شوفو الرابط ده فيه افكار حلوه لاستغلال العلب البلاستيك
ده عشان مادو مخصوص لان فعلا الاشغال اليدويه بتغير النفسيه جدا
الرابط http://forum.hawaaworld.com/showthread.php?t=1423161

الرمال الناعمة

شكرا على ردك
بس للاسف هى مش بتشرب اى لبن تانى نهائى هى كوباية الزبادى الصبح (ربنا يديمها نعمة احسن من مفيش)

حكاية انى اخلى صدرى شكلة او طعمة منفر قريت عنها كتير ان ليه تاثير سيء على نفسية الطفل لان صدر الام ده حاجة كبيرة ومهمة ليه وبيمثله الامان فان يشوفة فى صورة عكس اللى فى دماغه ممكن يعمله اضطراب
فمش حبة الجأ للطريقة دى


بس كلامك انت وعروس اوحالى بفكرة ان شاء الله اجربها احاول اجيب علبة عصير وشليموه جنبى باليل واحاول اديهالها لو صحيت


انا عارفة هو الموضوع محتاج شوية شجاعة منى و3 4 ايام من غير نوم لانكم مش متصورين بنتى عنيدة وتصر على اللى هيا عايزاه ازاى

بس كل ما فكر كده تصعب عليا ااقول يعنى مش كفاية بتقعد تكح باليل كمان اخلية كحة وعياط

بس لاقية نفسي عمالة اجل اجل ومش عارفة اخرتها ايه

وبعدين قريت مرة ان اللى بيتفطم مناعته بتقل شوية فى الاول على ما جسمة يتعود يشتغل لوحده من غير الاجسام المضادة اللى فى لبن الام
والحكاية دى مخوفانى برضه


طب ينفع ارضعها لحد سنتين ونص مثلا؟؟؟ ايه رايكم؟؟؟

هيا بتاخد رضعة واحدة بس متقطعة طول الليل لكن طول اليوم لأ

شيماء معلش تعالى على نفسك فى حكاية اللبن دى انا كنت بشربة بالغصب برضه وانا سده مناخيرى واخد وراه بقين عصير عشان يغيروا طعم بقى



بسكنت بحبة فى حاجتين باكلهم بمزاج

ارز بلبن وتكون حطة على اللبن فصين مستكة
وبعدين لما يسقع بقى يا سلام لو علية بولتين ايس كريم بيبقى واااااااااو ومشهى جدا


طريقة التانية شوربة كريمة فراخ او مشروم تحفففففففففة ولذيذة جدا

هاقولك اسهل طريقة فى الدنيا ليهم

تكونى سلقة فراخ

وهاتى حلة فيها كوب لبن وكوب شوربة وقطع مشروم مشوح بملح وفلفل او قطع فراخ مسلوقة كويس
وبعدين حطى معلقتين كبار من خلطة البشاميل بتاعة ماجى وقلبى كويس لحد ما يدوب

وبعدين ولعى النار وقلبى لحد ما يتخن التخن اللى انتى عايزاة لو عايزاه اخف ضيفى لبن او شوربة
لو عايزاة اتقل دوبى معلقة خليط البشاميل فى شوية مية او لبن او شوربة باردة وضيفية على الحلة وقلبى
وعليها عصرة ليمون واشربى فى الشتا واتدفى واتغذى وادعيلى :)

السام عليكم جميعا

انا بسلم عليكم فى السريع
انا بس لفت نظرى موضوع المرارة بتاع كنزى
انا اصلى مريضة حديثة لسه طالعة طازة من العمليات :)
مش قوى كده يعنى :)
المهم هى حاجة بسيطة اوى ومش هتحسى بيها ان شاء الله
وبالمنظار بتبقى بسيطة وسهلة
وعلامتها 4 علامات بسيطى جدا جدا
بس اهون 10000000000000000000000 مرة من آلمها وتعبها ربنا ما يوريه لحد ابدا يارب
والف سلامة عليكى يا قمر

وحشتووووووونى جدا جدا .. معلش انا اصلى مقضياها دكاترة اليومين دول الحمد لله .. انا عاوزة اسالكم يا بنات عن حاجة .. انا اصلي رحت للدكتور عشان تاخر الحمل وقلتله بقالي سنة شايله اللوب فبعد الكشف قالي ان عندى كيس ميه عالمبيض وده بيبقى كيس وظيفى يعنى بويضة مانفجرتش فى ميعادها ولزفت عالمبيض وبتستمر شوية لحد ما يتعامل معاها الجسم عادى وقالي هانتابعها بس ماقاليش لو الكيس ده ما راحش لوحده هايبقى الحل ايه .. حد فيكو سمع عن الحالة دى .. يا ريت الدكاترة يطمنونى .. ويا ريت يا عين لو عندك فكرة عن الموضوع ده تشرحيلي يا حبيبتى باعتبار ان ظروفنا تقريبا واحده .