عطر.....فيه دكتور كويس اوى عندك فى اسكندرية وامين جدا وانا جربته......اسمه "يحيى عثمان"....هو فى كامب شيزار ....وعلى ما افتكر عيادته على الترام وهو اكثر من ممتاز....روحيله صدقينى حيريحك
باقى البنات..انا لسه ما قريتش باقى الصفحات وارجع ليكو بكرة ان شاء الله
سلام مؤقت

ايناس____انا اول مره اسمع عنه بس لوفعلا انت متاكده انه كويس يبقى اكلم الدليل واسال عن عنوانه و تليفونه
و بجد ميرسي يا حبيبتي على الاهتمام دا كله
و طبعا دا العشم لان الموضوع ده حتى متكلمتش فيه مع جوزي عشان ميقلقش


روشانا و نيرفانا ايه الغياب دا كله؟؟
بتوحشونا جداااااااا

بصوا بقى انا عايزه انقاذ

طبعا انا كنت قلتلكم من فتره اني عمري ما جربت اعمل ملوخيه

و اليوم فقط قررت اجرب و قلت فرصه اننا هنتغذى حاجه تانيه

يعني عشان الخساير

المهم انها ريحتها ملوخيه و شكلها ملوخيه بس فاكه من بعضها

يعني الشوربه في حته و الملوخيه في حته و طبعا ملهاش عرق


هقولكوا الخطوات اللي عملتها عشان تقولولي فين الخطا لاني وراها و الزمن طويل


بصوا جبت الشوربه غليتها
و بعدين حطيت مكعب ماجي
و بعدين حطيت الملوخيه الفروزن
و بعدين جبت طاسه و حطيت فيها
زبده و كزبره و توم
و حمرتهم مع بعض لحد ما لونهم بقى ذهبي
و في هذه الاثناء كانت الملوخيه بتغلي
و بس قمت حطيت التقليه و طفيت النار
و استني اي شكل للملوخيه ابدااااا
بس طعمها كويس كاول مره


يلا قولولي الخطا فين
و ياريت الطريقه بالتفصيل الممل

عطر
الملوخيه مش بتتغلى
انتى بتفكيها بس بمعلقتين شوربه سخنه بعيد عن النار
وتغلى شوربه لوحدها ولما تغلى تهدى وتحطى الملوخيه واول ما تقلب تحطى التقليه غلو وطفى النار
وبلاش تغطيها عشان متفصلش
والبنات يكملو معاكى باة

الملوخية الخضراء
المقادير:
نص كيلو ملوخية تقطفيها من العيدان ثم تحطيها فى مصفاة و تغسليها كويس جدا لحد ما الطين كله ينزل و تبقى المياة نضيفة افرشى جرنال فى الهواء و افرشيها علية لحد ماتنشف بس ابقى قلبيها بايدك و بعدين تخرطيها بالمخرطة ناعم . +2 كوب شوربة اى نوع عندك ارانب او فراخ او حتى ماجى (2مكعب) ثوم مهروس _ كزبرة ناعمه_ ملح
الطريقة:
اغلى الشوربة كويس جدا (ابقى اظبطى الملح) ثم خدى منها ملعقتين فى طبق صغير و الملوخية المخرطة و قلبيهم جامد لحد ما الملوخية تفك ثم حطيها مع باقى لشوربة على النار والنار مش عالية فى طاسة صغيرة حطى ملعقة سمن اما تسيح حطى الثوم المهروس حوالى ملعقة كبيرة لما يصفر حطى الكزبرة حوالى نص ملعقة كبيرة مليانة يادوب تقليبة و روحى طشاهم على الملوخية تقليبة واحدة و اطفى النار وغطيها
دى طريقه مدام دون