عطر
جزاك الله كل خير على التوضيح
بس برده عايزة اعرف مساله الانتقال دى من مدرسه لنوع تانى من المدارس عادى كده بيقبلو
اعتقد اللغات ممنوع الانتقال ليها مثلا

والقصه دى قراتها من زمااااااااان وعجبتنى بردة
وانا مع كلام زئردة فى موضوع التاسيس دة

والله يبارك فيكى وعقبالك يا رب عن قريب

صباح الخير يا صحبة الخير
مادو
مبروك البيبى الجديد لأختك وعقبالك انتى وإيناس ( إيناس هى enn مش كده؟) وكل اللى نفسها ربنا يكرمها بالولد والبنت الصالحين
تصدقوا أنا بنوتى 2.5 بس برضه وحشنى الحجم الجونيور خالص والايدين البمبى ..يا خلاثى..بس أنا كفاية كده ..الحمد لله
بالنسبة لموضوع المدارس والجامعات يا مادو
هى عطر قالت المختصر المفيد ربنا يكرمها، بس هأضيف كمان ان فيه دلوقتى المدارس الإسلامية زى منارة القاهرة مثلا أو الأزهرية الخاصة لغات زى الرحيق المختوم ، المدارس دى أساسا البدراسة فيها عربى وبياخدوا اللغة كمستوى رفيع يعنى لهم منهج اضافى غير المنهج العادى بتاع الإنجلش ، بس لهم حوالى 6-7 سنين بدأو يعملوا قسم لغات (يعنى يدرسوا العلوم والرياضيات بالإنجلش) وما شاء الله المنارة مثلا تحفة من معاملة مدرسين لمستوى تدريس وأهم ميزة فى المدارس دى التربية الإسلامية ..بيكون شئ جميل جدا لما اللى بتربى أولادك عليه هو نفسه اللى بتغرسه فيهم المدرسة ..معظمنا عنده المشكلة دى بتقولى لابنك حاجات معينة ويروح المدارس التانية يلاقى عكسها، يمكن الأزهرى الخاص تقيل شويبة فى المناهج الإسلامية بس فترة وبعدين خلاص بيكون تعود
بالنسبة لإنك برة مصر المتاح عندك مختلف طبعا..بس هأقولك يا مادو لو انتوا مستقرين عندكم يعنى "عايشين" هناك زى ما ناس كتير بتعمل مش مجرد فترة للشغل وخلاص يبقى خليكى فى المدارس الإنترناشيونال وعندك فى الدوحة البريتش والأمريكان والإتنين ممتازين بس حسب شخصية ابنك..لو هو طيع ومسالم هتناسبه البريتش لانهم شداد شوية فى تعاملاتعم وقوانينهم ومستوى التعليم طبعا حدث ولا حرج فوووووووووووووق الممتاز ولما هييخلص بيبقى له الفرصة فى دخول الجامعات العالمية والمدرسة بتوضب لولادها مقابلات مع مندوبين الجامعات
أما لو عنيد بقى ومكبر دماغه " زى ابنى كده" فهيكون الأمريكان أفضل .......طبعا يا مادو مصاريف الإتنين وهم..بس حسب قراركم عايزين تبنوا ابنكم ولا تبنوا له
وفيه طبعا عندكم المدارس الخاصة برضه ومستواها كويس جدا ..بس أنا أخدت السلم من فوق لما اتكلمت على البريتش والأمريكان ..وما نقدرش ننكر ان بجد مصاريفهم صعبة جدا جدا جدا وواللى أعرفه كمان ان أولاد الأمراء وصفوة الصفوة هم اللى بيكونوا فيها وجزء ضئييل من اللى بجد بيستثمروا ف ولادهم ..يعنى فعلا كل دخلهم رايح ف اتجاه تعليم لولاد.
وبالنسبة لموضوع الخاص والتحويلات
التحويل من خاص لغات لتجريبى لغات أو عربى زى امكانية دخول الجمل فى خرم الإبرة ..وبالذات التجريبى المميز اللى مصاريفه تقريبا زى الخاص لغات
فاعرفى انك لو دخل مدرسة لازم تكونى عاملة حسابك يكمل فيها ، وموضوع ان خريج الخاص واللغات هيدخل جامعات خاصة بس..ده مشروع لسه فى المطبخ زى ما بيقولوا، بس كالعادة بيجسوا نبض الناس وبيؤهلونا انه هيكون واقع ..على الأقل للى لسه فى ابتدائى دلوقتى

نسيت اقول
المدارس العالمية لها فرع تقريبا فى كل دولة عربية والمناهج بتكون واحدة وبتيجى أصلا من بريطانيا أو اميركا فطبعا التحويل من بلد لبلد سهل جدا

ميمسى وإيناس ومادو
حاضر هكتب الريجيم هنا
وأنا جربت أنظمة كتير جدا من أيام ما كنت ف ثانوى مثلا
بس هأكتب لكم آخر واحد مشيت عليه ف الصيف وكان جميل وجاب نتيجة حلوة وكمان مش مجهد
بس افتكروا اهم حاجة الإرادة طبعا ولازم نمشى عليه مش أقل من شهر عشان نبتدى نلاقى نتيجة وأنا دايما حاطة قاعدة ..أخس بمزاجى مش بأمر دكتور
ومن علامات نجاح الريجيم يا ستات يا شاطرين انك تلاقى جسمك بيستجيب وفعلا ما تقدريش تاكلى غير اللى مقررة تاكليه
نبتدى باسم الله؟
ايه رأيكم هأكتبه بالليل ان شاء الله عشان نبتديه من بكره...............موافقون؟؟؟؟
مدام وائل .....فينك؟ يا رب تكونى بخير
عروس وهايا وبى هابى وزئردة وكل الستات اللى بييجوا هنا....ربنا يسعد أياكم بطاعته
سبحانك اللهم وبحمدك ، أشهد أن لا اله إلا أنت أستغفرك وأتوب إليك

أنا لخبطت.." مفيش هنا ايموشن وشه أحمر من الكسوف؟؟؟؟؟؟؟؟؟؟؟" ميمسى هى اللى ف قطر...
سورى يا مادو والله لخبطت عشان بس لسه جديدة عليكم
يلا بشرة خير يمكن تسافرى ..."" ايموشن وشه أحمر خالص من الكسوف"