اولا ميرسيييييييييي جداااااااا ياا ايناس على التوضيح
و انا كنت باخد المثبت ده ايام الحمل عشان كان ضعيف
و انا زيك بالظبط شلت اللولب من شهر فبراير و محصلش حمل بس انا بصراحه مش مستعجله عشان كدا مش ببحث في الامر
بس قلت اسالك عشان يبقى عندي خلفيه
قوليلي هو ابنك كام سنه ؟؟



عروس النيل_______موضوع الكليات ده بقى عايز له حسبه بورمه
هوطبعا الاتجاه الحالي المعترف بيه هو الكليات الحكوميه و فعلا بقت مطلب في كل دول الخليج
بس طبعا محتمل يكون على حساب ابنك لو التنسيق فرق بدرجه او درجتين


المعترف بيه كمان الجامعه الامريكيه و الجامعه الالمانيه و مطلوبين اكتر من اي حاجه و بيتخطفوا خطف و بياخدوا الافات مؤلفه
انما تقلي جيبك بقى

اما الجامعات الخاصه العاديه فطبعا ملهاش اي قيمه حتى الاكاديميه العربيه


بس انا اللي شايفاه مطلوب في سوق العمل حاليا هي الشهادات المعادله الاجنبيه

يعني مثلا لو حد خريج تجاره
و اخد سي اي بي و ام بي ا و سيزا
دول بقى مش قادره اقوللك بيدفعوا فيهم الوووووووووووف
يعني انا ابن عمتي مدير بنك اجنبي و عرف ان اخو جوزي واخد
كل هذه الشهادات وهو اصلا بيشتغل في الامارات بمبلغ فلكي
عايزه اقوللك بيعمل البدع عشان يجيبه مصر و ياخده باي مبلغ
و قالله من 25000 لطالععععععععععععععع
مع العلم ان اخو جوزي ده عنده 31 سنه بس
وهو اصلا خريج تجاره جامعه طنطا


يعني الشهادات دي بقت المستقبل حاليا



بس انا بصراحه شايفه ان لو في مجال ولادك يكملوا بره يبقى احسن لهم الف مرهههههههههههههه




زوجه مصريه_______اهلا بيكي معانا و طبعا عايزه اعمل ريجيم جامدجداااااااااااااا لان الخسائر فادحه

صباح الخير جمعة مباركة ان شاء الله
عروس وعطر الشموع ربنا يكرمكم شجعتونى
ها مين كمان؟
طيب تحبوا أكتب النظام هما ولا أفتح موضوع فى قسم النحافة والتخسيس
وتحبوا تبتدوا من امتى
بخصوص موضوع الجامعات
على فكرة عكس الشائع الجامعات الخاصة مش سيئة بالعكس 6 أكتوبر مناهجها كويسة جدا ومعظم الخريجين بيشتغلوا فى المصانع اللى هناك واللى معظمها مملوكة لأصحاب الجامعات الخاصة نفسهم
هى الفكرة بس ليه لو ابنى متفوق ومن الأوائل مثلا ما يكونش له حق دخول الجامعات العادية اللى برضه مستوى التعليم فيها مش وحش يا جماعة خاصة كليات القمة وليه عشان أنا أسسته صح ف مدارس غالية مثلا و لانى بره مصر يبقى لازم أدخله خاصة؟
عطر ...عندك حق أهم حاجة دلوقتى الشهادات دى بداية من الicdl لأى شهادة متخصصة فى مجال الخريج
ناس أعرفهم يا جماعة ابنهم ف اعدادى دلوقتى وكان ف مدرسة تجريبى لغات...حسبوها بالشكل التنالى
مدرسة تجريبية حنينة ف مصاريفها+اهتمام بمواد اللغة والساينس والرياضيات فى شكل دروس برايفت +آى جى فى ثانوى ( بتكلف حوالى 30 ألف جنيه)وفى الآخر جامعة بريطانية
الجامعة البريطانية لسه جديدة والطلب عليها مش جامد قوى ومصاريفها معقولة بالنسبة للأمريكية مثلا
بس بجد يا جماعة أهم حاجة التأسيس فى البدايات مهم جدا
ويا رب أعنا على تربية ولادنا عشان يكونوا أولاد صالحين الأول ويقدروا يصمدوا لمغريات أيامهم
سبحانك اللهم وبحمدك ، أشهد أن لا اله إلا أنت أستغفرك وأتوب إليك

صباح الخير يا بنات وحشتونى

ربنا يعينكم يا بنات

على موضوع الجامعات دة انا بصراحة معنديش فكرة اوى

انا كنت لسة انا وجوزى بندور على مدارس لزيزو عشان هنا بيدخلوا على 3 سنين

بس مش عارفة اختار على اساس ايه
ومش عارفة ايهم احسن اللى منهجها امريكي ولا كندى ولا بريطانى ؟؟؟

دة غير ان مصاريفهم غالية جدا بس بنقول مش مشكلة المهم يتأسس كويس ربنا يسهل

enn
ربنا يكرمك ويرزقك بالذرية الصالحة عاجلا غير اجلا يارب

زوجة مصرية

تصدقى انى زدت في رمضان 8 كيلو :( بس مش هاقدر اعمل ريجيم لانى حامل

مع انى من اول الحمل ما زدتش غير 2 او 3 كيلو وكنت مبسوطة و اتفاجئت بعد رمضان انى زدت 8 كيلو في شهر مع انى كنت بصوم كله

سلامى لكل البنات صباح الفل عليكم:26:

عطر....انا ابنى عنده 6 سنين
ميمسي....ربنا يخليك يا قمر وشكرا على دعواتك
عروس.....بيتهيا لى بى هابي معاها حق خصوصا ان الظروف الاقتصادية الايام الجاية دى مش مضمونة ..فاى مشروع بيبقي فيه مجازفة كبيرة ....عن تجربة

زوجة مصرية....اهلا بك معانا كنت فين من زمان يا شيخة
يالا بقي قوللنا على الرجيم....لحسن الحالة صعبة اوى