السلام عليكم ورحمة الله وبركاته
كل البنات ال طمنونى على موضوع الثانويه العامه جزاكم الله خيرا
المووع الكلام فيه كثير والى الان لايوجد تاكيد للاشاعه
عطر الف سلامه عليكى من الاكتئاب هو فعلا اكتئاب ما بين الفصول
بيكون عند النساء اكثر ولسه قاريه مقاله لعلاجه شرب قهوه صباحا
والتعرض لضوء الشمس واكل السمك لانه بيضيع الاكتئاب
ونصيحه منى اتمشى على الكورنيش وقت الغروب وجددى نشاطك
مادو مبروك لاختك وبجد انا بستنى مشاركتك جدا لان كلامك بيدينى دافعه
ربنا يكرمك ويصلح لك حالك انت وكل المجموعه
بنات كنت عايزه افتح معاكو موضوع الجامعات الخاصه وياريت تشاركونى الاراء
من خلال ناس كتير فى العيله مصاريف الجامعات والدروس فيها ارقام فلكيه
فانا حاسه انى لو دخلت ابنى او بنتى جامعه خاصه بظلمه وبظلم نفسى
بظلم نفسى لان الارقام فلكيه وبظلمه لان فرص العمل غير متاحه للخاص
فمثلا هنا فى الكويت اى خريج من جامعه خاصه بيرفضوا انه يشتغل
لازم يكون خريج جامعه حكوميه لانها معترف بها فنفترض حتى لو اشتغل
محتاج سنين قد ايه من العمل لتعويض ما صرف على تعليمه
فوجهة نظرى الشخصيه لحل المشكله ان الرقم الفلكى ال حا يصرف على تعليمه
يتعمل له بها مشروع فيجد دخل وفرصة عمل
وايضا فى برامج كمبيوتر قويه وبيكون مطلوب عالميا والرواتب مجزيه جدا انه يعوض دراسة الجامعه باخذ شهادات كمبيوتر توفر له فرص عمل
فياترى وجهة نظرى صح ولا فيها ظلم للابناء
محتاجه رايكم

انا من رأى يا عروس ان انا ادخله جامعة حتى لو حكومية وبعدين اعمله المشروع اللى يأمن مستقبله لانه مش هيلاقى الشغل مستنيه
لكن الدنيا كلها بتاعة شهادات زى ما بيقولوا
شوفى هنا مثلا اللى بيشتغلوا بثانوية عامة من اهل البلد بياخد كام بس دول علشان ليهم دعم عماله
لكن اللى مش من اهل البلد رواتبهم ضعيفة

فانا من رأى اننا نمسك العصاية من النص
ندخله مثلا حاسبات ومعلومات اللى فى مصر مستقبلها ماشاء الله رائع ونكما بقى كورسات وبتاع
او لو علشان المجموع يبقى يدخل اى حاجة يقدر يستحملها او يبلع الدراسة فيها ويخلص وبعدين يعمل المشروع اللى على هواه..

ده راى الشخصى وان شاء الله البنات يكملوا مناقشة رايهم فى الموضوع ده

ربنا يكرمك ويوفقك ويوفق ابناءنا وبناتنا اجمعين

بقولك صحيح يا عروس شفتى ماكينة الشاورمة اللى كانت اخت منزلاها فى المنتدى؟؟؟؟
كانت جيباها من زمان بس انا هفطس عليها
كانت بتقول من aCE HARDWARE بس رحت ومش لقيتها :(

السلام عليكم لخامس مرة كل شويه اكتب والنت يقطع بعد كدة هبقى انسخه الاول

عروس
كلام زئرده معقول برده مش معقول نعمل مشروع قبل الشهاده والا انت قصدك ايه
واتمنى البنات يفيدوكى اكتر لانى لسه بحاول افهم الفرق بين المدارس الخاصه واللغات و...و....ومش فاهمه حاجه بردة
مش عارفه ايه الحيرة دى
على ايامى مكنش فى حيرة خالص حتى الحكومى كان لسه بخيره
وجزاكى الله كل خير على معلومات مضادات الاكتئاب كلها سهله ويا رب تاثر
وشكرا على الدعوة الحلوة والله احناكلنا اللى بنستنا مشاركتك
ربنا يسعدك ويفرح قلبك

عطر اضم صوتى لصوتك واسال ايناس نفس السؤال لنفس السبب
ايناس عن تجربه اكتر حاجه تدى لليوم بركه هى الصحيان بدرى وخلصى شغلك وبعدها نامى براحتك
هى ركها انك تشيلى الغطاء وتدخلى الحمام وتتوضى وتصلى وبعدها هتفوقى وربنا يسهلها
سلام

السلام عليكم ورحمة الله وبركاته

معلش اولا قبل ما انسي اللي كانت بتسأل على شكل البردقوش هو شبه الزعتر بالزبط بس ورقه اعرض سنة وملوش ريحة جامدة زي الزعتر ومعروف اوي عند العطارين متئلئيش هتلاقيه بسهولة

اماني لا مش بيتحرقوا في الزيت خالص متئلئش

مادو السكرة ربنا ما يحرمني منك انتي عارفة انا نفسي نبئى كلنا متواجدين هنا وهناك ابئى شقري علينا
شوفي الفرق ين المدارس الخاص واللغات
ان الخاصة فيها نوعين عربي يعني نفس مناهج الحكومة بس العدد اقل في الفصول والاهتمام اكبر عشان بفلوس ووفيه خاص انجلش يعني الانجليزي مادة اضافية لكن اللغات بيدرسوا كل حاجة بالانجلش ماعدا العربي والدين واللغات دلوقتي برده فيه انواع يعني الناشونال اللي هو مناهج الحكومة (وده ارخص حاجة كمان) بس بالاانجلش وفيه امريكي وفي الاي جي اللي هو المنهج البريطاني

شيمو يا بنتي انتهزي الفرصة وادلعي وريحي نفسك عشان خلاص ايام الراحة بئت في العد التنازلي بكرة لما البيبي يشرف مش هتشوفي النوم ربنا يتملك حملك على خير ويقومك بالسلامة يارب


بي هابي وان وعروس وزئردة وعطر وكل الحلوين بسلم
هي ماما زوزو مختفيه ليه خير