صباح الخيرات يا بنات

اخبار فريق الريجيم ايه

بالنسبة لكبسولات بتاعة الاطفال دي ياريت بس حد يكتب اسمها عشان اسأل الدكتور عليها عشان كوكي

مادو ونانا وشيماء وفطوم وعطر وعروس وكل الحلوين ازيكم كلكم

صباح الخير جميعا ..يا رب تكونوا كلكم فى أحسن حال
ألف سلامة على كل اللى عنده حد عيان ..ربنا يحفظهم ويشفيهم
مش عارفة ليه أنا مش بافضل خالص موضوع التطعيم ده ، وبعدين فيروس البرد بيفرق كل سنة عن التانية ..بيلحقوا يجيبوا التطعيم بتاعه قبل ما ينتشر اصلا ازاى؟
انا كان ابنى لسه تعبان جدا دور غريب قعد سخن تلات أيام حرارته مش بتنزل من غير نوعين من الخافض بابدل بينهم + لبوس .الدكتور قاللى الدور هيستمر 3 أيام ..بس كان ما كانش بيقوم من السرير وغاب من المدرسة ..وما كانش فيه أى أعراض تانية..وزوجى هو اللى بيتحرك أكتر برة البيت قاللى الفيروس ده منتشر قوى
ابنى لوحده كده على ليلة اليوم التالت حرارته نزلت ..
المهم أنا شغلت على طول العسل والليمون
كمية معصورة من الليمون + نفس الكمية بالضبط من عسل النحل ويدوبوا كده سوا وعليهم حبة ميه دافية
كلنا فى البيت أخدنا منه حتى بنتى الصغيرة شربتهولها بسرنجة..كنت باعمله تلات مرات ف اليومين
متهيألى احسن بلاش نهد أجسامهم بامصال وتطعيمات تفقدهم المناعة الطبيعية ولا ايه رأيكم؟ واللى أعرفه انه من سنة الفيروس بتاع سارس الصينى موضوع المصل بفى مش مجدى..
شوية أفكار بما إن الغالبية عندهم أطفال صغيرة:
-حفاظا على السجاد
عارفين المشايات بتاعة كاربت والنساجون اللى بتبقى لأوض الأطفال بحجم كبير ..ممكن نفرشها فوق السجاجيد عشان نحافظ على نضافتها ورونقها أطول فترة ممكنة.وغسيلها بيكون سهل فى البيت مش بتحتاج تتغسل برة زى السجاجيد.
لمنع حدوث الخبطات الكتير اليومية لولادنا
-لو ترابيزة السفرة بتاعتك مكانها وسط الأوضة ممكن تتركن على جنب ولفى معظم الكراسى وراها على الحيطة والباقى من الكراسى حطيها فى الأركان كأنها فوتيهات..وأهه تغيير فى المنظر وكمان لما يبتدى الطفل يطلع فوق الحاجة ما يلاقيش.
حد عنده أفكار فى نفس الإتجاه ده ...نقلل من خبطاتهم ونحافظ على بيتنا أطول فترة ممكنة..معلش أ اصلى ابنى الكبير عمل لى عقدة ..فيييييييييييين لما ربنا هداه وبطل تكسير وتوقيع فى الحاجات على الأرض.
- حد متابع فى الريجيم؟



ربنا يسعد أيامكم

السلام عليكم ورحمة الله وبركاته
ما شاء الله الجو عندكو برد ومطر انا بموت فى المطر ورائحته بيعطينى انتعاش
لكن عندنا هنا محرومين منه احنا لسه مشغالين التكييف وسهرنا امس على البحر
رجعنا هلكانين من الرطوبه والحر
مادو وروشانا جزاكم الله خيرا افكار جميله وفعلا يا مادو لما بغير فى نوعية الخبز بيفرق معاهم جدا
بالنسبه للبرد مع الاطفال الدكتور قال فى التليفزيون الطبيعى ان الطفل يجى له برد بمعدل ثمان مرات فى السنه
لو اقل من ذلك يبقى الطفل مش طبيعى وقال على وصفة تقوية المناعه خمسه جرام حبة البركه مطحونه
على كيلو عسل لكن دور الام فى اقناع الطفل بأخذ العسل والليمون ايضا ممتاز فالوسائل الطبيعيه افضل
ممكن تضعى العسل والليمون فى سرنجه او قطاره او فى زجاجة دواء واقناع الطفل انه دواء مش اكل

زوجه مصريه كنتى مختفيه عننا فين نشطى البنات الكسلانين
سلام وحاورجعله لكو تانى

هايا

البنات قالوا ده اسم الكبسولات
اسمه برونكوفاكسوم
هو كبسولات بتتفك وتتحط على اى مشروب مرة يوميا لمده 10 ايام من كل شهر
هو لتقويه المناعه
هاسأل الدكتور علية ان شاء الله واديهولها يمكن ربنا يجعل فيه الشفا يا رب

زوجة مصرية

سلامة ابنك الف سلامة

حلوة حكاية الليمون والعسل دى ان شاء الله هاجرب السرنجة عنف عنف بقى ما دام فى صالحهم وربنا الشافى المعافى