وزى ما بنقول اللى مضايقا لبعض بابتدى أنا واقوله على اللى بسطنى منه ..حتى لو مفيش حاجة مميزة اوى باشجعه برضه ف اى اتجاه علشان ما يفتكرش بس من القعدة دى الحاجات الوحشة بس
الام الصغنتوتة خالص اللى هنا اللى هى فطوم بصفتك أخصائية اجتماعية ممكن لو سمحتى يا مث تقولى لنا شوية نصايح للتعامل مع العيال دى؟:(
وده يوصلنى برضه للغالية علينا كلنا هنا بجد ماما زوزو :26:
بأستأذنك ..ممكن تكلمينا شوية عن العند ف الاولاد؟ وتجاربك معاهم..عرفت ما شاء الله ان حضرتك عندك ولدين ..خرجتى من المعركة دى ازاااااى؟؟؟؟؟؟؟؟؟؟ :icon31:
رغيت كتير
استنوا هارغى تانى

بمناسبة التجميل والحاجات دى ..مسز انجى ممكن أقول تجربتى؟
آخر حاجة باعملها ف شعرى وجابت نتيجة جميلة وسهلة خالص
المطلوب : زبت باراشوت " أنا جبت باراشوت جولد جوز الهند ب 22 جنيه +كريم ايفا بالعسل للشعر ب 6.5 ....
الطريقة : وانتى داخلة على معركة من معارك النظافة أو الطبخ " ولازم شعرك يكون نضيف مغسول وناشف" حطى الزيت زى ما مكتوب على الازازة " وزعيه على شعرك ودلكى ودلكى ودلكى
مش لازم تغطيه بس لو بتنضفى غطيه
بعد ما تخلصى وداخلة تاخدى الشاور بتاعك اغسليه عادى جدا بطريقتك بس بلاش بلسم ولا الشامبوهات اللى هى اتنين ولا تلاتة فى واحد" أنا باتكلم على الشعر العادى"
سيبيه ينشف شوية بشكل طبيعى بلاش السشوار وبعدين ادهنيه بالكريم ولفيه بقى رولو أو دوامة زى ما انتى متعودة ..وبجد هتتبسطوا من النتيجة، هو كأنه حمام زيت بس شعرك مش هيبقى دهنى كده من الزيت وكمان كريم ايفا بجد ده رغم ان تمنه رخيص بس هو فعلا جميل
عطر ما شاء الله خبرتك هايلة بس أنا باتحفظ دايما على أى كريمات على الوش باقى الجسم عادى جدا لكن الوش الطبيعى أحسن قولى لى ليه..أقولك من الوجهتين الإقتصادية والمنطقية
اقتصاديا معظم الكريمات اللى ممكن نقول عليها آمنة ف استخدامها على الوش بتبقى غالية جدا وانا مش بتكلم على علبة ولا اتنين لان مع بداية استخدامك ليها خلاص لازم تكملى إلى أن يشاء الله ما ينفعش تبطليها خالص على الأقل هنيجى نبص ف المراية نتفاجئ من الفرق
تانى حاجة لو اتعودتى على نوع معين هييجى لدواعى السوق المعروفة ف فترة ويختفى هييجى غيره صحيح بس مش دايما بشرة أى حد بتفع معاها كل حاجة
دايما أقول دايما هيكون فيه زبادى وعسل وزيت لوز وزيتون وكل الحاجات الطبيعية انما الكريمات وخلافه شوية اه وشوية لا
وكمان الوش بالذات اكتر حاجة بتتعرض لكل الظروف الطبيعية اللى حوالينا ، باقى الجسم سبحان الله محمى غالبا ومستور وعشان كده دايما ترطيبه والعناية بيه أسهل ..طيب ليه أقلل من العمر الإفتراضى للبشرة واحمله فوق طاقته حاجات تفتح المسام وحاجات نقبضها...يمكن تشوفونى غريبة ف الموضوع ده بس دى مجرد وجهة نظر ممكن تاخدوا وتدوا معايا بخصوصها كفاية الميك أب اللى ساعات بنحن له فى البيت كده ليه نتقل على وشنا أكتر؟
ربنا يسعد أيامكم بطاعته
وألف سلامة على أى حد عيان

آخر حاجة بقى قبل ما أقوم للى ورايا
مواضيع مسابقة التلاجة جميبلة جدا يا جماعة فيها أفكار حلوة وتجديد كمان لافكار ممكن نكون ناسينها
أنا جمعت شوية أفكار عندى ف ملف وورد وده اختصارها
بس بجد لازم تشوفوها الصور تفتح النفس على التنظيف
تلخيص موضوع ترتيب التلاجات
1-ألومنيوم فويل على رفوف الأبواب والتلاجة من فوق بيعمل اضاءة تحفة.
2-استخدام خليط التنظيف من الفيرى بروايح ومعاه كلوركس ومعاه ديتول وطبعا ليفة مخصوصة ونغير المية من الفريزر مثلا للرفوف للباب.
3- فرشة الأسنان للجزء اللى بنفتح منه والأجزاء الصعب الوصول ليها.
4-نفرش فوق التلاجة بلاستيك أو جرنان نرميها كل مرة وننظف تحته بسهولة.
5-علب البلاستيك مهمة جدا نحط فيها بواقى والخضار المتنضف والمتقطع.
6- الاطباق البلاستيك المخرمة للخضار والفاكهة فى الأرفف.
7-عمل فيونكات أو أو ديكوريشن لذيذ على البرطمانات .
8-التلاجة من بره عليها أدعية ومنيو للحاجات اللى بتخلص أولا بأول.
9-حاجة بتنقط زى العسل يتحط البرطمان ف كيس.
10- لو فيه مكان... البصل والتوم صاحيين ف التلاجة.
11- ترتيب الخضار فى الأدراج من تحت الخضار الجامد وفوقه الخضار الورقى وكثير الاستخدام.
12- الخضروات الورقية نلفها بعد الغسيل والتجفيف العادى ف ورق مناديل عشان لو مبلولة تنشف وما تعفنش.
13-وضع ريحان طازج فى أركان التلاجة بعد التنظيف أو كيس شبكة او قماش فيه " قرفة وقرنفل وريحان وفحم مطحون ..اعشاب معطرة" ونخليه ف التلاجة بيدى ريحة جميلة ويمتص الروايح النفاذة.

أمشى قبل ما حد يقولى كفاية
أشوفكم على خير ان شاء الله
سبحانك اللهم وبحمدك اشهد ان لا اله الا انت استغفرك واتوب اليك

كيف الاحوال....وحشتونى كتيير.....
مادو....ايه اخبارك فينك يا جميل
انجى....رحت من يومين اشتريت كريم اولاى للعناية اللليلية"age defining" ,i,"وهو كمان بيصلح التجاعيد اللى تحت العين.....بصراحة كلع تحفة ...كنت جربت قبل كده "regenerist" ,;وكان تحفة برضه
اما بالنسبة للشعر ....فانا جربت كتيييير اكتر كريم استريحت فيه هو بالمرز بجوز الهند...بنشف شعرى بالسشوار وبعدين ادهنه "واااااااو"...وان قلت بنشفه مش بفرده يعى بعد الشوار بيكون لسه كيرلى ومنكوش واول ما ادهن الكريم الامور بتختلف خالص
بعد كده ممك اعمله دوامة اوابرمه علشان يبقى كيرلى
جالى دور برد شنيع...وعايزة انضف البيت وما ليش نفس ...دا غير الهدوم الصيفى والشتوى والغسيل اللى مجننى بينشف بعد 3 ايام
عايزة انضف الصالة بس مكسلة والبرد مضايقنى ادعولى.
كل البنات الحاضرين والغايبين.... بحبكو كتيير

السلام عليكم و رحمة الله و بركاته

ازيكوا يا قمرات
وحشتوني جدا
فاكريني ؟؟ :)