عطر
مش بقول لك من زمان انك دلوعه القعده
مشرفه وخبره ومخبيه عليا دا انا ههريكى اساله ههههه
ابدائى هنا او موضوع خاص
ابدئى بالبشره بالشعر بالرجيم باللبس كله عايز تعديلات

انا من ايدك دى لايدك دى قولى وانا هنفذ
بس عايزاكم تغيرو فكرتى الاول لانى بحس ان الحاجات دى تاثيرها وقتى
ساعه ولا اتنين ويرجع كله لحاله مع العلم ان عمرى ما داومت على حاجه

عطر
نرجع للتورلى
انتى بتعمليه بتقليه بصل فى الاول ولا بتسلقى الخضار وخلاص
انا فهمى فى المطبخ على اده

واهم حاجه فى موضوع العنايه بنفسنا ده ان كل واحده تقول الوقت اللى ممكن نهتم بنفسنا فيه
يمكن يكون فى وقت يتعمل فى حاجتين مش عارفه فهمتونى ولا لا

حبيبه
انا من راى عطر التوشيبا احسن حاجه
واحسن حاجه تختصرى بيها الوقت انك تعملى اكتر من حاجه فى وقت واحد
الاكل كله مع بعضه لقيتها بتفرق كتير بس عايزة خبرة وانا مع الوقت الحمد لله بعمل اسرع من الاول
ممكن قبل غسل اطباق الغدا مثلا تمسحى ادواليب المطبخ او الحيطه اللى جنب البوتاجاز عل خفيف واول ما تخلصى هاتى قطعه مبلوله وامسحى بيها كله من الصابون مثلا ولا انت قصدك ايه؟

نرجع للتورلي يا ست مادو.....


بصي يا ستي انا كل شهر بقيت بعمل زي ايمان كميه صلصه

مسبكه و احطها في الفريزر في اكياس على اد كل طبخه

يعني بصفر البصله و احط توم و بعدين الطماطم المعصوره

و بعدين الصلصه

و اسبكها عاديييييييي

و بعد ما ميتها تنشف اطفي عليها و اسيبها تبرد

و بعدين اعبيها في اكياس على اد الطبخه

تمام

لما باجي اطبخ بقى

اطلع كيس الصلصه و احطه في الحله

و اغلي ميه في البويلر و احطها على الصلصه

و بعدين عالبوتاجاز

احط التوابل اللي هي شويه فلفل و ملح و رشه زعتر و رشه سكر و شويه بهارات و فصين مستكه

و اخليها تاخد غلوه

بعد كدا احطلها اي نوع خضار

او تورلي زي النهارده

و معاهم فلفل رومي تر****ت

و بس اديهم غلوتين تلاته على نار عاليه

و اطفي

و بالنسبه للتورلي حطيت التقليه اول ما طفيت

و تقليبه خفيفه

و قلبته في البرام و دخلته الفرن

و بس كنت حاطه جواه فراخ متشوحه

و تسيبيه بقى لحد ما يتسبك و يشرب ميته

لان جوزي ميطيقش اي ميه في الخضار



بالنسبه بقى لموضوعنا

اي حاجه محتاجه انك تداومي عليها عشان تديكي نتيجه مستمره

يعني لازم لازم طالما احنا قربنا على التلاتين يبقى لازم ترطيب يومي

صباحا و مساءا

و ياريت قبل الكريم تمسحي وشك بماء ورد او بتونيك

و طبعا اوعي تغسلي وشك بصابونه

لازم سائل متخصص


طبعا الحاجات دي هوصفها بالتفصيل الممل بس بعد ما ترسوني على بر

هنا ولا موضوع جديد

ولا و اني من راي عروس انها قعده ستات من كله

و ايه رايكم اعلن عن الكريم العبقري بتاعي و اهو يبقى اوفر للي مش عايزيصرف في الكريمات

و بعدين يا بنات انا في حاجه رعباني

الا وهو الدخول على التلاتين

انا هكملهم في مارس ان شاء الله

بس مرعوبه و خايفه اوي ابدا اخنشر ههههههههههه

عشان كدا عايزه ابدا اظبط نفسي عشان ميبانش عليا

طبعا شئ اساسي اننا نقرر قبل اي حاجه نعمل رياضه

و دي حاجه مش عايزه فيها تهاون

لانها سر الجمال و النضاره

الاهم من الرياضه يا بنات السلاطه و الفاكهه

كل ده بيساهم في النضاره و الاحساس بالجمال


ها بقى لو حد عدى التلاتين يقوللي احساسه


عارفين انا كمان خايفه شعري يبيض بجد احساس مخيف

متسيبونيش اهوهو بقى

احسن دانا حاسه الروح بدات تدب فيا من ساعه ما بديت اتكلم في الجمال

و انا كان اسمي في عروس ايام الاشراف جمال الحب

يعني قمه الدلع و الروقان

يلاااااااااااااااااا سنه الحياه

ايه الجمال دا ...ايوه كده عايزين حيوية ونشاط.....عطر ايوه عايزين موضوع الكورس الله يكرمك يا شيخة"مش انت لوحدك اللى جوزك بيقوللك انك بتفكريه بواحد صاحبه"
مادو....اسالى براحتك يا قمر انا تحت امرك....بصى يا ستىبالنسبة لاى كيكة بشكل عام فلها درجة حرارة محددة اللى هى 180 بس الموضوع ممكن يختلف باختلاف الوصفة
يعنى الوصفة اللى قولتها المرة دى مش كيك بامعنى اللى احنا نعرفه لانها بعد ما تستوى بتبقى فى الشكل والطعم قريبة للباتيه
الاساس فيها علو الحرارة فى البداية علشن البيض ينفش اوى ويعمل طبقة ناشفة من برة وبعدين نهدى علشان تستوى من جوه
بس الكلام ده مش يمشى مع اغلب انواع الكيك علشان ممكن يتحرق ويشيط من تحت
قوليلى ايه المشكلة فى فرنك واحنا نحاول نعالجها
اسهل الطرق للتزيين....السكر البودرة....اعملىشرايط من ورق الزبدة وحطيها فوق الكيكة بشكل متقاطع....رشى السكر البودرة
من مصفاه سللك على مسافة بعيدة شوية عن الكيكية"معلش مطبخك حتبهدل شوية"
شيلى ورق الزبدة بلراحة حتطلع عنك مربعات انيقة
الشوكولاتة السايحة...ممكن تصب فوق الكيك وتترك اتنزلق من الجناب فى شكل عشوائى جميل....وممكن تحطى فى المنتصف كريز او فراولة مغموسة فى الشوكولاتة
الكاكاو البودرة ....ممكن انه يغطى العيوب اللى فى وجه كيكة الشوكولاتة لو اشققت.....يرش على وجه الكيكة من المصفاه
دولاللى اا فاكراهم دلوقتى لو افتكرت حاجة تانية حبقى اقوللك
بالنسبةللرجيم ....اختكو فيه فارة تجارب...اىنصيحة انا فى الخدمة
انا الايام دى باعمل ريجيم صحى وكويس ومشبع الى حد ما..."حلوة الى حد ما دى"
لو جاب معايا نتيجة حاقولكم عليه علشان كلنا نبقى رشيقات على العيد
ادعولى لحسن حفلة ابنى فى المدرسة يوم الخميس وكل الناس هناك بيدققوا فىالشكل ...يارب اخسلى كيلو كده والا اتنين