السلام عليكم

مساء الانوار
ازيكم يا بنات ومرحبا بالبنات الجداد

ميرو
يا الف اهلا وسهلا
تستاهلى ترحيب جامد بعد المقدمه الملخصه دى
كان نفسى احساسى فعلا وانا داخله التجمع بجد الكلمه الحلوة ليها تاثير خرافى
بس يا مين يبلغ المسؤليين ههههههه يالله كله على الله
وواضح ان دمك زى السكر يا رب تفضلى معانا

فطوووووم
ربنا يقويكى يا جميل وفعلا لما تسيبى الدهون مبلوله فترة بيبقى احسن كتير
الرابط بتاع العيش
http://www.lakii.com/vb/showthread.php?t=482539
امبارح عملته مثلثات وقلوب وعملت عصفوره بيه كمان بس مكنتش محشيه طبعا

سما

يااااااااااه
ايه الغيبه الطيله دى متغيبيشى علينا تانى كده

نيرفانا
ازي ابنك دلوقت
انا بعت لك عنوان المركز على الخاص على فكرة

ايناس
ازيك يا جميل عندى ليكى سؤال عشان عارفه انك بتحبى اسالتى هههه
هو ينفع نعلى الكيكه الاول وبعدين نهدى زى ما قلتى فى الكيكات العاديه ؟؟
اصلى فرنى مجننى
ولسه بادئه اظبط الكيك تفتكرى ابدا بايه او اسهل طريقه لتجميل الكيكات كمان بالمرة
تقلت عليكى معلش عندى ملفات تورتات كتير ومحتاره ابدا بايه
ميمسى
ازيك يا جميل
انا عملت الفكرة دى انبارح جربيها يمكن تعجب ابنك
http://forum.hawaaworld.com/showthread.php?t=1456665
بس لازم الورقه تكون اكبر من الكرتونه وانا عملتها من غير رفوف وخليتها بيت لدبدوب صغير
حاجه تشغل وقتهم ساعتين ولو ان الالعاب الحركيه افضل بكتير وبتخليهم ينامو
السهر عندى وصل اليومين دول لسبعه الصبح
حاجه تجنن بجد
سلامى لكل البنات

على ما رديت كنتو كتبتو صفحه بحالها
عايزة اكمل كلامى الاول ههههههههههه

عروس
يا عينى على الاعدات الاسطنبولى
بجد انا سرحت معاكى وانت بتوصفى الرواقه كده
بالنسبه لي
انا لازم اصحى بدرى والناس نيام اصلى الضحى واعلق على الاكل
واعمل لى فطار مع شاى على صينيه مع بعض
وافتح الكمبيوتر اقعد معاكم شويه
ولو ده محصلش بيبقى يوم زى بعضه ومزاجى بيبقى فظيع
ولو كان الغدا سهل والقعده هطول ممكن اجيب طبق فى ميه دافيه شويه ملح وزيت زيتون واى اعشاب واقعد مع نفسى شويه واحط رجلى فيها
وبيبقى نفسى اعمل ماسك ولا حاجه بس بخاف حد يصحى قبل ما اقعد الشويه دول
واقلب اليوم عليهم هههههه
عطر
احرجتينى باسالتك كلها ههههههههه
بجد نفسى تتكلمو فى الموضوع ده كتيير عشان انا عايزة اتحط على جنب
انا خليت الشقه والمطبخ والحمام والتلاجه ما شاء الله
وعايزة ارمى نفسى بره هههه
ويا ريت تتكلمو ان الاهتمام بالنفس برده لنفسنا قبل ازواجنا
ولو ان كلامك صح دينيا كمان
بس عشان ميجليش احباط ههههه

انا معاكو يا قمرات لان انا كمان لما جاوبيت على الاسئله حسيت باحرااااااااااااج زيك بالظبط يا مادو

بساهم حاجه نبدا امتى عشان نرد على بعض

محسش اني بهوهو

و قولولي مثلا اهمحاجه نبدا بيها ايه ؟؟؟؟؟

يعين شايفيييين نعمل كورس لمده شهر مثلا و بعدين نجيب هدوم من اللي بالي بالكوا

ونعمل كلنا مفاجاه عالعيد

ولا تحبوا ايه؟؟؟

بجد يا بنات ايام ما كنت مشرفه في عروس

قبل ما ابدا اخدت استفتاء من البنات الاول

ايه اهم حاجه عايزين نبدا فيها


بحيث ميبقاش مجرد كلام في الهوا

و انما نعمل متابعه في كل نقطه

لحد ما تكمل و بعدين نشتغل عاللي بعدها

هاااااا ردوا عليا بقى

ماما زوزو

يا ريت تدينا خلاصه تجاربك في الموضوع التجمل للنفس و للزوج

و ازاي نوازن بينه و بين شغل البيت و العيال


مستنيه ردك ضروووووووووري