههههههه


بجد يلا تشجيييييع بس مش عارفه ابدا منين ؟؟؟

عايزين كل شهر نشتري حاجه مشخلعه جديده مهما كانت رخيصه بس لازم نجدد

عايزين نصبغ شعرنا لون حيوي و لامع بيغير اوييييييي

عايزين كريمات ترطيب يوميااااااا صبح و ليل عشان البشره تفوووووق

عايزين لوشن للجسم بعد الحمام


ايه رايك يا عروس نعمل موضوع مختلف ولا زي ما احنا هنا

و تبقى يوميات مشتركه

جزء لربنا
و جزء لولادنا
و جزء لمعدتنا ههههههه
و جزء لاجوازنا .....

والله المراه العربيه دي سوووووووووووووبر وومان


عايزين استفتاء و قولولي رايكم و انا هبدا ابحث تاني في اقسام التجميل



المهم يا عروس التقليه بقى .....

بالتوم

يعني شبه الملوخيه بالظبط و كمان كزبره ناشفه


بس والله قلبت التورلي

و جوزي لسه متغدي من شويه و قاللي دا اشد من بتاع ماما

و طبعا الكلمه دي بتسعدنيييييييييييييي جداااااااااااااااا


يعني بعمل التورلي عادي و احط له صلصته و توم و توابل و كل حاجه طبيعي

و بس قبل الفرن اعملله التقليه

حقيقي وااااااااااااااااااااااو

عطر حرام عليكى كل الامكانيات دى ماشاء الله فى التجميل وسيبانا
يالا قولى للزمان ارجع يا زمان دلعى نفسك ودلعينا انا قلبى كان حاسس
بقول لك تولى انتى موضوع الجمال ده بصى انا رايى ان موضوعنا قاعدة
ستات يعنى بنتكلم فى كله وكلنا بنكمل بعض وكل واحده متميزه فى حاجه
تبقى يومياتنا من كله لان الست المتميزه بتكون ناجحه فى كله
وشوفى برده راى البنات حابينه موضوع مستقل ولا تبع يومياتنا