السلام عليكن

سلامى للجميع
اخيرا عملت الشقة كلها
ولاول مرة من ساعة جوازى اغير اماكن العفش
بس شكل الشقة يفرح فوى

بالنسبه لاكل عملت مكرونه بالحمد المفرومه فى الفرن

وعملت حواوشى

وكمان جربت اعمل فطير مشلتت وطلع حلو قوى
وخليت واحدة قولت اجرب احط فيها لحمه مفرومهوفعلا عملتها وحطيطتها فى الصنيه من غير ما اغطيها لما استوت من تحت روح قالبها كملت سوا
بسطلعت احلى من الحواوشى اللى فى البلدى

نرفانا

جزاكى الله خيرا على نصيحتك

بس اقسم بالله انا مش عارفه افرفش خالص

ومش عارفة ليه

هو ممكن اكتئب وابقى مش عارفه انه دة اكتئاب

مظنش دة احنا بتوع الاتوبيس
اصلى اخصائيه اجتماعيه ويعنى افهم شويه فى الحورات دى

http://forum.hawaaworld.com/showthread.php?t=1431893

دة رابط الفطير اصلى اول مرة اعمله
وفرحانه فوى انى فلحت

صباااح الخير

ازيكم يا قمرات

رانيا

جميلة الوصفة انا شفتها في لك


نيرفانا

ربنا يخليك يا قمر ويشفي ابنك يارب

هايا

جربي بالليمون او بالاسيتون مع فرشاة

فطووم

مبروك انك خلصتى الشقة

انا كمان عملت فطير من مدة عملته على الفطار كنت صاحية 6 الصبح وقلت اعملهم اختراع على الفطار عملت سادة ومحشي جبنة رومي
بس المحشي طلع احلى والسادة نشف شوية

انا عملته من الموضوع دة
http://www.lakii.com/vb/showthread.php?t=448876

بس عجنت كل فطيرة لوحدها زي زيتونة

اه انا كمان نشف شويه بس انا فلت لانى خليته رقيق شويه

صباح الخير ...بجد بتوحشنى القعدة دى أوى
ازيكم كلكم نفسى آجى من فترة وأسلم عليكم نفراية نفراية بس كانت عندى ظروف وعدت الحمد لله
عروس ومادو وعطر ونرفانا وميمسى ورونى وروشانا وشيماء وكله كله عشان ما انساش حد يا رب تكونوا بخير
بصراحة ما قريتش كل اللى فات مقتطفات من هذا وذاك.............
شايفة ما شاء الله صحوة أنثوية ف وقتها وكمان تخطيط للعشر الأوائل من ذى الحجة وحاجات جميلة جدا عن التحفيظ
أختنا رانيا سبانش ربنا يبارك لك على مواقع التحفيظ وخصوصا فلاش قرآن..المصحف زى مصحف غالى جدا عليا وقطعهولى ابنى الله يكرمه ويهديه لما كان صغير اتبسطت بيه أوى ..فكرته جميلة وربنا يبارك للى عمله
عروس مش عارفة أقولك ايه والله على اللنكات اللى بتحطيها بس بادعى لك دايما ربنا يجعل ثواب العمل باللى فيها فى ميزان حسناتك
فيه لنك عن الأسرة المتميزة لعضوة ما شاء الله عليها "دلوعة &حبوبة" مواضيعها كلبها بلا استثناء منجم فى تربية الاولاد تربية دينية راقية ومتحضرة وأفكار روعة لحث أولادك على التفكير وتنظيم أوقاتهم وحاجات كتير مش هاقدر اتكلم عنها كلها دورا على مواضيعها يا بنات لانها فعلا متميزة جدا ...ربما يسعدك انتى وهى ويبارك لكم ف صحتكم وأولادكم ويقر عينكم بيهم....
وبمناسبة الأولاد..عملت مع ابنى جلسة صراحة ..باعملها معاه دايما من أول ما بدأ يعرف يقول جمل مفهومة
دايما أسأله فيها لو فيه حاجة مضايقاه منى أو ايه عملته بيضايقه وأنا كمان أقوله على اى حاجة ضايقتنى منه - بس دايما أبتدى بنفسى عشان أشجعه...مشكلتى معاه انه من النوع اللى بيكتم ف نفسه وما يصرحش دايما باللى جواه ورغم كونى ممته بس والله كتير جدا مش بافهم هو بيفكر ف ايه أو عايز ايه فعلا فبقيت بأتحايل كده كل شوية وأدور على طرق افتح بيها حوار معاه