هههههههههههههههههه
و الله وحشني الرغي معاكو اوي
انا فعلا عملت كده اخدت ماما و جوزي للدكتور معايا و قالي الكلام ده و قاللهم
انتوا بتضروها يا جماعه و كده ما ينفعش و قاللي فاكهه و خضار ولبن
و حته اللحمه او الفراخ مع السلطة الاول و بعدين النشويات في الاخر
و البعد عن الكحك و القراقيش تماما و الحلويات و السكريات والاملاح

شووووووووشووووووووو

وحشينى يا جميل ووحشنى كلامك
بس ايه اللى انت بتحكيه ده؟؟
والدكتور وبى هابى جابولك من الاخر
ولو لازم تزغيط خدى لبن 4 كوب فلا اليوم
واى مصدر فيتاميم c وكلى فاكهه براحتك جوافه تفاح برتقال
وبروتين طبعا
لكن الدهون دى ابعدى عنها على اد ما تقدرى
وعايزين طقم كروشيه مفيش احلا منه للنونو
اتسلى فيه وفرجينا
ربنا يجيبه بالسلامه يا رب
سلام

مادو

وحشينيني يا بنتي ينفع الانقطاع اللي اناا فيه ده
تصدقي بابقى قاعدة في البيت و عماله و الله افكر فيكوا و يا ترى عاملين ايه
سبحان الله اكتر م الاخوات
هههههههههههههههههه
شفتي عاملين فيا ايه ؟؟؟؟
كرهوني في سيرة الاكل و ريحته و شكله ههههههههههههههه
ان شاء الله امشي ع النظام ده بس من غير اللبن من اول يوم في الحمل و انا كارهه اللبن
و البيض و مش باطيق ابص لهم تماما الا اذا كان اللبن مع عصير
الحمد لله
المهم انتي اخبارك ايه
طمنينني عليكي و على الاحوال
و يا بنتي انزلي اتسوقي و لا اخرجي غيري جو
او خدي يومين اجازة انتي و جوزك و سافروا كده ان شالله يوم بيفرق جدا

اذيكوا يا بنات
معلش مبشتركش كتير بس حاسة انى تقيلة جدا من الحمل وفى كل حاجة بقيت مكسلة
ربنا يجعلها ساعة سهلة ويرزقنى بخلقة تامة وولد صالح يارب انا وكل الحوامل

شموع اهلا بيكى معانا

روشانا ممكن تدى لبنتك اما تقوم بالليل لبن عادى او اى عصير وادهنى صدرك اى حاجة واما تطلبه اديهولها وقوليلها فيه واوا وهى هتخاف منه ويومين وان شاء الله تنساه وتنام على طول

شيماء لا مينفعش متحبيش اللبن حطى عليه كاكاو او عصير المهم لازم تشربيه انا فى حملى الاول كنت مواظبة على شرب اللبن والبيض والحمد لله وكنت كويسة
فى حملى التانى بق والله متبهدلة الهيموجلوبين قليل والكالسيوم كمان وجسمى بيوجعنى وكل شوية مشكلة فى اسنانى وكل ده علشان مطاوعة نفسى ومبشربش لبن حتى الحبوب كنت بكسل اخدها وانا اللى عانيت فبنصحك وبنصح نفسى باللبن والفواكه وكل حاجة صحية

مادو وحشانى كتير والله وان شاء الله ابن اختك يكون احسن دلوقتى وان شاء الله نفسيتك دلوقتى بقت كويسة

انجى ياريت فعلا تتشجعى وتروحى للدكتور اللى قالت عليه عين لان الصحة مفيهاش هزار

وسلامى لكل البنات لان فعل كلكوا واحشنى

السلام عليكم ورحمة الله وبركاته
شيماء منوره بجد بتعطى للتجمع روح جميله ربنا يكملك على خير وبلاش الهسهس
وتوكلى على الله بالنسبه للبن لو مش حباه دخليه مع اى حاجه تانيه مع عصير او كستارد
المهم غيرى من الشكل لكن المضمون لبن لانه مهم جدا بالنسبه لزيادة الوزن مش مطلوب فى الشهور الاولى
قللىنشويات وكترى خضار وفواكه فوزنك مش حا يزيد وتحصلى على فوائد الاكل ومش حا اوصيكى بالدعاء بالشفاء لزوجى
انجى جزاك الله خيرا يا حبيبتى هو جوزى بدأ فى العلاج وهو رحله طويله النتائج مش حا تظهر سريعه الحمد لله على كل شىء
لكن دعواتكم جميعا انه ما يحتاجش للجراحه
كنزى الف سلامه عليكى كانت الدكتوره قالت لى فى موضوع تجمع اللبن تحت الماء الساخن وتمررى مشط الشعر
على الثدى كأنك بتسرحيه بحيث ينزل اللبن وان شاء الله ترتاحى بالنسبه للمراره توكلى على الله اعمليها انا عملاها
وحاليا بقت سهله جدا لانها بالمنظار يوم واحد وبتكونى فى البيت والعمليه اسهل بمراحل من مغصها
واجر وعافيه ان شاء الله
الرما ربنا يرزقك ولاده سهله ويقر عينك بمولود يكون من الصالحين ان شاء الله
روشانا لو بنتك فطمتيها شهيتها حا تتغير للاكل وحا تاكل افضلوافضل وسيله للفطام انك تنسيها بتوفير بديل لليل
حاجه تكون بتحبها عصير او حليب ده حا يسهل الفطام
مادو انا منتظره الرابط لانى ما احتفظتش بيه واتكلمى فى الاكل لان انا بحب المطبخ وكل يوم فى جديد
بالنسبه لموضوع تربية الاطفال انا معاكى فعلا لما الموضوع بيكون مختصر وفيه المفيد بيشجع على القراءه
وبيكون له صدى اكتر حتى لو المقاله مثلا كبيره واتقسمت كل يوم جزء بيكون افيد للقارىء لان رتم الحياه
محتاج المختصر المفيد واكيد خبرتنا كامهات ومشاكلنا مع اولادنا حا تكون صداها رائع لانها من واقع تجره
عطر انتى فين شكل الملوخيه السبب
خايفه اكون نسيت حد اعذرونى لانى ما نمتش كويس واليوم كان شغله كتير
على فكره انا عملت فكره للبنطلونات الجينز القديمه طلعت حلوه جدا
قصيته من بداية الحجر وقفلته من تحت وعملت له ايدين وبقى شنطه رائعه
بنتى اخدتها المدرسه لملابس الالعاب وفى بنطلون اخر قطعته من بداية الحجر
وقسمته من النصف بقى عندى الجيب الامامى والخلفىوقفلته من تحت وعملت لد ايد
وبقى جراب للريموت بحطها فى الجيب والتجويف الداخلى للبنطلون بقى للجريده او مجله
وعلقتها على ايد الكرسى يارب يكون الشرح مفهوم وفكره مفيده للبنطلونات القديمه