من يومين ودنى وجعتنى جدا وكان ابنى تعبان صعب انى انزل أروح لدكتور ..وبالصدفة قريت لك يا عروس على نقط زيت الزيتون الدافى ..بجد ما شاء الله لا قوة إلا بالله ..رائعة جدا حطيتها ومع آيات الشفا وربنا كان عالم بحالى مع ابنى...
تانى يوم بقيت أحسن كتير
.
.
.
كنت عايزة أسألكم يا جماعة عن تنضيف فرن البوتاجاز..بتعملوا ايه؟ البوتاجاز من فوق مقدور عليه وشبه يومى وكمان الفويل بيساعد فى وقت الزنقة والعزومات
بتستعملوا ايه فى تنضيفه من جوة ولما بيتشال الجزء اللى تحت خالص ؟
والمكان اللى تحت اللى معمول للاحتفاظ بالحاجة سخنة
متهيألى معظمنا عنده تكنوجاز ..ده اللى انا بتكلم عليه
بالنسبة للريجيم

أنا دايما بآجى فى نصه وأعمل يوم غسيل للجسم كله
مشروبات بس
ينسون
تليو
نعناع
اى حاجة طبيعية
وطبعا الجنزبيل للى بتقدر
والقرفة
الاتنين هايلين فى تخفيف الدهون والكرش وبطن الحمل
وشوربة منخفضة السعرات لو جعت
المفروض تتعمل من البروكلى وأشياء أخرى
بس عشان مفيش عندى بروكلى باعمله من الأشياء الأخرى...
بصل +عصير طماطم+كوسة( دى بالذات جميلة جدا)+شبت+جزر الخضار كله يتقطع مكعبات صغيرة والشبت بعد ما تغلى نرشه من فوق
طبعا ممنوع البطاطس والبسلة وأى دهون
بعد ما نغلى كل ده ويستوى نتبله (ملح قليل) ونحط عليه ليمونوممكن من غير
اليوم ده بيريح جدا
ولما نيجى نتابع الريجيم تانى بنحس اننا هناكل ديك رومى..هههه
.
.
.
اجمل حاجة فى أيام الريجيم لما الواحد يحس انه خفيف كده وحركته سهلة ومتفائلين باننا هنكمل ان شاء الله
هقول تانى يا جماعة وقولولى رأيكم برضه
احنا عايزين نهتم بصحتنا ..ديننا ودنيتنا محتاجين صحتنا تكون كويسة
نوصل لوزن معقول مش نحيف بدل ما نضطر نخس عشان سكر أو ضغط أو التهاب مفاصل أو قلب..كل اللى ربنا يصيبنا فيه خير ولله الحمد الكثير الطيب المبارك..بس الوقاية خير..أنا شخصيا عندى الضغط فى أسرتى وراثى..وبيحصل لى دايما ارتفاع أثناء الحمل رغم انى ما ليش فى الموالح ولا التتبيلات الجامدة..فضل ونعمة الحمد لله.
وكمان نحتسبها طاعة زوج..المعروض بره كتير قوى وهيزيد صحيح مش هنقول عايزين نكون فلانة وعلانة ..بس زى ما بنهتم بتنويع الأكل والتنظيف والولاد لازم نلاقى وقت لصحتنا...
فيه مثل دايما كنت أسمعه من قريبة ليا الله يرحمها
جوزى عايزنى عفية ( من العافية)
وولادى عايزنى قوية ( بصحتى يعنى وأديكم شايفين الولاد واللى بيعملوه فينا)
وجيرانى عايزنى سخية( من السخاء والجود)
يلا كل واحدة عقلها فى راسها...
لو اتشجعتم هاكتب لكم شوية وجبات ريجيم شبه الأكل العادى بس بمواصفات الريجيم
سبحانك الله وبحمدك أشهد أن لا اله إلا أنت أستغفرك وأتوب إليك

سها___بجد ماشاء الله لا قوه الا بالله
و بجد كلامك هايلللللللللللللللل و فعلا الصحه دي كنز من ربنا و لازم نحافظ عليه
و بجد موضوع الازواج دي عندك حق فيها مليون الميه
و موضوع الاطفال طبعااااا عايز صحتين مش صحه واحد ربنا يعيننا
و فعلا الريجيم لازم يكون هدفه الاول الصحه و ليس الشكل
و حلو اوي يوم المشروبات ده و انا مجرباه قبل كدا
و فعلا كنت حس اني غسلت جسمي و طهرته

كمان يا بنات لازم لازم تقللوا اوي من اللحوم الحمراء لان ضررها على الجسم رهيييب
و كل ما نكبر لازم نقلل منها لان حتى لو هي مفيهاش دهون امامك
فكل انسجتها دهون غير مرئيه
يعني كفايه مره في الاسبوع
و مره بدون بروتين
و 3 مرات سمك او تونه
و 2 مرتين فراخ

و النظام ده صحييييي جداااا طبعا مع تقليل الملح و السكر و الدقيق
و ربنا يقدرنا و نحافظ على نعمه الصحه و الجسم السليم

سها الف سلامه عليكى والحمد لله ان زيت الزيتون فادك
انا جربته مع ابنى وكان فعلا ممتازودى وصفه من دكتور
وحلو جدا موضوع يوم لغسيل الجسم سوائل وشوربه
ودى وجهة نظرى انا كمان انى امنع نفسى برغبتى
افضل ما يكون اضطرارى
بالنسبه لتنظيف الفرن اسهل طريقه وهو ساخن غسل القطع المتحركه
بالفيرى ثم تنظيفه من الداخل بفيرى وبيكربونات وملح ليمون ودى خلطه متعمده عندى
لجميع الدهون عملتها فى بخاخ اوفر واسهل فى التنظيف جربى وطمنينا بالنتيجه
قرأت لابن القيم هذه الكلمات
الناس فى الصلاه على خمس
الاول---- معاقب وهو الذى انتقص من صلاته
الثانى------- محاسب وهو الذى حافظ على حدودها وذهب مع الوساوس والافكار
الثالث---------- فى جهاد وهوالذى شغل نفسه بدفع الوساوس والافكار
الرابع --------- فى ثواب وهو الذى استغرق قلبه فى مراعاة حقوق الصلاه
الخامس--------- مقرب وهو الذى يقف بين يدى ربه كأنه يراه ويشاهده

عروس كل كلامك بيبهرنى

بس اخر نقل لابن القيم دة خلانى جسمى يقشعر
يارب اجعلنى وعروس وباقى بنات التجمع من المقربين


انا طبعا كالعادة مقصرة

بس انا كل يوم لازم ابص عليكم بصه
بس انتو عارفين لسه معايا نونو جديد اللهم أحفظه هو واخته
ولسه مفوقتش من الولادة

عايزة بقى خبراتكم يا احلى بنات

ياترى عمليه البواسير متعبه اصلى الدكتور قالى ملكيش حل تانى
وادانى دواء لمدة اسبوع وبعديها نقرر
بس الدواء مش جايب نتيجة خالص عايشه بالمخدر الموضعى

خايفة قوى اعملها وفى نفس الوقت مش قادرة استحمل الالم

محتاجة تشجيعكم وخبراتكم واهم شى دعواتكم

السلام عليكم وحشتوني جدااااااااا ان شاء الله كلكم بخير انا الفتره اللي فاتت غبت عنكم علشان كان في شوية امور مش لطيفه

ربنا يهونها يا رب


باحبكم في الله