ازيكم يا أحلى ستات وبنات وأمهات
نفسى أسلم عليكم واحدة واحدة وعارفاكم بجد .....بس باتلخبط:22::22: ..ما تزعلوش هتعود قريب:26:
هقولكم اللى أعرفه عن موضوع الجامعات والمدارس نتيجة شوية تجارب ومتابعة منى ومن زوجى للموضوع ده
أنا اولا كان عندى السنة دى اتنين من ولاد اخواتى فى ثانوية عامة من برة مصر
والحمد لله حمدا طيبا مباركا واحدة دخلت طب والتانى هندسة -جامعات عادية
بس امهاتهم وابائهم كانوا متابعين موضوع الجامعات وكده من أول ما دخلوا ثانوى اصلا لظروف تواجدهم بره مصر
اللى اعرفه ان وزير التعليم السنة اللى فاتت قابل أولياء امور الطلبة اللى كانوا فى السعودية وأكد لهم ان الجامعات المصرية هتقبل الطلبة بنفس شروط الجامعات فى السعودي " الدرجات يعنى" لان كان فيه اشاعات عن ان اللى هياخد ثانوية عامة من برة مصر حتى لو كوالالمبور هيدخل جامعة خاصة-على أساس بقى ان اهلهم قادرين..وكأن مفيش تمن اصلا للغربة!!!!!!!!!!!
ولو حد فيكم متابع هيعرف ان فيه مشاكل كتير حصلت للثانوية السعودية والليبية -يعنى فيه ناس جايبة مجاميع عدت المية بعد المعادلة وجالها كليات تجارة وعلوم وحاجات عجيبة وبدون مبالغة ده اللى حصل مع نص الطلبة الوافدين من السعودية بالذات واتحل الموضوع بالتماسات وطلبات تحويل " طلب التحويل نفسه كان بيدفع له 500 جنيه"
ولو حد فيكم تابع اللى حصل السنة فى الثانوية العامة هيعرف ان معظم الناس -وخلينا نقول القادرين نسبيا منهم- بقوا بيهربوا من قصة الثانوية المصرية أساسا
ويمكن بسبب ده اخدنا انا زوجى قرار بدرى جدا ان ولادنا ما ياخدوهاش
وبدأنا ندور عن البدائل
وزى ما فيه اختنا هنا قالت( سامحونى مش فاكرة مين ) انها بتكون الأمريكان دبلوم أو الآى جى اللى هى البريطانية
فوجئنا برضه ان فيه كلام عن ان أى حد هياخدهم مش هيكون له مكان غير ف الجامعات الخاصة
وفيه ناس خبيثة بتقول ان ده اتجاه ان الناس تكره الثانوية العامة المصرية وبالتالى يزداد الطلب على الجامعات الخاصة" وده بيخدم طبعا رجال الأعمال أصحاب الجامعات دى
وناس بتقول ان تدريجيا اصلا كل الجامعات هتبقى بفلوس" وده اتطبق فعلا فى بعض كليات هندسة وزراعة اللى بتدرس مناهج من جامعات دولية"
ورجعنا احترنا تانى
بس بصراحة اللى حسم الموضوع - خبر صغنن كده عن اللى هيحصل فى الثانوية العامة من 2010 هتبقى تلات سنين ونص الدرجات فى التلات سنين تخضع للتقويم الشامل واللى فيكم حد عنه فى ابتدائى هيفهم ان ده معناه ان نص الدرجات فى ايد المدرسين..فاهمين الكلام ده معناه ايه؟
انا ابنى ف تانية ابتدائى وعندى بنوتة 2.5 ووالله شايلة همهم من دلوقتى بس لما بتضيق بيا بقول ..يا رب
يعنى كل اتجاه للدراسة اصلا هيودى غالبا لحاجة واحدة وهى فلوس كتير ، بس احسبوها وأسسوا الولاد صح والمستنقبل بقى ربنا يتولاه وربنا يسترها ف أيامهم الصعبة دى

يا ستات ويا بنات حد فيكم يحب يتشجع معايا ويعمل ريجيم ما بعد رمضان ولان الشتا داخل وبيحب الأكل وبستخبى فى الهدوم ويبننسى نفسنا
انا عايزة اعمله طلبا للصحة مش النحافة والله ، دايما أقول لما أحافظ على صحتى بمزاجى احسن ما يبقى طلب دكتور بعد شوية
عندى أنظمة كتير معقولة ..هل من مشجعات؟؟؟؟؟؟؟
على فكرة أنا بجد بأحبكم كلكم ف الله:26:
سبحانك اللهم وبحمدك ، أشهد أن لا اله إلا أنت أستغفرك وأتوب إليك

مادو موضوع التعليم اصبح مشكله واصبح عبا اكثر من فائده
زوجه مصريه انا اول المنضمين معكى لتخفيف الوزن انا بحاول
امشى ساعه يوميا والحمد لله نزلت كيلو بعد رمضان وانا مع التخفيف
فى الاكل وليس الريجيم منتظره برنامجك وتشجيعك
بنات شوفو الرابط ده
الرابط http://forum.hawaaworld.com/showthread.php?t=1421131

عطر....ومادو....بصو ياجماعة:انا شيلت اللولب من حوالى سنة وما حصلش حمل ...روحت للدكتور وعمللى سونار وقاللى حنجرب الدوا دا من اليوم ال15 للدورة لمدة 10 ايام
الدوا للتثبيت انا اخدته قبل كده فى حملى الاول
هو ما قالش السبب بس انا الدورة عندى ما كانتش منتظمة يعنى احيانا تعدى ال30 يوم وما يكونش فى حاجة....وانا سمعت دكتورة بتقول ان احيانا بيحصل حمل بس بيبقي ضعيف فبينزل مع البيريود
على العموم....هو قال لو الدوا ما جابش نتيجة حيديلى منشطات بسيطة
الدوا اسمه"يتروجستان" وهو عبارة عن هرمون البروجسترون
ارجو انى اكون افدتكم

be happy....انت عندك حق فى موضوع اننا نجيب حد يساعدنابس انا عانيت كتير من الموضوع ده....والنتيجة البيت مش نضيف ودفعت فلوس على الفاضى