اهلين حبيباتي من زماان وانا متابعتكم وحبيت انظم معاكم ممكن والا اشيل عفشي واغراضي واهرب هههه

السلام عليكم ورحمة الله وبركاته
شمووع هاتى اغراضك وانضمى معانا يسعدنا وجودك
مى اسم لارا ده اسم بنت اخويا وهى ما شاء الله جميله جدا ومعناه هو اسم نوع من انواع العصافير وفى ناس بتقول انه اسم زهره
عطر انتى دخلتى فى الملوخيه ربنا يستر فعلا الملوخيه ما تغليش لانها بتفصل وطريقة مادو مظبوطه ولازم ان شاء الله تروحى لدكتور جديد وطمنينا
مش عارفه ايه حكاية الوقت اليوم بيمر بسرعه رهيبه دعواتكم لان عندى اتنين ثانويه عامه اولى ابتدائى ونسانى كل ما تعلمته فى المدرسه وكل اساليب التربيه القديمه والحديثه ربنا يهديه وبنتى تانيه ثانوى ثانويه عامه فالوقت ضيق جدا
حاسه ان فى عندى افكار كتير لكو لكن كلها مش مترتبه فاعذرونى على التقصير
لكن عندى لكو قصه اتصلت بيه جارتى بتكى لى موقف حدث معها هى بتحضر درس اسبوعى فى المسجد
وبعد نهاية الدرس المحاضره قالت لهم انا بجمع تبرعات لسائق ميكروباص لانه سيارته اتحرقت ودى مورد رزقه الوحيد
ولا يملك مال لشراء او حتى تقسيط اخرى
فجارتى فتحت شنطة يدها لتخرج مبلغ تتبرع بيه لكن كان هذا الحوار دائر بينها وبين نفسها
احنا مهما جمعنا حا نجمع كام مش لدرجة اننا نجمع مبلغ لشراء ميكروباص ده حلم
واخرجت المبلغ من حقيبتها وهى على يقين تام ان ده شىء مستحيل تحقيقه
لكن فى نفس اليوم اتصلت السيده المحاضره بالجميع وهى فى قمة السعاده
وتبشرهم الحمد لله جمعنا كامل المبلغ ومن اول يوم فجارتى بتقول حسيت بذهول
وقلت دى رساله من ربنا ليه انا مخصوص ان ما فيش حاجه صعبه على ربنا
فحبيت احكى الحكايه دى لانها رساله لنا جميعا
اننا نتصدق مهما كان المبلغ بسيط وانا حاسه انه مالوش اهميه لكنه تجاره رابحه مع الله
تانى رساله ان كلنا لما بتقابلنا مشاكل وضغوط بنتكدر ونحس انها نهاية العالم والشيطان ينسينا اننا فى كنف الله ورعايته
احيانا كثيره واحنا بندعى ربنا لاى أمر بيكون جوانا صوت خفى بيقول معقوله ممكن دعائى يستجاب وده بيكون مدخل للشيطان
انا مهما دعيت ده موضوع استحاله انه يتحقق وننسى ان من شروط اجابة الدعاء ان ندعى وكلنا يقين بالاجابه
انا حاسه ان فى عبر كتيره ممكن نخرج بيها فياريت لو كل واحده حست بعبره تكتبها ولها الاجر
قبل ما اختم حبيت اقول لكو هى ازاى جمعت باقى المبلغ كامل من اول يوم وده احقاقا للحق زى ما شفنا
نموذج للثراء وحالة الملل فى الرابط ال عطر نزلته فى ايضا نموذج للغنى الشاكر
ان السيده المحاضره كانت فى السوق وقابلت احدى طالباتها لم تراها منذ سنوات وبعد السلامات والاشواق
سالتها طالبتها مش محتاجه تبرعات لحد فحكت لها قصة صاحب الميكروباص فكتبت لها شيك بباقى المبلغ كامل
فجزاها الله خيرا صاحبة التبرع ومن قامت بجمع التبرع وأكثر الله من أمثالهم
والله يا جماعه القصه حقيقيه وليست من نسج خيالى

السلام عليكم
شموع تنوري المكان حبيبتى اتفضلى الشاى على النار

عروس
ازيك ربنا يعينك على تربيه الاولاد ومزاكرتهم
انا باه عندى كميه زهق وملل لو وزعتها تقضى المنتدى كله
مع ان وراى حاجات كتير بس انا كل فترة بتجبلى الحاله دى بس طولت المرة دى
مش عايزة اعمل اى حاجه مبلمه وخلاص
زهقت من الروتين مش عايزة اخرج بره مش عايزة اشوف حد وفى نفس الوقت مش عايزة اعمل حاجه فى البيت
ولا العب مع بنتى حتى
انا بقالى كام يوم كده بس لما الحكايه طولت قلت افضفض يمكن ارتاح شويه
يا رب معديش حد
سلام

مادو حاولى تتغلبى على الحاله دى بتمر عليا كثيرا
اولا شغلى سورة البقره واكثرى من الدعاء وحاولى صلى ركعتين قيام
وحاولى غيرى اى حاجه فى نظام البيت او اعملى قصه جديده لشعرك
الحاجات دى بتساعد على تغيير النفسيه وحاولى اكتبى ابحثى عن افكار جديده ونشطينا معاكى
يالا بلاش كسل مستنيه انتى تشجعينا وبعدين فكرتينى انا مخصماكى كده تنزلى رابط
منال العلم فى دردشة مطابخ وتنسينا نزليه هنا ولو لقيتى اى روابط جديده لها هاتيها لانى بحب افكارها جدا

شموع____تنوري يا حبيبتي دا احنا حتى جيران في الاسم ههههههه


عروس _____ربنا يعينك على اولى ابتدائي قبل ثانويه عامه احسن الاطفال في السن ده بيبقوا جباريييييين

و بجد سبحان الله الدعاء ده نعمه
و بجددايما بحس ان ربنا بيجعلنا ندعي بدعوات معينه غريبه عشان يحققها لنا
يمكن تفكير طفولي بس انا بجد بحس بكدا اوي
يعني في دعوه كنت عمري ما فكرت فيها
و سبحان الله طول رمضان بدعيها معرفش ليه و بثقه مرعبه
و بعد رمضان لقيت ان جوزي بيفتح لي موضوع الدعوه
و بياخد خطوات معينه بتؤدي في النهايه ليها؟؟؟!!!!!(مش موضوع الحمل بالمناسبه)
طبعا الله اعلم ايه اللي هيحصل في المستقبل
بس دايما دا احساسي ان ربنا بيكرم الواحد بالدعوه و ده معناه تحقيقها (طبعا الله اعلم بس ده احساسي)



مادو____ميرسي على طريقه الملوخيه و هجربها تاني و يا انا يا هي

بي هابي____انا للاسف مليش في موضوع التنظيف والتخريط بستسهل الفروزن بس ربنا يسهل و اعرف اظبط الخطوات