صباح الخير يا بنات
زوجه مصريه اهلا بيكى معانا وبعدين ايه المعلومات الجامده دى فى التعليم هو انتى بتشتغلى مدرسه ؟؟؟؟ وفعلا زى ما بتقولى كده الكلام فى التعليم حاجه توجع القلب الايام دى و وها يحسه قوى اللى عنده ولاد فى الابتدائى بجد بنكلم نفسينا وقلقنين على مستقبلهم التعليمى ربنا يسترها معاهم ويقدرنا على تربيتهم تربيه صحيحه
عروس حكايتك مع صحبتك اثرت فيا خالص ربنا يكرمك ويجعله فى ميزان حسناتك
مادو وعين وايه وهايا ورونى وعطر وبى هابى ومى ومدام وائل وماما زوزو وكل البنات صباح الخير عليكم

السلام عليكن جميعا

انا متبعاكم عالطول بس بصراحة ماكنش ليا نفس اكتب خالص

بس موضوع الدراسه دة خالنى اتحمس واكتب
انا رايى ان التعليم الدينى هو الاضمن وخصوصا فى الزمن دة

مها يكون معاكى فلوس او اكبر شهادات من احسن الجامعات هتقدرى تواجهى الفتن ازاى وبايه
وفى تعليم ازهرى خاص وعلى مستوى برضو

يعنى جمعنا بين الدين والدنيا

دة راى يا جماعة ولو معايا مال قارون بردو مش هعلم اولادى غير تعليم دينى

ولا ايه رايك يا عروس

ايه يا بنات فين التشجيع على شغل البيت

انا عندى جبال من الشغل بس حاسه انى مش هقدر اعمل حاجة

شجعونى

وكمان عايزة اعمل رجيم لانى زايدة حاوالى 18كيلو تخيلوا

ومش قادرة لان ابنى معاه الصفر والدكتورة قالتى اكليه على قد ما تقدرى
فطبعا باكل كتير واشرب حابه ومغات علشان اللبن يبقى موجود وبكترة

انتو ايه رايكم اديله صناعى مع الطبيعى واعمل رجيم بصراحة محتارة

فطوم....الف سلامة على البيبي
امال فين ماما زوزو
زوجة مصرية....ولا يهمك كلنا بنلخبط....انا مستنية الرجيم بتاعك بليل

حبيبتى فطوم اوعى تدى ابنك لبن صناعى انا مجربه الموضوع ده فى التلات ولاد وللاسف الموضوع ده كان بيبقى غصبن عنى وكنت اقعد اعيط لما ابنى يتعود على الصناعى ويسيب الرضاعه الطبيعيه وانا هاحكيلك تجربتى مع عيالى يمكن تستفيدى
فى الاول بنتى كانت بترضع طبيعى وعادى جدا لغاية شهر ونص حاسينا ان البنت وزنها مش بزيد وبقت جلد على عضم خدتها للدكتور ووزنها وقالى لأللصناعى وافضلى رضعيها وطلب يشوفها بعد اسبوعين وللاسف وزنها ما زادش وقالى مش ها ينفع غير نساعد بصناعى يعنى مجرد رضعه واحده بس فى اليوم قلت مش مهم بس على مين الطفل سبحان الله ذكى جدا وبيقدر يفرق بين الصناعى والطبيعى خصوصا انه بيستسهل الصناعى وبيرضع اسرع بدون تعب وغير نسبة السكر اللىمهما كان نوع اللبن بتبقى برضك موجوده فيه المهم البنت بطلت ترضع منى خالص وكانت ترفض تماما واعد انا اعيط ما تعرفيش ده بيكون ايه حسد وعين ولا ايه بالظبط وبعد معاناه استقرينا على الصناعى اما بالنسبه لابنى التانى فا ده ماغلبنيش من اول اسبوع رفض يرضع منى وكان الللبن برضه قليل فغيرنا على الصناعى بما اننا ليناخبره قبل كده فى اخته اما فى ابنى الاخير فا سبحان الله كان بيرضع منى وتمام ما فيش اى مشاكل لغاية ما فجاءه ما جاتله الصفرا وتعب وانا فى نفس الوقت تعبت جدا وبقيت مش قادره ارضعه خالص فالدكتور نصح بالصناعى علشان صحتى وصحة البيبى وزى ما قلتلك الموضوع بيبتدى برضعه واحده مساعده بس بينتهى بادمان للرضعه ورفض الرضاعه الطبيعيه تماما بصى انا ما نكرش ان الرضاعه الصناعيه ليها مزايا بس عيوبها اكتر من مزاياها كفايه النزلات المعويه اللى كانت بتحصل لولادى ولالسهال المزمن والاهم ضعف المناعه الطبيعيه عندهم وتعبهم عند اى نزلة برد ولو كانت بسيطه
ده انا من كتر ما عانيت من الموضوع ده بنصحك اوعى ترضعى صناعى اذا كان مافيش اى مشاكل عندك وابنك بيرضع منك وكله تمام حرام تمنعيه من لبنك اللى كله غذى وفايده ومش هاتقدرى تعوضيهوله من اى لبن برانى خالص ده ذنبه هايبقى فى رقبتك واسألى ام اتحرمت من النعمه دى وهى اجمل نعمه للام ساعة ما تضم ابنها وترضعه منها عارفه الكارثه ايه انه فى امهات بتحرم ولادها من الرضاعه علشان خايفه على جمال سدرها او خايفه على وزنها يزيد ورشاقتها تضيع سبحان الله لما هيا خايفه على ده كله امال ليه بتخلف من اساسه ربنا يصلح الحال
لا يا حبيبتى اوعى تبخلى على ابنك وطولى بالك عليه واصبرى وده فى حد ذاته جهاد وكله فى ميزان حسناتك وتغذى كويس واهم حاجه هيا شرب السوايل بكثره مش كتر الاكل والنشويات اما وزنك فان شاء الله بعد فترة الرضاعة بتعالجى الزياده دى وبتعملى رجيم وتخسى وانا بسمع ان فى ستات مع الرضاعه بتخس وغير كده فى ريجيمات بتتعمل مع الرضاعه ومناسبه لست اللى بترضع
ارجو انى اكون افدتك فى الموضوع ده ربنا عالم انا قد ايه بنصحك من قلبى وحاسه بيكى .....وربنا يخليلك ابنك ويشفيهولك ويباركلك فيه